Emɔsi 5:8 - ALLALA KUMƐ

⁸ “Alla ya lolenu nadan ka anu sigi-tinɛnu tabɛn san-kole rɔ iko a di a ye nya min. Ale le ye suyi yɛlɛmana tele la. Ale le ye tele yɛlɛmana suyi la. Ale le ye yi layɛlɛla san ma ka a labɔn dugu-kole kuma. Ale Mari nyɛrɛ-nyɛrɛ le ye wo mala.

Emɔsi 5:8 ပူးပေါင်းရင်းမြစ်များ

Yobu 12:22

A si waan raka lakira. Pinpi burunnɛ kan min bɛff, a si waan raka nyɔ rɔ waran!

Yobu 37:13

Alla si bandɛ lana ka dugu-yi sa. A si a lana mɔgɛnu tɔrɔ-koe la, ni wo ma, a si ala keninteyɛ yira mɔgɛnu na.

Yobu 38:34

Ile si ke sɛrɛnna banda-finyɛ ma alako bandɛ ni keri i kun na?

Yobu 9:9

Lole minnu kɛnɛ anu nyɔgɔn tɔ san ma, Alla le ya wonu sigi nyɔ. Lole minnu bi bolo-nyimɛ anubɛ bolo-maran wara la, Alla le ya a ma, wonu tora anu gbɛ rɔ nyɔ rɔ.

Yaburi 104:20

I ya su-pinpi-wɛ ladan alako sogenu ni anu matagama.

Yaburi 105:28

Alla ya pinpi burun nyamanɛ wo kun na bawo Iyipiti kɛnu ya ala kumɛ masɔsɔ.

Aiseya 42:16

A si fiyɔnnu nabɔ kila-kurɛnu fɛ anu ma min lɔn kɔrɔma la. A si pinpi yɛlɛma anu ye waan la ka kila-gbɔgɔsa-gbagasɛnu manunku anu ye. Ata lanyiri le kɛnu na ata mɔgɛnuna ko la, ado a ko a si wonu natɔnbagaya. Sika mumɛ sa wo rɔ!

Aiseya 59:10

Ma manɛ iko fiyɔn minnu bi anu bole mɛmɛla dandan ma. Ma ye kilɛ nyinina iko mɔgɛ min ya sa. Ma ye ma kian latugula tele tɛma iko surɔ-tagamanɛ. Ma manɛ kolo-gbɛlɛnu tɛma iko furi.

Yɛrɛmaya 16:21

Mari ko a si sibolenu karan ata sɛnbɛ-makawanɛ la. Anu si a lɔn worɔ ko ale le ye Mariyɛ la.

Yɛrɛmaya 33:2

Mari min ya dugu-kole kɛ dan ka a lamondo ka a sigi a gbɛ rɔ, wo le kumara n ye. Ale min tɔgɛ Mari, a ko

Emɔsi 4:13

Sɛnbɛ-Bɛɛ-Tigi le ale Mari la. Ale Alla nyɛrɛ le ya kɔnkɛnu anubɛ fɔnyɔ ladan. Ale le si a ma, hadama-dannu ni a miriyanu lɔn. Ale le ye suyi anubɛ tele labɔla. Ale le ye duninya bɛɛ kuma mansayɛ la.

Emɔsi 8:9

Wo wati ye nala, tele si fin tele-latelen-wati rɔ, wo kɔma, pinpi si burun wo kuma.

Emɔsi 9:6

Mari warɛ le ye san-kole kɔma pon! A ya dugu-kole kɛ tuwa-fen sigi san-kole kuma. A wa kɔgɔ-yi rakele san ma a si wo labɔn dugu-kole ma, ado a tɔgɛ le Mari!

Matiyu 4:16

Minnu siginɛ pinpi-fin-bɛ rɔ, wonu si na wan-belebele yen. Minnu siginɛ pinpi-makilanni-bɛ rɔ, tele ara fɛrɛn anu ma!”

Luka 1:79

Minnu siginɛ pinpi rɔ anubɛ sayɛ ninɛ kɔrɔ, a si malan wo bɛɛ ye ka mala tagama-nya yira ma la yisi-kimɛ-kilɛ fɛ.”