Emɔsi 5:7 - ALLALA KUMƐ

⁷ “Bawo wo ye ko-telennɛnu tadula ka mɔgɛnu kensunya anu halala-fannu kuma, woletɔ Mari ko a ara a ban wo la ka wo kasara.

Emɔsi 5:7 ပူးပေါင်းရင်းမြစ်များ

Yaburi 125:5

Kɔnɔ i wa karagbɛlɛnu tɔrɔ minnu bara ita kilɛ boloka, i ni wonu fanan tɔrɔ. Alamɛ yisi-kimɛ tora Isirɛla mɔgɛnu ye.

Yaburi 36:3

Fenfen sa a da rɔ fɔ kuma-yogoma-fɔɛ anubɛ foninya-fɔɛ. Alela ko sa hɛnkilimaya-koe anubɛ ko-nyimɛ wara-koe rɔ tun.

Hɛnkilimaya-Kumɛnu 21:7

Karagbɛlɛla karagbɛlɛyɛ si ma yili-kole la a ye ka ta a la pon bawo a sa sɔnna ka ko-latelennɛ ma muk!

Aiseya 1:23

Mɔgɔ-murutiyanɛ le wola mɔgɔ-banu na anubɛ kankannu diyana-mɔgɛnu. Tuma-wo-tuma, wo ye dogonta-fannu birala. Kelennɛnu ti yo-wo-yo sɔrɔn anuna kiti tɛgɛ tinɛnu tɔ. Wola kun-tiginu ti anu tole masɔ kɛɛ-musinuna yasere-masa-kan la fanan.

Aiseya 10:1

Gbalo ye wole sereya-radunɛ nadannɛnu ma minnu bi nna mɔgɛnu tɔrɔla.

Aiseya 46:12

Wole tolo-gberenu, a ko wo ni wo tole masɔ, wole min fɛ-yan ko-telennɛ la, kɔni.

Aiseya 5:20

Gbalo ye wo ma bawo wo ye a fɔla ko-yogomɛ ma ko a kin. Wo ye a fɔla ko-nyimɛ ma ko a ma kin. Wo ye a fɔla pinpi ma ko wan-takanɛ le. Wo ye a fɔla wan-takanɛ ma ko pinpi le. Wo ye a fɔla fen-kunayanɛ ma ko a di. Wo ye a fɔla fen-diyamɛ ma ko a kuna.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Isikiyɛli 18:24

“Kɔnɔ ni mɔgɔ-telennɛ ya a bɔ ko-nyima-kɛ da kɔrɔ, a ni kisimiriya-ko-kɛ dabira iko karagbɛlɛ doinu bi a mala nya min, mɔgɔ-sufa wo si to a niyi la, wa? Ade! A ara ko-nyimɛ min bɛɛsi ma, wo fenfen bɔrɔ ti taran nde, wo Tigi Mari ye. A si faga ka a tɛgɛ ata telenbɛlitayɛ anubɛ a hakɛla ko ma.

Isikiyɛli 3:20

“Mɔgɔ-telennɛ wa don ko-yogoma-kɛ rɔ, n si gbɛrɛ lasigi a ye, a ni faga. Ni i ma wo tigi makawandi, a si faga a sɔn-yogomɛ wola ko la. N ti n miri a sɔn-nyimɛ wo ma tun muk, ado n si i bira wo yili la.

Isikiyɛli 33:18

Mɔgɔ-telennɛ wa a bɔ ko-nyima-kɛ da kun tɔ ka don ko-yogoma-kɛ rɔ, a si faga ka a tɛgɛ wola ko ma.

Hoseya 10:4

Wole ye kuma-fuyinu fɔla ka foninya-lanyirinu kiri ka to wo da le fɔla kɛlɛ-makima-koe rɔ. Latelan ara a laban wo bolo ko-raduyi ma kiti-fɔ-tinɛ. Wo mani de iko mɔgɛ wa fui-fan fui, fen-gbɛrɛkɛ ma fɛrɛn nyɔ fɔ dawurɛ.

Emɔsi 2:3

Mari ko a si Mohabu mansɛ anubɛ ala mɔgɔ-banu faga. Yuda Mɔgɛnu

Emɔsi 3:10

“Mari ko wo si a yen, anu bi anuna bon-hakikɛnu nafala kankanya-fannu na. Anu bi buila mɔgɛnu ma ka fan wonu bi anu bolo. Anu ma telenbagaya-kilɛ lɔn muk!

Emɔsi 6:12

Soeenu si ke anu burila kuru-gbɔgɔsa-gbagasɛnu kuma, wa? Sara-ninkinu si ke fara-gbaran rasinna, wa? Hali koe kɛnu min ma daga mala, wole Isirɛla mɔgɛnu bara ko-latelennɛnu yɛlɛma ko-yogomɛnu na.

Maika 3:9

Kɔnɔ wole Isirɛla mɔgɔ-banu, wo ni wo tole masɔ de! Ko-latelennɛ ma di wo ye mumɛ! Wo si tonyɛ yɛlɛma foninyɛ la.

Habakuku 1:4

Mɔgɔ-wo-mɔgɔla ko sa tɔn wara-koe rɔ tun bawo sɛnbɛ sa a rɔ. Kiti-tɛgɛlɛnu sa kiti tɛgɛla a kilɛ fɛ tun. Tuma-wo-tuma, mɔgɔ-telenbɛlɛnu kɛnɛna mɔgɔ-telennɛnu nɔla kiti rɔ. Anu bi tonyɛ yɛlɛmana foninyɛ la.

Sɛfanaya 1:6

Minnu bara anu kan-kɔ sɔ Mari la ka anu bɔ aleta kilɛ fɛ, a ko a si wonu bara-koe ban. Anu sa hɛnkili nyinina a bolo tun.

Tɔn-Fɔɛ-Fila-Nyɔgɛ 29:18

Kei wo, musu wo, kebila wo, bɔnsɔn wo, wo ni a ma wo fɛrɛma, wo kana sibolo-gbɛrɛnuna bɛsɛnu kɔ ka wo kan-kɔ sɔ wota Mari Alla la. Ni min ya wo ma, wo si ma wo tɛma iko kulu-dalamɛ min bi mɔgɔ nyinina a kin-gbɛ ma.