Emɔsi 5:6 - ALLALA KUMƐ

⁶ Yanni wo ni wo damasi ma, wo ni wo gbɛrɛn Mari ma. A si wo kisi. Ni wo ma sɛgi Mari ma, a si yigi wo kuma iko tɛ. Tɛ wo si Bɛtɛli mintan. Mɔgɔ-wo-mɔgɔ ti ke tɛ wo ladufenna.

Emɔsi 5:6 ပူးပေါင်းရင်းမြစ်များ

2 Samuwɛli 19:20

N bara a lɔn serr, ko n bara ko-yogomɛ le ma i la. Woletɔ bɔnsɔn minnu bi kantɔ findan ma, nde le wara ma wo mɔgɔ fɔlɔtɛ la ka bɔ Yusufu bɔnsɔn rɔ ka na i madiya tinɛ.”

1 Mansɛnu 11:28

a ya kemini-tagbɛlɛ do yen wɔlila min tɔgɛ Yɛrabowami. Bawo Yɛrabowami kɛ kolo gbɛlɛyanɛ wɔli-kɛ-tinɛ, woletɔ Mansa Silamɛni ya a ma fɔrɔsɔya-wɔli-kɛlɛnu kunyɛ la Ifɛrɛm anubɛ Manasa bɔnsɔnnuna nyamanɛ rɔ.

2 Ko-Kɔrɔta-Karan 34:25

A ko anu ya anu ban ale Mari la. A ko anu ya sarakɛnu bɔ anuna bɛsɛnu ye woletɔ ale Mari fonde bɔnɛ Yerusalɛm kɛnu kuma. A ko fenfen sa nyɔ min si ala fondo-bɔɛ makimɛ.

Yaburi 27:8

Mari, i ya a fɔ n ma wati min ko n ni i bato, n ma n kun tadu. N nara le.

Yaburi 69:33

Mari si a wɔlɔ matɔlɔ makolamɛnu na, ado ala mɔgɛ minnu bi yele la, a ti nyina wonu ko.

Bɔ-Koe-Iyipiti 22:6

“Ni mɔgɛ do ya tɛ tugu ala wɔli-kɛ-tinɛ la, tɛ wo ni ta binyɛ mintanna ha a ni ta a labɔ mɔgɛ dola sɛnɛ ma, a ni wola sɛnita-fannu mintan, a tɛgɛnɛ wo, a tɛgɛtɛ wo, ta-tugulɛ wo si wo nyɔgɔ labɔ.

Aiseya 1:31

Wola kun-tigi-makawanɛnu si ma sɔgɔ-gbalɛ la. Anu kɛ-nya si ma iko ta-kundi. Anu ba bira anu nyɔgɔn na, tɛ si wuli anu tɔ, ado anuna dufenna ti taran.

Aiseya 55:3

A ko wole, ata mɔgɛnu, wo ni wo tole masɔ a la ka wo gbɛrɛn a ma. Wo ni wo tole masɔ a la. A si niyi di wo ma. A ko a si habadan-lanyiri kiri wo ye iko a ya Dawuda yili-madiya nya min ata keninteya-dan-natɛgɛbɛlɛ la.

Aiseya 55:6

Mari-nyini-tumɛ le kɛ la yanni tele ni ta wo ma, ado a rakele-tumɛ le kɛ la bawo a gbɛrɛnnɛ wo ma.

Yɛrɛmaya 38:20

N ya a fɔ a ye ko, “Anu ti i don anu bolo. I yandi, Mari kan kɛ bira. Ni i ya wo ma, i wara-koe bɛɛ si ta a kilɛ fɛ. I si to i niyi la.

Yɛrɛmaya 4:4

Wo ni wo nyɛrɛ dantɛgɛ Marita wɔlɛ ma. Wo ni ala kumɛ bira wo yisi bɛɛ la. Wole Yerusalɛm kɛnu anubɛ Yuda nyamanta-mɔgɛ bɛɛ, Mari ko wo ni kɛnu ma. A ko ni wo tantanta kɛ do ma, a si wo halaki ata fondo-bɔɛ la min manɛ iko tɛ, ado mɔgɔ ti ke tɛ wo ladufenna ka a tɛgɛ wo sɔn-yogomɛla ko ma.

Yɛrɛmaya 7:20

Ma Tigi Mari ya a fɔ ko a si ata fondo-bɔɛ labɔn kan-tinɛ kɛ ma. A hadama-den wo, a sogo wo, a kɔlɔma wo, a fui-fen wo, a si ata fondo-bɔɛ rawuya wonu dama ma. A ko ata fondo-bɔɛ si ma iko tɛ, ado mɔgɔ-wo-mɔgɔ ti ke tɛ wo ladufenna.

Isikiyɛli 21:3

ko anu yoge le nde, Mari la. N si nna faan sagan a lɛɛ rɔ ka anu damasi faga, a mɔgɔ-nyima wo, a mɔgɔ-yogoma wo.

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Isikiyɛli 37:19

i ni a fɔ anu ye ko nde, anu Tigi Mari le ye Isirɛla kɔlɔma bila ka a tugun Yuda kɔlɔma la. N si anu ma kɔlɔma kelen na tun ka anu bira n bolo kelen tɔ.

Emɔsi 3:14

Wo ni a fɔ anu ye ko Mari wa na anu tɔrɔ tinɛ tumɛ min anu hakɛla ko la, a si anuna saraka-mintan-tinɛ tinya min bi Bɛtɛli soe burɔ. A si anuna saraka-mintan-tinɛ bolon nanɛ keri, mɔgɛnu si anu dun min na anu niyi kisi-koe la.

Emɔsi 5:14

“Wo ni wo raya ka to ko-latelennɛ kɛla. Wo ni wo fara ko-yogomɛnu na. Wo si a ma, wo si simayɛ sɔrɔn. Ni wo ya wo ma, wota Mari Sɛnbɛ-Bɛɛ-Tigi si to wo fɛ iko wo ye wo wasila a la nya min ko a ye wo fɛ.

Emɔsi 5:4

Nɛbi Emɔsi ya Mari kuman-kan latenbi Isirɛla mɔgɛnu ma ko, “Ni wole si wo gbɛrɛn ale Mari ma, wo si kisi.

Emɔsi 6:6

Wo ye wola gbɛɛ-barɛnu sɔla wo kun na ka wola tulu-hakikɛnu susa wo ma tuma-wo-tuma. Wo ye wo diyana-koe wo damasi mala kɔnɔ wola ko sa Isirɛla kasara koe rɔ.

Sɛfanaya 2:3

Wole min bɛɛ famayiginɛ nyamanɛ kɛ rɔ ka Marita tɔnnu bira, wo na Mari ma. Wo ni ko-latelennɛnu kɛ ka wo famayigi Mari ye. Tumado, Mari si kinikini wo ma ala kiti-tɛgɛ-lunyɛ rɔ.

Sakaraya 10:6

Mari ko a si a ma, Yuda mɔgɛnu ta ni gbɛlɛya. A ko a si Isirɛla mɔgɛnu kunyɛ bɔ gbaran rɔ. A ko a si kinikini anu ma ka na anu na anu barɛ tun. A ko a si ma iko a ma anu kɔn tele-kelen-bɛrɛni! A ko anuta Mari Alla le ale la. Ale le si anu madiyali-kan lamɔɛn.

Tɔn-Fɔɛ-Fila-Nyɔgɛ 32:22

Marita diminyɛ si ma iko tɛ wa bin-gbalɛ bira ka mintannɛ kɛ dugi kɔrɔ ha ka ta ke lakira ma. Ata diminyɛ si ki-fannu anubɛ dugu-kole mintan gburr! A si kɔnkɛnu sule mintan.

Tɔn-Fɔɛ-Fila-Nyɔgɛ 4:24

bawo wota Mari Alla mani de iko ta-wɔnkɔrɔmɛ. A sa nyinina a ma ko fenfen ni a senaya.