Emɔsi 5:3 - ALLALA KUMƐ

³ “I ma a yen, Allatala ko, ‘Ni wole Isirɛla mɔgɛnuna kɛlɛ-dan waga kelen tara kɛlɛ rɔ, mɔgɔ kɛmɛ dɔrɔn si sɛgi. Ni soe min ya mɔgɔ kɛmɛ lata, mɔgɔ tan dɔrɔn si sɛgi.’ ”

Emɔsi 5:3 ပူးပေါင်းရင်းမြစ်များ

Yaburi 144:14

Alamɛ mala ninkinu tora dannu sɔrɔnna. Anu bu kana tinya ha anu ni tunu yen! Alamɛ yerelen-tɛgɛ-kan kana taran mala soenu tɔ.

Aiseya 1:9

Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, fɔ Yerusalɛm soe wa kasara nun pɔ! A ni ma iko Sɔdɔm anubɛ Kɔmɔra soenu mara nya min nun.

Aiseya 10:22

Isirɛla mɔgɛnu siya iko kɛnkɛn kɔnɔ anu kolo-dande-nɛ le sɛgila dɔrɔn. Kasarɛ lamaranɛ bondɔn la Isirɛla mɔgɛnu ye, ado a bɛnta, anu ni a sɔrɔn de, yɔ!

Aiseya 6:13

Mɔgɔ-kɔnɔntɔ wo mɔgɔ-kɔnɔntɔ, hali a tan nyɔgɛ min tora, n si wo fanan kasara. Nta mɔgɔ-yabɔnɛ minnu tonɛ kɛ, wonu si ma iko kɔlɔma-kuru-wɛ min tɛgɛnɛ dugi rɔ. Kɔnɔ kɔn-kundi min tonɛ wo la, wo si a matii ka ma Allata mɔgɛnu tamasere la.”

Isikiyɛli 12:16

Kɔnɔ n ti sɔn kɛlɛ anubɛ kɔnkɛ anubɛ kirayɛ ni anu damasi faga. Donu si to anu kɛndɛ la. Wo le si a ma, anu ni a lɔn worɔ anu bara ko-yogoma-sufa minnu ma. Wo kɔma, anu si a fɔ worɔ ko Mari le nde la.”

Emɔsi 6:9

“Ni mɔgɔ tan ya anu dogon bɔn la, hali wo, anu si faga.

Romu 9:27

Aiseya ya Isirɛla wara-koe sɛbɛ, a ko, “Hali Isirɛla mɔgɛnu siyayanɛ iko ba-kɛnkɛn, anu dande le dɔrɔn si kisi,

Tɔn-Fɔɛ-Fila-Nyɔgɛ 28:62

Hali wo siyayara iko lolenu, wo dande kɛndɛ si to bawo wo ma sɔn Allata kuman-kan latɔnbagayala.

Tɔn-Fɔɛ-Fila-Nyɔgɛ 28:63

Iko Mari sewanɛ ya wo lasiyaya nya min ka wo ma fen-tiginu na, ni wo ma ala tɔnnu bira, a si sewa wo nya na le fanan ka wo ma bolo-kolɔnnu na ka wo rabunden sinini! A ye nala lanyiri-nyamanɛ min dila wo ma, a si wo wurun nyɔ rɔ.

Tɔn-Fɔɛ-Fila-Nyɔgɛ 4:27

Wo kɔma, Mari si wo ranyɛnsɛn. Wo si basan sibolo-gbɛrɛkɛnu na. Wo siyaman si faga. Wo ma ni dɔgɔya.