Emɔsi 5:22 - ALLALA KUMƐ

²² A ko hali wo nara wola saraka-mintantɛnu anubɛ wola dɔn-fen-sarakɛnu na a ye, a ti sɔn anu na muk! Hali wo nara wola kolo-fen-tɔlɔnɛnu na Mari ye, a ko a bɔrɔ ti taran a ye.

Emɔsi 5:22 ပူးပေါင်းရင်းမြစ်များ

Yaburi 116:17

N si na baraka-bira-sarakɛnu na i ye ka i madiya.

Yaburi 40:6

Ile sa nyinina sarakɛnu anubɛ kɔ-fannu ma ma bolo. I sa ma matarala saraka-mintantɛnu ma, ma si minnu gbuya mintan saraka-mintan-tinɛ kuma. Hali sarakɛ minnu si mala hakɛ bɔ ma ma, i ma ma matara wonuna ko ma. Kɔnɔ min kolo wo dama ko, i wara n tole laka alako n ni ita kumɛ lamɔɛn.

Yaburi 50:23

Ka baraka bira n ye, sarakɛ le wo la min si gbiliyɛ di n ma. Min bɛɛ ye n kan tola a gbɛ rɔ, n bi wonu nakisila le.”

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Hɛnkilimaya-Kumɛnu 21:27

Karagbɛlɛla saraka-bɔɛ ma di Mari ye katarala ni ko-yogoma-kɛ-sɔgɛ tonɛ a yisi rɔ.

Aiseya 1:11

A ko wo ye saraka-siyamɛ minnu dila a ma kɛ, wo miri ye a ma ko a ye nyinina wonu ma le, wa? Wo ye saga-sarakɛ minnu bɔla wo, wo ye kolo-fen-hakikɛ minnu kɛɛn bɔla sarakayɛ la wo, wonu sɔgɛ la ara bɔ a la lass! A ko a ara bandan wola kolo-fen-yelenu kɔrɔ, a tura wo, a saga wo, anubɛ a baa.

Aiseya 66:3

Minnu bi turɛ fagala sarakayɛ la, wonu manɛ ale Mari yala iko mɔgɔni-gbu-fagalɛ. Minnu bi sagɛ fagala sarakayɛ la wonu manɛ fanan iko minnu bi wuli-kan kerila. Minnu bi fui-fan mala sarakɛ la wonu mani de iko minnu bi ale Mari kɔla kɔsɔ-yele rɔ. Minnu bi isɛnti mintanna sarakayɛ la wo, minnu bi bɛsɛ kɔla wo, fen kelen de wonu na ale Mari yala. Mɔgɛ kɛnu bi anu nyɛrɛ sɔndɔmɛ le fɛ, aleta ma de! Anu bi kisimiriya-koe min kun na, wonu di anu ye kosɛbɛ!

Yɛrɛmaya 14:10

Mari ya kɛ le fɔ wole, Yuda mɔgɛnuna ko la. A ko ka to wo masɛgila ale Mari la, wo di min ye kati! Fan min si wo masɛgi a la, wo ye wonu da kun tɔ. A ko ale Mari ti sɔn wole la. Wo ye ko-yogomɛ min da kun tɔ, a ya wonu lɔn. A ko wo si tɔrɔ wo hakɛla ko la.

Yɛrɛmaya 6:20

Mari ko nfenna wole, Yuda kɛnu bi Siba nyamanita isɛnti mala sarakɛ la a ye? Nfenna wo ye nala fɔrɔnyakalɛ la ka bɔ wulɛ rɔ pon? A ko a ti sɔn wola saraka-mintantɛnu na. Wola sarakɛnu sa a hɛnɛna hali!

Yɛrɛmaya 7:21

Mari Sɛnbɛ-Bɛɛ-Tigi kan le kɛ la. A ko Isirɛlata Alla le ale la kɔnɔ a ti wola sarakɛnu bira. A ko wo ni ta wola mintan-sarakɛ bɛɛ ma dɔntɛ la duk! Hali a ma bɛn, wo ni sarakɛ minnu dɔn, wo ni wo buyi lafa saraka-soge wonu na pen, bawo a sa wonu birala wo bolo.

Saraka-Masɔlɛnuta Tɔnnu 7:11

“Yisi-kima-sarakɛnu si bɔ nya min, wo tɔn le kɛnu na.

Emɔsi 5:23

Mari ko wo ni wo fara sɔnkɔ-sɔnkɔ-siginu sala a bato-koe la. Wola serema-kan, wo manɛ le a ya la fufafu!

Malakayi 1:9

Wole saraka-masɔlɛnu ni Alla matara alako a ni kinikini wo ma. Ni i ya a yen, a sa wola mataralɛnu yabila, wo gbɛ le.

1 Samuwɛli 15:22

Samuwɛli ya a fɔ a ye tun ko, “Nfen si Mari hɛnɛ? Kɔ-fannu anubɛ saraka-mintantɛnu ka ata kuma-birɛ, wa? Yanni i ni saga-hakikɛnu ma sarakɛ la Mari ye, a fisa, i ni Marita kumɛ bira.