Emɔsi 5:15 - ALLALA KUMƐ

¹⁵ Koe min yogo, wo ni wo kɔn. Koe min telennɛ, wo ni wo keni. Wo ni wo raya alako ko-latelennɛ ni kɛ kiti tɛgɛ tinɛ. Tumado Isirɛla mɔgɛ toe min tonɛ, mata Mari si kinikini wonu ma.

Emɔsi 5:15 ပူးပေါင်းရင်းမြစ်များ

2 Samuwɛli 16:12

Tumado Mari si nta tɔrɔyɛ kɛ yen ka ala mɔɛn wo yɛlɛma duwɛ la n ye.”

1 Mansɛnu 20:31

Ala mɔgɔ-banu tara a fɔ a ye ko, “Ma ye a lamɔɛnna ko Isirɛla mansɛnu si kinikini de mɔgɔ ma. Ni i si sɔn, ma ni kasa-kurɛ kiri ma la ka yili kiri ma kan na ka a yira ko ma ara famayigi ma yogenu kɔrɔ. Ma ni ta Mansa Ehabu wara. Tumado, a ti i faga.”

2 Mansɛnu 13:7

Siriya mansɛ ya Mansa Yɛhowahasila kɛlɛ-dannu nunku iko foni-fɔrɔn. Kɛlɛ-den fenfen ma to fɔ so-laburila mɔgɔ bi-loli, kirindi tan, anubɛ kɛlɛ-dan mɔgɔ waga tan. Wonu denu dɔrɔn tora.

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

2 Mansɛnu 19:4

Asiriya mansɛ ara ala kandɛ lana Alla-nimɛ masɔrɔn tinɛ. Alamɛ ita Mari Alla ya a masɔrɔn-kan wo lamɔɛn ka a masɔrɔnnɛ wo tɔrɔ. Woletɔ male Yakoba kegeya-toe minnu tonɛ, i ni Alla matara ma ye.”

Yaburi 119:104

Ita karan ya a ma, n ya ko lɔn. Ko-yogomɛ bɛɛ gbo n ye tɛrr!

Yaburi 34:14

Wo ni wo bole bɔ ko-yogoma-kɛ rɔ ka ko-nyimɛnu kɛ. Wo ni wo raya ka sigi yisi-kimɛ rɔ.

Yaburi 36:4

A tenbi sani, a ye a mirila ko-yogomɛnu-tabɛn-koe ma. A ti ko-wo-ko ladan min kin. A ti a ban ko-yogomɛnu kɛ-koe ma.

Yaburi 37:27

I fara ko-yogoma-kɛ la ka ko-nyimɛ kɛ. Wo si a ma, nyamanɛ kɛ ni ma wo kegeyɛnu halalɛ la

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Yaburi 97:10

Kɔnɔ n na-kelen-nyɔgɛnu, karagbɛlɛyɛ gbo minnu ye, wonu di Mari ye. A ye ala mɔgɛnu niyi lakananna. A ye anu nakananna karagbɛlɛnu masibɛ ma.

Bɔ-Koe-Iyipiti 32:30

Wo banda kɛ, Musa ya a fɔ Isirɛla mɔgɛnu ye ko, “Wo ara bila Alla la kɔnɔ hali wo, n si ta Mari wara kɔnkɛ kuma kaka ka madiyali kɛ wole ye min tora. N si n taya. Tumado Mari si wo makoto.”

Yɛrɛmaya 18:8

Kɔnɔ ni sibole wo ya a kan-kɔ sɔ a hakɛ la, a ko a si a fonde yɛlɛma. Kasarɛ min tabɛnnɛ sibole wo kan ma nun, a ko a ti wo sigi a ma tun.

Yɛrɛmaya 22:3

Mari ko wo ni ko-latelennɛ kɛ. A ko mɔgɛ min kensunnɛ, wo ni wo tanka a kensunte ma. A ko a sundan wo, a kelenni wo, a kɛɛ-musu wo, wo kana anu bira boloko-yogomɛ-kɛ. Min ma ko-yogomɛ kɛ, wo kana wonu faga kan-tinɛ kɛ rɔ.

Yɛrɛmaya 31:7

Mari ko bɛɛ ni sewa ka sigi sa wole, Isirɛla mɔgɛnuna ko la. Anu ni anu kuli mayɛlɛ Isirɛla nyamanɛla ko la min makawanɛ nyamanɛ bɛɛ ko. Anu ni matɔgɔ-bɛtinu bɔ ko, “Mari ara ala mɔgɛnu nakisi. A toe min tonɛ, a ara wo bɛɛ kunka.”

Isikiyɛli 45:9

Ko-rayirɛ kɛ rɔ, ma Tigi Mari ko, “Wole Isirɛla kun-tiginu, wo ara mɛ hakɛ kun na. Wo ni wo fara mɔgɔ-tɔrɛ anubɛ karagbɛlɛyɛ la. Wo ni ko-telennɛ anubɛ ko-nyimɛ kɛ. Wole kun-tiginu, wo ni wo fara nta mɔgɛnu gbenna anuta nyamanɛnu tɔ.” Ale ma Tigi Mari kan le kɛ la.

Daniyɛli 2:49

Sadiraki wo, Mɛsaki wo, anubɛ Abɛdinigɔ, Daniyɛli ya wonu masigima-kuma fɔ mansɛ ye alako ka wonu ma sigisɔn-mansɛnu na Babilɔn nyamanɛ rɔ. Ale Mansa Nɛbukanasa sɔnta wo ma kɔnɔ a ya Daniyɛli to ata bolɔn la.

Yowɛli 2:14

Tumado, wota Mari Alla si a miriya yɛlɛma ka kinikini wo ma alako wola fui-fannu anubɛ wola ki-fannu si sabati nya min. Wo si a ma, wo ni ke dɛgɛ-munku-sarakɛ anubɛ minni-sarakɛnu dila a ma tun.

Emɔsi 5:10

“Minnu bi ko-latelennɛnu kɛla kiti-sa-tinɛ, wonubɛ tonya-fɔlɛnu sɔgɔ-labɔnɛ wo la lass!

Emɔsi 5:24

Yanni wo ni wo ma, wola ko-latelennɛnu ni wara iko bɛ wa yanbɛ gbesi, a ma ti sagan mumɛ!

Emɔsi 5:6

Yanni wo ni wo damasi ma, wo ni wo gbɛrɛn Mari ma. A si wo kisi. Ni wo ma sɛgi Mari ma, a si yigi wo kuma iko tɛ. Tɛ wo si Bɛtɛli mintan. Mɔgɔ-wo-mɔgɔ ti ke tɛ wo ladufenna.

Emɔsi 6:12

Soeenu si ke anu burila kuru-gbɔgɔsa-gbagasɛnu kuma, wa? Sara-ninkinu si ke fara-gbaran rasinna, wa? Hali koe kɛnu min ma daga mala, wole Isirɛla mɔgɛnu bara ko-latelennɛnu yɛlɛma ko-yogomɛnu na.

Emɔsi 7:3

Woletɔ Mari ya a fonde yɛlɛma ka a fɔ nde, Nɛbi Emɔsi ye ko, “N bara n miri ko-yogomɛ min ma mɔgɛ kɛnu bara la, n ti wo ma tun.” Ko-Rayira Fila Nyɔgɛ

Yona 1:6

Kulun-kun-tigi ya a sanɛ taran. A ya a lakunden ka a fɔ a ye ko, “I ye kinɔgɔla kama kɛ la? I lasɔ, i ni ita bɛsɛ madiya fɔ a si ma dɛnbɛ. Tumado, a si kinikini ma ma. A si a ma, ma ti faga.”

Yona 3:9

Tumado, Alla si a fonde yɛlɛma ma wara la. Tumado, ma ti faga tun ata diminyɛ bolo.’ ”

Maika 2:12

“Mɔgɔ-toe minnu tora Isirɛla nyamanɛ rɔ, Mari ko a si wonu kundɛn iko sagɛ minnu bi donna kulɛ rɔ. Wola nyamanɛ kɛ si fa mɔgɛnu na tun iko sagɛnu si saga de-nyini-tinɛ lafa nya min.”

Maika 3:2

Ni koe min kin, wo ma di wo ye kɔnɔ ni koe min yogo, wo le di wo ye.

Maika 5:3

Mari si ata mɔgɛnu gbala anu yogenu bolo ha a na ni a sɔrɔn tumɛ min. Kɛ wa ma tumɛ min, kun-tigi kɛ na-kelen-nyɔgɛ Isirɛla mɔgɛ minnu tanyɛnsɛnnɛ, wonu si sɛgi ka kofu anu na-kelen-nyɔgɛnu ma Isirɛla nyamanɛ rɔ.

Sɛfanaya 2:3

Wole min bɛɛ famayiginɛ nyamanɛ kɛ rɔ ka Marita tɔnnu bira, wo na Mari ma. Wo ni ko-latelennɛnu kɛ ka wo famayigi Mari ye. Tumado, Mari si kinikini wo ma ala kiti-tɛgɛ-lunyɛ rɔ.

Malakayi 3:18

A ko mɔgɛnu si dan-nafarɛ yen ata mɔgɔ-telennɛnu anubɛ karagbɛlɛnu tɛma. A ko dan-nafarɛ si yen fanan a gbiliyalɛ anubɛ a lafɛyalɛnu tɛma.

Romu 12:9

I ni keninteyɛ yira mɔgɛnu na i yisi bɛɛ la. Bɛɛ ni ko-yogomɛ kɔn. Min kin, wo ni kiri wo le ma.

Romu 7:22

ado n sewanɛ n yisi rɔ ka a tɛgɛ Allala tɔn wara-koe ma.

Romu 8:7

Mɔgɛ min niyi sanɛ hadama-dan diyana-koenu kuma, wo tigi ara ma Alla yoge la bawo a sa Allata tɔn birala, ado a ti ke a birala mumɛ!

3 Yɔni 1:11

N diyana-mɔgɛ, i kana bila ko-yogomɛ fɛ fɔ ka ko-nyimɛ ma wola misalɛ la. Min bi ko-nyimɛ kɛla, Allatɛ le wo tigi la. Min bi ko-yogomɛ kɛla, wo tigi ma Alla lɔn.