Emɔsi 5:12 - ALLALA KUMƐ

¹² Mari ko a ya a lɔn wola hakɛnu yogo nya min. Wo ara ko-yogomɛ minnu nyɔgɔn ma, a ya wo bɛɛsi lɔn. Mɔgɔ-nyimɛ minnu bi wo tɛma, wo ye wonu bɛnsɛnkɔninyala ka anu tɔrɔ. Wo ye dogonta-fan birala mɔgɛnu bolo. Wo ye a mala, bolo-kolɔnnu ti yo sɔrɔn hali tonyɛ ye anu bolo.

Emɔsi 5:12 ပူးပေါင်းရင်းမြစ်များ

Yobu 20:19

bawo a ya wo bɔ bolo-kolɔnnu bolo ka anu mayɛlɛnnɛ to. A ya bɔnnu bi mɔgɛnu bolo a ma minnu sɔ.

Yobu 31:21

Ni n bara kelennɛ kensunya tele-kelen-bɛrɛni, hali n si min nɔ kiti rɔ,

Yaburi 127:5

Ni mɔgɛ ya kalabɛn-siyaman sɔrɔn wo nya, a yoge ti a layarabi kiti tɛgɛ tinɛ. Mɔgɔ-sewanɛ le wo mɔgɛ la minta bɔrɛ lafanɛ kalabɛn la.

Bɔ-Koe-Iyipiti 23:3

Wo kana kinikini bolo-kolɔnnu ma ka anu yilikiyi ma anu yoe la kuma tinɛ bawo fen sa anu bolo.

Bɔ-Koe-Iyipiti 23:6

“Wo kana bolo-kolɔnnu yoe ma anu yilikiyi la kumɛ rɔ bawo fen sa anu bolo.

Hɛnkilimaya-Kumɛnu 17:8

Mɔgɛ donu ya a lɔn ko anu si kabana-koe ladan dogonta-fan la. Anu ya a lɔn ko a si koe bɛɛ nyinya anu ma.

Hɛnkilimaya-Kumɛnu 22:22

Mɔgɔ kana tɔnɛ sɔrɔn bolo-kolɔn kuma anuna bolo-kolonyɛla ko la. I kana bolo-kolɔn kɔndɔfili kiti tɛgɛ tinɛ.

Aiseya 1:23

Mɔgɔ-murutiyanɛ le wola mɔgɔ-banu na anubɛ kankannu diyana-mɔgɛnu. Tuma-wo-tuma, wo ye dogonta-fannu birala. Kelennɛnu ti yo-wo-yo sɔrɔn anuna kiti tɛgɛ tinɛnu tɔ. Wola kun-tiginu ti anu tole masɔ kɛɛ-musinuna yasere-masa-kan la fanan.

Aiseya 10:2

Wo kɛ-nya le wo la alako bolo-kolɔnnu kana na yo sɔrɔn, ado wo ye kɛɛ-musinu anubɛ kelennɛnu kankanna wo nya na le.

Aiseya 29:21

Mɔgɔ-tɔgɔ-tinyanɛnu wo, minnu bi yo dila ko-yogoma-kɛlɛnu ma wo, minnu bi foninyɛ fɔla alako mɔgɔ-telennɛnu kana yo sɔrɔn wo, Alla si wonu dama halaki.

Aiseya 33:15

Kɔnɔ ni wole tora ko-telennɛ mala ka tonyɛ fɔ, wo si to wo niyi la wo rɔ. Wo kana wo raya ka bolo-kolɔnnu bolo labira, ni wo ma, ka dogonta-fan bira mɔgɛnu bolo. A karagbɛlɛ wo, a mɔgɔ-fagala wo, wo kana kofu wonu ma.

Aiseya 47:9

Ko fila si sigi i ma anu nyɔgɔn fɛ nya-kun-kelen, i si foo ila dannubɛ ila kei la filili! Ado nfan, ila duruyɛ anubɛ ila kofo-denyɛ ti ke i lakisila muk!

Aiseya 5:23

Dogonta-fan min bi dila wo ma mɔgɔ-yilikinɛla ko la, wo le ye a mala, wo ye a bolokala, a ni ta a ye fɛlɛlɛ! Wo ye kilɛ tɛgɛla mɔgɔ-magbalanɛnuna ko-latelenni-sɔrɔn ma.

Aiseya 66:18

Mari ko a ya anu miriya-yoge anubɛ anu kɛ-nya-yoge lɔn. Woletɔ a ko a ye nala anu tɔrɔla. A si kan-siyamɛ-mɔgɛnu nadɛn kan-tina-kelen ala gbiliyɛ yen-koe la.

Nimisa Koe 3:34

Yelela-mɔgɛnu bira-boloko-yogomɛ ma di n Tigi Mari ye.

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Hoseya 5:3

Nde, Mari ya a lɔn Isirɛla ye nya min. Wo ti ke wo dogonna n ma. Wo ma wo telen n ye mumɛ! A ma bɛn defan, wo ni n bato.”

Emɔsi 2:16

Wo tɔrɔ-wati wa ke tumɛ min, hali kɛlɛ-kurugbɛ minnu kerinte wo tɛma, wonu si anuna kɛlɛ-kɛ-fannu boloka ka anu buri. Mari nyɛrɛ-nyɛrɛ ya kɛ le fɔ.”

Emɔsi 2:3

Mari ko a si Mohabu mansɛ anubɛ ala mɔgɔ-banu faga. Yuda Mɔgɛnu

Emɔsi 5:10

“Minnu bi ko-latelennɛnu kɛla kiti-sa-tinɛ, wonubɛ tonya-fɔlɛnu sɔgɔ-labɔnɛ wo la lass!

Emɔsi 5:7

“Bawo wo ye ko-telennɛnu tadula ka mɔgɛnu kensunya anu halala-fannu kuma, woletɔ Mari ko a ara a ban wo la ka wo kasara.

Emɔsi 8:4

Wole mɔgɔ bolo-labira-yilanu, wo ni wo tole masɔ Marita kumɛ la. A ko wo ye bolo-kolɔnnu bira boloko-yogomɛ-kɛla. Anu faga-sɔgɛ ye wo la.

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Maika 7:3

Ko-yogoma-kɛlɛnu karan-mɔgɛ le wole la. Wola kun-tiginu anubɛ wola kiti-salɛnu bi dogonta-fannu makelela mɔgɛnu bolo kiti-sa-tinɛ. Sɛnbɛ ye minnu na, wonu bi yanfɛnu donna mɔgɛnu ma.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Kɛwɔlɛnu 7:52

Nɛbi kelen bɛrɛn sa nyɔ nun, wo benbanu ma min tɔrɔ. Wo sa! Allala kilayɛ minnu ya ala wɔli-kɛla-telennɛ na-koe fɔ, kebi wati-yan, anu ya wonu faga. Nba kaka, wole ara a don a yogenu bolo tɔ ka a faga.

Tɔn-Fɔɛ-Fila-Nyɔgɛ 16:18

Musa ya Mari kuman-kan kɛ latenbi Isirɛla mɔgɛnu ma ko, “Wo ye nala soe minnu sɔrɔnna Mari Alla bolo, wo ni kiti-tɛgɛlɛnu sigi nyɔnu tɔ. Mɔgɛ wonu ni kiti sa a kila-bɛrɛbɛrɛ fɛ.

Tɔn-Fɔɛ-Fila-Nyɔgɛ 31:21

Wo le si a ma, n si gbalo-koe lana anu kuma. Hali wo, anu si to bɛti kɛ bɔla. Wo si ma sereyɛ la anu kan ma. Hali kaka, yanni anu ni ta lanyiri-nyamanɛ rɔ, n ya a lɔn min bi anu kɔntɔ.”

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!

Yemesi 5:6

Wo ara mɔgɔ-magbalanɛnu yiliki ka anu faga. Sɛ sa anu ye ka wo kɛlɛ.

Ruti 4:1

Bowasi tara anuna kundɛn tinɛ soe tarɛ-don-dɛ dafɛ. A ya a sigi mɔgɔ-banu tɛma nyɔ. Kei min gbɛrɛnta Ruti benba Ilimilɛki ma ka tenbi Bowasi la, wo tenbimatoe, Bowasi ya wo kele, a ko, “N bɔ, na i mayigi yan de!”

1 Samuwɛli 8:3

Kɔnɔ anu ma anu fa gbɛ bi. Anu sa ko-wo-ko kɛla fɔ ka wodi nyini anu nyɛrɛ ye. Anu kɛnɛna dogonta-fan birala, ado anu sa kiti tɛgɛla a kilɛ fɛ.