Emɔsi 5:11 - ALLALA KUMƐ

¹¹ Wo ara bolo-kolɔnnu tɔrɔ ka anuna dɔntɛnu bi anu bolo fufafu! Wo ara wo ma min kɛ, woletɔ Mari ko wo ara bon-hakikɛ minnu sɔ, wo ti don anu na. Wola ki-fen-hakikɛ minnu bi wo bolo, wo ti wonu dɔn.

Emɔsi 5:11 ပူးပေါင်းရင်းမြစ်များ

Yobu 20:19

bawo a ya wo bɔ bolo-kolɔnnu bolo ka anu mayɛlɛnnɛ to. A ya bɔnnu bi mɔgɛnu bolo a ma minnu sɔ.

Aiseya 16:10

Mɔgɔ-wo-mɔgɔ nyagalenni ma anuna sɛnɛ rɔ tun. Sewa-sigi fenfen sa nyɔ rɔ. Nɔnbɔ-gbɔ-burunna fanan sa nyɔ tun. Sewa-sɔnkɔ-sɔnkɔ bɛɛ ara ban.

Isikiyɛli 26:12

Anu yogenu si na anuna nɔnfuli anubɛ anuna yilaya-fan bɛɛ bi anu bolo. Anu si anuna bon-hakikɛnu tinya ka a dandannu keri. Anu si anuna kurinu anubɛ anuna fɛrɛn-kundinu anubɛ bon-buriburinu nakɛ a rɔ kɔgɔ-yi rɔ.

Isikiyɛli 34:21

Minnu baranɛ, saga-tɔlɔnɛnu tora wonu tɔntɔnna anu kunyɛ la ka anu gben anu kurun tɔ.

Hoseya 9:2

Kɔnɔ a ti mɛ tun, a fui-fen wo, a tulu wo, a minni-fen wo, wonu si dasa wo ma.

Saraka-Masɔlɛnuta Tɔnnu 26:16

n si wo tɔrɔya. N si yakɔrɔ-mamɔɛ lana wo kuma iko kiraya-yogomɛ sufa min ti dandan, anubɛ fɛrɛma-kaliyɛ min si wo fiyonya ka wo bara wao! Wo si wola suginu fui kɔnɔ wo ti fenfen sɔrɔn bawo wo yogenu si bui wo ma ka wola dɔn-fen-sabatinɛnu bi wo bolo ka ta anu na.

Emɔsi 2:6

“Mari ko wole Isirɛla mɔgɛnu, wole fanan ara hakɛ dan-natenbi, ado a si wo tɔrɔ, yɔ! Hali bolo-kolɔn minnu bi wo tɛma, wonu natelennɛ kɔnɔ hali sanbara-sɔnkɛ, anu ti ke wo sɔrɔnna. Wole ye bolo-kolɔn wonu mala yɔɔnnu na ka anu mayira ka a tɛgɛ anuna yilinɛnuna ko ma.

Emɔsi 2:7

Wo ye bolo-kolɔnnu natosokɔrɔla ka tagama anu kuma. “Wola yɔɔn-musi minnu bi wo tɛma, fa wo, ala den wo, anu filɛ ye anu sala wonu fɛ. Wola ko-ladan-bole wo ara ma Mari tɔgɔ-tinya-koe la.

Emɔsi 3:15

Mari ko a si anuna bɔn damasi tinya, a mara a kinama la wo, a mara a dɔgɔma la wo. Hali anuna bon-hakikɛ minnu tabɛnnɛ sogo-ba-nyin-malɛsɛnɛnu na, wo damasi si tinya pɔ!

Emɔsi 3:9

Nɛbi Emɔsi ya Mari kuman-kan natenbi Iyipiti mansɛ ma anubɛ Filisitinuna mansɛ ma min siginɛ Asadadi soe rɔ. A ko, “Mari ko nyamani-kun filɛ kɛ mɔgɛnu ni anu nadɛn kɔnkɛnu kuma Samariya soe dafɛ ka anu yɛ bɛn Isirɛla mɔgɛ wonu ma, anu bi ko-yogoma-sifa minnu mala.

Emɔsi 4:1

Wole Samariya musu-ba-kunbanu Basan nyamanɛ rɔ, wo kunbayanɛ iko bɔrɔkɛ. Wo ni wo tole masɔ. Wo sa fɛlɛtenɛnu anubɛ bolo-kolɔnnu birala a kin na! Wo ye wola keinu fɔrɔsɛla alako anu ni to nala baan la wo ye tuma-wo-tuma.

Emɔsi 6:11

“Mari wa a fɔ wo yogenu ye tumɛ min ko anu ni ta wola bɔnnu tinya, wola bon-kinama wo, a dɔgɔma wo, anu si wo damasi murundu.

Emɔsi 6:12

Soeenu si ke anu burila kuru-gbɔgɔsa-gbagasɛnu kuma, wa? Sara-ninkinu si ke fara-gbaran rasinna, wa? Hali koe kɛnu min ma daga mala, wole Isirɛla mɔgɛnu bara ko-latelennɛnu yɛlɛma ko-yogomɛnu na.

Emɔsi 8:4

Wole mɔgɔ bolo-labira-yilanu, wo ni wo tole masɔ Marita kumɛ la. A ko wo ye bolo-kolɔnnu bira boloko-yogomɛ-kɛla. Anu faga-sɔgɛ ye wo la.

Emɔsi 9:14

Mari ko a si ala mɔgɛnu nasɛgi anu halala-dugi ma. Anu si anuna so-tinyanɛ sɔ tun ka anu sigi nyɔ. Anu si kɔlɔmanu ki ka anu gbɔɛ dɔn. Anu si ki-fannu ki ka wo fanan dɔn.

Maika 1:6

Maika ya Mari kuman-kan latenbi mɔgɛnu ma ko a si Samariya soe ma tonbon-kole la. Nyɔ si ma fen-ki-tinɛnu na. Mari ko a si bon-kerinɛ wonu mirannu nakɛ a rɔ fole la, fɔ bon-gbɛnu, wonu denu bi tola.

Maika 2:2

Ni mɔgɔ-su kɛnu bi nyinina mɔgɛ do bolo-fan do ma, a mara wɔli-kɛ-tinɛ la wo, a mara bɔn la wo, anu si a bi kensunteyɛ la anu ta-nyɔgɛ donu bolo, hali anu ta-nyɔgɛ donuna denbayɛ donu.

Maika 6:15

Wo si wola suginu fui kɔnɔ wo ti wo fenfen tɛgɛ kɛlɛ bolo. Wo si tulinu bɔ kɔnɔ wo ti tɔnɔ sɔrɔn anu tɔ. Wo si wola nɔnbɔ-gbɔɛnu burun kɔnɔ wo ti anu yinu min.

Sɛfanaya 1:13

A yogenu si a bolo-fannu bi ka ala bon-nakolɔn to. A si bɔn sɔ kɔnɔ a ti ki a la. A si nɔnbɔ-gbɔ-sɛnɛnu sa kɔnɔ a ti a yi min.

Hegayi 1:6

Wo ye fen-siyaman fuila kɔnɔ wo sa fen-kɛndɛ sɔrɔnna anu tɔ. Dɔn-fannu bi wo bolo kɔnɔ anu ti wo buyi lafa. Wo ye wo minna kɔnɔ wo kan la ti kimɛ. Kurɛnu bi wo bolo kɔnɔ anu ti kimɛ bɔ wo la. Wo si wodinu sɔrɔn kɔnɔ wola wodi ti sigi wo bole tɔ.

Malakayi 1:4

Idɔm kɛnu, Isɔ kegeyɛ, kɔni, tumado wonu si a fɔ ko, “Hali mala soenu bara kasara, ma si anu sɔ-kura-kɛ tun.” Ni anu ya wo fɔ, Mari si a fɔ worɔ ko ni anu ya anu sɔ tun, a si na anu tii mɛmɛ! Mɔgɛnu si na nyamanɛ wo kele ko, “Karagbɛlɛya-nyamanɛ.” Anu si to a fɔla tun fanan ko, “Mari fonde bɔnɛ nyɔ-mɔgɛnu kan ma tolon!”

Tɔn-Fɔɛ-Fila-Nyɔgɛ 28:30

“Wo si musinu mabira kɔnɔ kei-gbɛrɛkɛ donu si anu furu. Wo si bɔnnu sɔ kɔnɔ wo ti don anu kɔrɔ. Wo si wola ki-fannu ki kɔnɔ hali anu gbɔ kelan, wo ti ke a dɔnna.

Yemesi 2:6

Kɔnɔ wole ye bolo-kolɔnnu nafɛyala dɛɛ, ado yon bi wo niyi ragbɛrɛnna ka wo lafili kiti tɛgɛ tinɛ? Nɔnfulu-tiginu denu si wo ma!