Emɔsi 5:10 - ALLALA KUMƐ

¹⁰ “Minnu bi ko-latelennɛnu kɛla kiti-sa-tinɛ, wonubɛ tonya-fɔlɛnu sɔgɔ-labɔnɛ wo la lass!

Emɔsi 5:10 ပူးပေါင်းရင်းမြစ်များ

1 Mansɛnu 18:17

Ale Mansa Ehabu ya Nɛbi Ilaya yen tumɛ min, a ya a fɔ a ye ko, “N bara i yen. Ile kalabante ka tenbi Isirɛla mɔgɛ bɛɛ la.”

1 Mansɛnu 21:20

Mansa Ehabu ya Nɛbi Ilaya yen tumɛ min, a ya a fɔ a ye ko, “N yoge, i wara n gba bɔ?” Nɛbi Ilaya ko, “Ɔn! Koe minnu ma di Mari ye, i wara i nyɛrɛ ma wonu malɛ la.

1 Mansɛnu 22:8

Mansa Ehabu ya a fɔ a ye ko, “Mɔgɔ kelen bi yan, Imilala den Nɛbi Mɛkaya, kɔni. Kɔnɔ wo ma di n ye mumɛ bawo a ti wɔlɔyiya-kuma-wo-kuma fɔ n ye min di n tole la fɔ a yogomɛ gbansan!” Mansa Yɛhosafati ya Mansa Ehabu makawandi ko, “A ma bɛn, i ni kuma-sufa kɛ fɔ muk!”

2 Ko-Kɔrɔta-Karan 25:16

Mansa Hamasa ya nɛbi wola kumɛ tɛgɛ a da rɔ. A ya nɛbi wo manyinika, a ko, “Ha bi, nde ara i manyinika n makawandi-koe rɔ? A sigi-a-la don! Ni wo ma, n si i wara-koe ka-a-la.” Kɔnɔ yanni nɛbi wo ni a rade, a ya a fɔ ko, “Kaka, n bara a lɔn ko Alla ara ban a latɛgɛla ko a si i kasara ka a tɛgɛ i wara min ma kɛ la, ado i ma i tole masɔ nna makawandili-kumɛ la.”

2 Ko-Kɔrɔta-Karan 36:16

Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.

Hɛnkilimaya-Kumɛnu 15:12

A ma di mɔgɔ-famayɛlɛnɛnu ye, mɔgɛ ni anu denu kawandi. Anu ti sɔn tala hɛnkilimɛnu bara anu makawandi-koe rɔ.

Aiseya 29:21

Mɔgɔ-tɔgɔ-tinyanɛnu wo, minnu bi yo dila ko-yogoma-kɛlɛnu ma wo, minnu bi foninyɛ fɔla alako mɔgɔ-telennɛnu kana yo sɔrɔn wo, Alla si wonu dama halaki.

Aiseya 59:15

Hali tonyɛ nyantaranɛ, a ti yen kan-bo-kan, ado ni mɔgɛ ya a fara ko-yogoma-kɛ la, anu si wo bira boloko-yogomɛ-kɛ.” Mari ya a kolan lakalan, a ma ke telenbagaya fenfen yenna mɔgɛnu tɛma. Wo ya a ma, a kɔrɔtɔra.

Yɛrɛmaya 38:7

Nba, Sudan kɛ do ye nyɔ min tɔgɛ Ibɛdi-Milɛki, mansɛla wɔli-kɛlɛ, kɔni. Wo ya a lamɔɛn ko anu bara n nayigi kɔlɔn rɔ. Wo ya a taran, mansɛ ye kiti-fɔɛ la don-dɛ dafɛ min tɔgɛ, “Bɛnyamɛ.”

Hoseya 4:4

Mari ko, “Wole saraka-masɔlɛnu kana wo bole telen wo sigi-nyɔgɔnnu na bawo kɛlɛ ye mabɛ saraka-masɔlɛnu denu tɛma.

Saraka-Masɔlɛnuta Tɔnnu 13:10

Saraka-masɔlɛ wo wa a mafɛlɛn tumɛ min, a ni a taran, a fɛrɛma-siyi min bi ala tɛlɛ-dɛ rɔ, wo ara gbɛ, ado a ni a taran fanan, tɛlɛ wo nɛɛ donnɛ,

Emɔsi 5:15

Koe min yogo, wo ni wo kɔn. Koe min telennɛ, wo ni wo keni. Wo ni wo raya alako ko-latelennɛ ni kɛ kiti tɛgɛ tinɛ. Tumado Isirɛla mɔgɛ toe min tonɛ, mata Mari si kinikini wonu ma.

Yɔni 15:19

Ni duninyatɛ le wole la nun, dɛnkɛninyabɛlɛnu si wo keni nun iko anu nyɛrɛtɛ. Kɔnɔ n bara wo yatɔnbɔn ka wo bɔ dɛnkɛninyabɛlɛnu tɛma. Anuta ma wole la. Wo le ya a to, wo gboyanɛ dɛnkɛninyabɛlɛnu ye.

Yɔni 3:20

Nba, minnu bi ko-yogomɛnu kɛla, wan ma di wonu ye. Anu ti na ke waan ma bawo a ma di anu ye anuna ko-yogomɛnu ni bɔ gbɛ rɔ.

Yɔni 7:7

A ma bɛn, wo ni gboya duninya ye kɔnɔ nde le gboyanɛ anu ye bawo tuma-wo-tuma n bi anu sɔn fɔla anu ye.

Kalesiya 4:16

N bara ma wo yoge la bawo n bi tonyɛ fɔla wo ye, wa?

Lankɛnimayɛ 11:10

Duninya-mɔgɛ bɛɛ si sewa nɛbi filɛ wonu faga-koe la. Anu si nyagalen ka anu nyɔgɔn sanba bawo nɛbi filɛ wonu ya tɔrɔya-ba lana duninya-mɔgɛ bɛɛ kuma.