Emɔsi 4:9 - ALLALA KUMƐ

⁹ Mari ko a ya fɔn-kalamɛ lana wola ki-fannu kuma ka anu bɛɛsi lagbala. A ya kondɔnnu natugu wola ki-fannu anubɛ wola fui-fannu kuma ka anu gbenda feu! Hali wo, wo ma sɔn sɛgila Mari ma.

Emɔsi 4:9 ပူးပေါင်းရင်းမြစ်များ

1 Mansɛnu 8:37

“Ni kondɔnnu anubɛ tunbinu ya a ma, kɔnkɔ-fitinɛ ni nɔ-ko sɔrɔn mɔgɛ kɛnu ma, ni wo ma, fui-fannu ma wa fɔsɔ ka kɛrin, ni anu ya i matara, i ni anu makoto. Ni anu yogenu nara ka anu namini anu kɛlɛ-koe la, ni wo ma, kasarɛ, hali kiraya-yogomɛ ni anu tɔrɔ, ni anu ya i matara, i ni anu makoto.

2 Ko-Kɔrɔta-Karan 6:28

“Ni kondɔnnu, ni wo ma, tunbinu ya a ma, kɔnkɔ-fitinɛ ni nɔ-ko sɔrɔn mɔgɛ kɛnu ma, hali fui-fan la ara kerun, ni anu ya i matara, i ni anu makoto. Ni anu yogenu nara ka anu namini anu kɛlɛ-koe la, ni wo ma, kiraya-yogomɛ ni anu tɔrɔ, ni anu ya i matara, i ni anu makoto.

Aiseya 1:5

Nfenna wo wakilanɛ murutiya-koe ma? Ha ka, wo ye tɔrɔyɛ nyinina wo nyɛrɛ kan ma? Ile Isirɛla kunyɛ matanban-tanbannɛ le tɛrr! I hɛnkili ara pirinkan.

Aiseya 50:11

Ni ta-tugu di min ye mɔgɛnu tɛma, wo tigi ni tagama ala ta-tugunɛ wo tɛma. Mari nyɛrɛ si sɔn kɛ ma. A si wo tigi tɔrɔ dɔgɔma-ma-de!

Aiseya 9:12

Siriya minnu bi tele-bɔɛ wara la anubɛ Filisiti minnu bi tele-yigi wara la, wonu bara anu dɛ sa-a-ma fagba, Isirɛla mɔgɛnu dɔn-koe la. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Yɛrɛmaya 3:10

ado Isirɛla tirisan-musu-wunduyoge kɛ ma sɛgi n ma a yisi bɛɛ la. A ya nyɛrɛmankolayɛ le dɔrɔn ma.”

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Hoseya 11:5

“Wo ya wo ban wo ya-lamununna n na woletɔ n ko fɔ wo wa ta Iyipiti, ado fɔ Asiriya wa sigi wo kun na.

Yowɛli 1:4

Kondon kurun-siyaman nara ka mala ki-fannu dɔn. Kurɔn doi tenbi min tola, kurɔn doi ye nala wo dɔnna.

Yowɛli 1:7

Kɛlɛ-dannu bara mala ki-fannu tinya iko kondɔnnu si ki-fannu tinya nya min. Anu bara ban mala ki-fan wonu gbole bɔla a ma ha wonu bara to kolo-gbansan iko tɔnkasɛnu si kɔlɔmanu maka nya min.

Yowɛli 2:25

Kɛlɛ-dannu bara wo foo min bɛɛsi la san-dande kɛnu kɔrɔ, a ko a si wo bɛɛ lasɛgi wo ma. A ko ale le nyɛrɛ-nyɛrɛ ya kɛlɛ-dan wonu nana wo kan ma nun.

Emɔsi 4:6

Mari ko ale nyɛrɛ-nyɛrɛ nara kɔnkɔ-fitinɛ la wole kuma kɔnɔ hali wo, Mari sɔgɔ-labɔnɛ wo la lass!

Emɔsi 4:8

Wo sɔn magbalata dɔgɔma-ma-de! Hali min ba wuli ka ta soe do rɔ yi-nyini-tinɛ, a ti yi taran nyɔ. Kɔnɔ hali wo, wo ma sɛgi Mari ma mumɛ!

Habakuku 3:17

Hali toro-gbɔ sa a la, hali nɔnbɔ-gbɔ sa a la, hali ɔlifi-gbɔ sa a la, hali ki-fen sa mala-a-la ma bolo, hali mala sagɛ dama fagara, mala wɔrɛ ta ni kolonya

Hegayi 2:17

Mari nyɛrɛ-nyɛrɛ le ya fɔnyɔ wo lana wola ki-fannu kuma nun ka anu nagbala. Ale le fanan ya banda-kole layigi wola ki-fannu kuma ka anu tinya pɔ! Hali wo, wo ma yɛlɛma ka sɛgi a wara la.

Malakayi 3:11

A ko a ti sɔn tunbinu ni wola ki-fannu tinya. Wola ki-fannu si gbɔ tisikiri!

Tɔn-Fɔɛ-Fila-Nyɔgɛ 28:22

Mari si kiraya-yogomɛnu nana wo kuma minnu si wo bara. Yiri-kirayɛ si wo bira. Kimɛ ti bɔ wo la. Banda mumɛ ti na wola nyamanɛ rɔ. Samɛ si ma iko telema-kerekere wo wati rɔ. Taraba-tele si mɛ wo tɔrɔla ha wola sɛnita-fan bɛɛsi ni gbala. Kɔndɔfili kɛ si to wo kuma ha wo damasi ni faga.

Tɔn-Fɔɛ-Fila-Nyɔgɛ 28:42

Kondɔnnu si na ka wola ki-fan damasi dɔn tɛrr!