Emɔsi 4:8 - ALLALA KUMƐ

⁸ Wo sɔn magbalata dɔgɔma-ma-de! Hali min ba wuli ka ta soe do rɔ yi-nyini-tinɛ, a ti yi taran nyɔ. Kɔnɔ hali wo, wo ma sɛgi Mari ma mumɛ!

Emɔsi 4:8 ပူးပေါင်းရင်းမြစ်များ

1 Mansɛnu 18:5

Mansɛ wo ya a fɔ Hɔbadaya ye ko, “Ma ni ta ma yɛ lakalan. Tumado, ma si binyɛ do taran yi-wɔrɔn anubɛ tenke-wɔrɔnnu na mala soeenu anubɛ mala sofɛlɛnu ye. Ni wo ma, fɔ ni ma ya mala kolo-fannu faga.”

Aiseya 9:12

Siriya minnu bi tele-bɔɛ wara la anubɛ Filisiti minnu bi tele-yigi wara la, wonu bara anu dɛ sa-a-ma fagba, Isirɛla mɔgɛnu dɔn-koe la. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Yɛrɛmaya 23:14

Kɔnɔ nɛbi minnu bi Yerusalɛm, wonuna sɔn-yogoyɛ tenbira Samariya kɛnutɛ la. Anu sa fenfen kun na fɔ yɛlɛnyɛ anubɛ foninya-fɔɛ. Anu sa fenfen kun na fɔ ka mɔgɛnu nadon ko-yogoma-kɛ rɔ. Mɔgɔ-wo-mɔgɔ sa nyɔ min si a fara ko-yogoma-kɛ la. Mari ko anu yogo a yala iko mɔgɛ minnu siginɛ Sɔdɔm anubɛ Kɔmɔra soenu burɔ nun.

Yɛrɛmaya 3:3

Ka a tɛgɛ wo sɔn wonu ma, banda ma na wɛ fɔlɔn de, ado hali banda-yi-kun-fɔlɛ, wo ma na. Wo ya-lakalan-nya manɛ iko yɛlantɛ. Mɔgɛ ti miliya-sumɛ yen wo yakɔrɛ ma.

Yɛrɛmaya 3:7

N ya a lɔn ko Isirɛla mɔgɛnu ba ban ko-yogomɛ kɛla, anu ni na to sɛgila n ma. Kɔnɔ hali wo, anu ma sɔn sɛgila n ma tun. Isirɛla ara ko-yogomɛ min ma, a na-kelen-nyɔgɔ-musi Yuda ya wo yen de!

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Hoseya 11:5

“Wo ya wo ban wo ya-lamununna n na woletɔ n ko fɔ wo wa ta Iyipiti, ado fɔ Asiriya wa sigi wo kun na.

Hoseya 7:10

Wole Isirɛla mɔgɛnu, wola wasinteyɛ ye sereyɛ bɔla wo kan ma. Hali koe min bara tenbi nun, wo ma wo miri wonu ma ka sɛgi nde, Mari Alla ma.

Emɔsi 4:6

Mari ko ale nyɛrɛ-nyɛrɛ nara kɔnkɔ-fitinɛ la wole kuma kɔnɔ hali wo, Mari sɔgɔ-labɔnɛ wo la lass!

Maika 6:14

Wo si to fannu dɔnna kɔnɔ wo ti fa. Dɔn-fannu si taran wo bolo kɔnɔ a ti wo rabɔ. Wo si wola bondɔnnu nafa dɔn-fannu na kɔnɔ kɛlɛ si a ma, wonu ta ni kolonya filili!

Hegayi 1:6

Wo ye fen-siyaman fuila kɔnɔ wo sa fen-kɛndɛ sɔrɔnna anu tɔ. Dɔn-fannu bi wo bolo kɔnɔ anu ti wo buyi lafa. Wo ye wo minna kɔnɔ wo kan la ti kimɛ. Kurɛnu bi wo bolo kɔnɔ anu ti kimɛ bɔ wo la. Wo si wodinu sɔrɔn kɔnɔ wola wodi ti sigi wo bole tɔ.

Hegayi 2:17

Mari nyɛrɛ-nyɛrɛ le ya fɔnyɔ wo lana wola ki-fannu kuma nun ka anu nagbala. Ale le fanan ya banda-kole layigi wola ki-fannu kuma ka anu tinya pɔ! Hali wo, wo ma yɛlɛma ka sɛgi a wara la.