Emɔsi 4:4 - ALLALA KUMƐ

⁴ Allatala ko wole Isirɛla mɔgɛnu, ni a di wo ye, wo ni ta wola kan-tina-sɛnimɛ Bɛtɛli ka hakɛ kɛ iko a di wo ye nya min. A ko wo ni ta Kiligali fanan ka murutiya iko a di wo ye nya min. Wo si na wola sarakɛ minnu na san la, ni a di wo ye, wo ni to nala wonu na sɔgɔma-wo-sɔgɔma. Wo si na wola yaka min na san kɔrɔ iko sawa, ni a di wo ye fanan, wo ni na wonu na tele-sawa wo tele-sawa kɔrɔ.

Emɔsi 4:4 ပူးပေါင်းရင်းမြစ်များ

Makawandili Kumɛnu 11:9

Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Isikiyɛli 20:39

“Nde, wo Tigi Mari ko ko-wo-ko di Isirɛla mɔgɛnu ye, anu ni wo ma. Anu ni anu taya ka anuna bɛsɛnu kɔ. Kɔnɔ n bi anu makawandila koe kɛ kɔma, anu si n gbiliya worɔ, yɔ! Anu si fara n tɔgɔ-makawanɛ lafɛyala anuna bɛsi-kɔɛ fɛ.

Hoseya 12:11

Hali wo, wo ye bɛsɛnu kɔla Kaliyadi nyamanɛ rɔ. Min bɛɛ ye wo kun na, n si wo bɛɛ faga tɛrr! Wo ye turɛnu mala sarakɛnu na wola bɛsɛnu ye Kiligali soe burɔ kɔnɔ wola saraka-mintan-tinɛ wonu si ma kuru-ladɛnnɛnu na gbɛkole ma tala.”

Hoseya 4:15

“Hali wole, Isirɛla mɔgɛnu ma telen n ye kɔnɔ Yuda mɔgɛnu kana anuta kɛ-nyanu bi. Wo kana batoli-kɛ Kiligali soe anubɛ Bɛti-Efɛn soe burɔ. Wo kana lanyiri kiri nyɔ nde, Mari-nimɛ tɔgɛ rɔ.

Hoseya 9:15

Mari ko, “Wola ko-yogomɛ bɛɛ dabirara Kiligali soe burɔ le. Wo fɔlɔta gboyala n ye nyɔ le. N si wo gben nta nyamanɛ kɛ rɔ ka a tɛgɛ wola ko-yogomɛ kɛnu ma. N ti wo keni tun bawo wola kun-tiginu bara murutiya n ma.

Emɔsi 3:14

Wo ni a fɔ anu ye ko Mari wa na anu tɔrɔ tinɛ tumɛ min anu hakɛla ko la, a si anuna saraka-mintan-tinɛ tinya min bi Bɛtɛli soe burɔ. A si anuna saraka-mintan-tinɛ bolon nanɛ keri, mɔgɛnu si anu dun min na anu niyi kisi-koe la.

Emɔsi 5:5

Mari ko wo kana ta Kiligali a bato tinɛ tun iko wo duruta a mala nya min nun fɔlɔfɔlɔ bawo nyɔ si ma don-dɛ la wo ye ka don yɔɔnyɛ rɔ. Wo kana ta Bɛtɛli soe fanan tɔ min tɔgɔ-kɔrɛ le ‘Marita Bɔn’ bawo nyɔ si ma nyinɛnuna bɔn la. Hali wo ma ta Biri-Siba ka Mari bato wula-yan la.

Matiyu 23:32

Nba, wo benbanu ya min dabira, wo ni wo raya ka wo laban!

Matiyu 26:45

Wo ban, a sɛgira karan-dannu bara. A ko, “Ha bi, wo ye kinɔgɔla ka wo sulen? Wo ni wo yɛ lata! Nde, Hadama-dan don-tumɛ ara ke hakɛ-tiginu sɛnbɛ kɔrɔ.

Maraka 14:41

A sɛgira anu bara min kɛ tun a sawa nyɔgɛ rɔ, a ya a fɔ anu ye ko, “Ha bi, wo ye kinɔgɔla ka wo sulen? Wo ara a bɔ! Nde, Hadama-dan don-tumɛ ara ke n yogenu bolo tɔ hakɛ-tiginu sɛnbɛ kɔrɔ.

Maraka 5:5

Su-ni-tele, a ye kaburu-soenu burɔ anubɛ kɔnkɛnu tɛma. A ye gbele-gbelenna ka a nyɛrɛ matɛgɛtɛgɛ kuri la.

Tɔn-Fɔɛ-Fila-Nyɔgɛ 26:12

“San-sawa wo san-sawa, wo si to wola yakanu dila Lifayi bɔnsɔn-mɔgɛnu ma anubɛ mɔgɔ-tɔrɔnɛ minnu dɛnbɛna sa, a mara sundan na wo, a mara kelenni na wo, a mara kɛɛ-musu la wo. Wo si a ma, mɔgɛ kɛnuna dɔntɛ si a bɔ anu ye anuna soenu tɔ. Wo wa ban wola yakanu ratalala mɔgɔ-tɔrɔnɛnu na,