Emɔsi 4:2 - ALLALA KUMƐ

² Allatala-sɛnimɛ ya lanyiri kɛ kiri, a ko wati ye nala, wo yogenu si wo bira iko yungbun-kɛlɛ si yɛgɛ bira nya min ka a sa ala sole rɔ.

Emɔsi 4:2 ပူးပေါင်းရင်းမြစ်များ

Yaburi 89:35

Iko i wara ban i kelila i tɔgɔ-sɛninyanɛ rɔ nya min, i ti foninyɛ fɔ ale Dawuda ye.

Yaburi 89:36

A ti foo a kegeyɛ la. Fananta tele ye bɔla, i kolan bɛnnɛ ata mansayɛ ma.

Aiseya 37:29

A ko a ara diminya min kɛ, Mari ara wo nya-yen. A ko a ara ala wasinteyɛ lɔn. Mari ko a si a sunyɛ-sɔgɔ-lunyɛ la ka karafɛ kɛ a dɛ ma ka a lasɛgi a gbere fɛ a bɔra kan min.”

Yɛrɛmaya 16:16

Mari ko a ti mɛ tun, a si kilayɛ lata yɛgɛ-biralɛnu ma alako wonu ni na wole, Yuda mɔgɛnu bira. Wo kɔma, a si kilayɛ lata donsenu ma alako wonu ni na bui wola nyamanɛ kɛ bɛɛ ma. Donse wonu si to wole, Yuda mɔgɛnu napɛrɛnna kɔnkɛnu anubɛ farannu ma.

Isikiyɛli 29:4

N si lunyɛ bila a gban rɔ, yɛgɛnu ni tɔnsɔn a la. N si anubɛ yɛgɛ wonu nabɔ Nayɛli bɛ rɔ.

Isikiyɛli 34:16

“Minnu tununta, n si wonu nyini. Minnu tara anu kun fɛ, n si wonu kunyɛ lasɛgi a rɔ. Minnu tanbanta, n si wonuna tɛlɛnu makiri. Minnu kirɛ, n si wonu dandan. Kɔnɔ minnu kunba, ado anu tagbɛlɛ wɛ kɛ, n si wonu wara-koe ka-a-la bawo saga-fɛ-birala ko-telenni-kɛlɛ le nde la.

Isikiyɛli 38:4

Mansɛ wola so-laburilɛ minnu makirinɛ wo, ala soeenu wo, wonu siya duk! Nɛgɛ-walan anubɛ faan ye ala kɛlɛ-dan wo bɛɛ bolo tɔ. N si ale mansɛ anubɛ ala kɛlɛ-dannu nabɔ anuna nyamanɛ rɔ. N si a kunyɛ bɔ a wara la ka lunyɛ bila a gbagasa-kole rɔ.

Emɔsi 6:8

“Allatala ara a tanɛ sigi wo ye ka wo makawandi ko wole, Isirɛla mɔgɛnuna wasinteyɛ ma di ale ye mumɛ! A ko wo sa hɔnna mɔgɔ-gbɛrɛkɛ la, fɔ wo ye bon-hakikɛ minnu sɔla wo nyɛrɛ ye. Mari ko a si wobɛ wola so-karantan don wo yogenu bolo fasai!”

Emɔsi 8:7

Wole fɛlɛtenɛnu, Isirɛla mɔgɛnuta Mari Alla ya lanyiri kiri wo ye a kila-bɛrɛbɛrɛ fɛ. A ko a ti nyina yila wonuna ko-yogomɛnu ko mumɛ!