Emɔsi 4:13 - ALLALA KUMƐ

¹³ Sɛnbɛ-Bɛɛ-Tigi le ale Mari la. Ale Alla nyɛrɛ le ya kɔnkɛnu anubɛ fɔnyɔ ladan. Ale le si a ma, hadama-dannu ni a miriyanu lɔn. Ale le ye suyi anubɛ tele labɔla. Ale le ye duninya bɛɛ kuma mansayɛ la.

Emɔsi 4:13 ပူးပေါင်းရင်းမြစ်များ

Yobu 9:7

A si a fɔ tele ye ko a kana bɔ. A si a ma fanan, lolenu ti malan.

Yaburi 135:7

A si banda-finyɛ lana ka bɔ dugu-dan la. A ye san-sɛran anubɛ bandɛ lanala. A si fɔn-barɛ dɛ laka duninya kuma.

Yaburi 139:2

N bi ko-wo-ko ladanna, i ye wo kalama. Hali i fɛ-yan n na pon, i ya n miriyɛ bɛɛ lɔn.

Yaburi 147:18

Yanni a ni ban a fɔla duri ma ko, “Gbala,” a ara gbala todo! A tenbi fɔnyɔ lanala, banda ye wo sagaranna.

Yaburi 65:6

Ita sɛnbɛ ya kɔnkɛnu sigi anu gbɛnu tɔ yiri! Wo le ye a yirala ko ita sɛnbɛ kolo.

Bɔ-Koe-Iyipiti 10:22

Musa ya a bole rasagan san ma. Tele sawa, pinpi-fin-bɛ burunnɛ Iyipiti nyamanɛ bɛɛsi kuma bɛff.

Bɔ-Koe-Iyipiti 14:20

Banda-fin-gbɛ wo tora Iyipiti kɛnu anubɛ Isirɛla mɔgɛnu tɛma. A tɔnkɔn doi ya pinpi burun Iyipiti kɛnu kuma bɛff! A tɔnkɔn doi ya waan raka Isirɛla mɔgɛnu ma waran! Iyipiti kɛnu anubɛ Isirɛla mɔgɛnu ma ke anu nyɔgɔn yenna suyi wo nyɛrɛ rɔ hali ka gbɛrɛn anu nyɔgɔn ma lefan!

Aiseya 40:12

Mɔgɛ si ke kɔgɔ-yi sumanna a bole tɔ? Mɔgɛ si ke san-kole sumanna a nunkan la? Mɔgɛ si ke duninya-bɔnkɛ kɛla kalamɛ rɔ? Mɔgɛ si ke fan do bila ka kɔnkɛnuna gbiliyɛ-yatɛ lɔn?

Aiseya 45:7

A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Aiseya 47:4

Ma kunkalɛ le Mari Sɛnbɛ-Bɛɛ-Tigi la. A tɔgɛ le Isirɛlata Alla-sɛnimɛ.

Aiseya 48:2

Wo ye wasila a fɔɛ la ko duguran le wo la so-sɛnimɛ kɛ rɔ. Wo ko wo tonɛ Isirɛlata Alla ma min tɔgɛ Mari Sɛnbɛ-Bɛɛ-Tigi.

Aiseya 5:30

Wo tele wa na, anu bi bɔrɔndɔ-bɔrɔndɔla Isirɛla kuma le iko kɔgɔ-yi tenbi tugula a rɔ, wo kan ye nya min. Nyamanɛ kɛ mafɛlɛn! Fɔ pinpi anubɛ tɔrɔya-gbansan, wo le ye a rɔ. Pinpi ara waan yamatogon.

Yɛrɛmaya 10:13

A nɛn-naban kumala, bandɛ si tugu. A si a ma, banda-yi la ni dɛn dagɛ rɔ ka bɔ duninya kan-tinɛ bɛɛ rɔ. A si san-sɛran anubɛ bandɛ lana. A si fɔnyɔ labɔ ala fɔn-barɛnu tɔ.

Yɛrɛmaya 10:16

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Yɛrɛmaya 13:16

Wo ni wota Mari Alla gbiliya. Yanni pinpi ni don wo ma, wo ni a gbiliya. Yanni wo ni tonko-tankan kɔnkɛnu ma pinpi rɔ wo ni a tanto! Wo yili-madiyanɛ wan-takɛ min ma, Mari si wo yɛlɛma pinpi-fin-bɛ la.

Yɛrɛmaya 46:18

Mari ko mansɛ le ale Mari Sɛnbɛ-Bɛɛ-Tigi la. A ko Alla-nimɛ le ale la. Iko Tebɔ kɔnkɛ layan kɔnkɛ bɛɛ ko nya min, iko Kamɛli kɔnkɛ dunnɛ kɔgɔ-yi kuma nya min, Iyipiti yogenu sɛnbɛ kolo Iyipititɛ ko wo nya na le.

Yɛrɛmaya 51:16

A nɛn-naban kumala, banda si tugu. A si a ma, banda-yi la ni dɛn kan-tina bɛɛ rɔ. A tenbi bandɛ lanala, san ye sɛrɛnna. A si ala fɔn-barɛ dɛ laka.

Yɛrɛmaya 51:19

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Daniyɛli 2:28

kɔnɔ Alla min bi Arinyɛni tɔ, wo le si ke ko-dogonnɛ labɔla gbɛ ma. Koe min bi mala yarɔ, ale le wara wo fɔ ma tigi ye fanan. A ya ko-rayen min kɛ ala kiyo rɔ, n si wo fɔ a ye.

Daniyɛli 2:30

Alla ara ko-dogonnɛ wo le yira nde fanan na. Ka a fɔ ko a ya wo yira n na bawo n hɛnkili kolo mɔgɔ-damatɛ ko, wo ma de! A ya a yira n na le alako ma tigi ni ala kiyo anubɛ a kɔrɛ anubɛ a miriyanu lɔn.

Hoseya 12:6

Woletɔ wole Yakoba kegeyɛnu, wo ni la wota Alla la ka sɛgi a ma. Wo ni lanayɛ kɛ ka keninteyɛ yira wota Alla la. Wo ni wo muin ha Alla ni ata wɔlɛ kɛ.

Yowɛli 2:2

Pinpi si burun wo kuma wulɔn. Wo yisi si pirinkan. Kɛlɛ-den-siyamɛnu tɔnkɔnyɔ si na iko banda-finyɛ si ta sala tele ya-ma nya min. Wo nyɔgɔn kɛlɛ-den ma na wɛ, ado wo nyɔgɔn ti na tun.

Emɔsi 3:13

Mari Sɛnbɛ-Bɛɛ-Tigi ya a fɔ ko wo ni wo tole masɔ ka Yakoba kegeyɛnu makawandi.

Emɔsi 5:27

a si wo don yɔɔnyɛ rɔ wo yogenu bolo Damasika soe kɔma. Mari Sɛnbɛ-Bɛɛ-Tigi kuman-kan le kɛ la.”

Emɔsi 5:8

“Alla ya lolenu nadan ka anu sigi-tinɛnu tabɛn san-kole rɔ iko a di a ye nya min. Ale le ye suyi yɛlɛmana tele la. Ale le ye tele yɛlɛmana suyi la. Ale le ye yi layɛlɛla san ma ka a labɔn dugu-kole kuma. Ale Mari nyɛrɛ-nyɛrɛ le ye wo mala.

Emɔsi 6:8

“Allatala ara a tanɛ sigi wo ye ka wo makawandi ko wole, Isirɛla mɔgɛnuna wasinteyɛ ma di ale ye mumɛ! A ko wo sa hɔnna mɔgɔ-gbɛrɛkɛ la, fɔ wo ye bon-hakikɛ minnu sɔla wo nyɛrɛ ye. Mari ko a si wobɛ wola so-karantan don wo yogenu bolo fasai!”

Emɔsi 8:9

Wo wati ye nala, tele si fin tele-latelen-wati rɔ, wo kɔma, pinpi si burun wo kuma.

Emɔsi 9:6

Mari warɛ le ye san-kole kɔma pon! A ya dugu-kole kɛ tuwa-fen sigi san-kole kuma. A wa kɔgɔ-yi rakele san ma a si wo labɔn dugu-kole ma, ado a tɔgɛ le Mari!

Maika 1:3

Mari si bɔ ata kan-tina-sɛnimɛ wo rɔ ka yigi dugi ma ka tagama kɔnkɛnu kuma.

Habakuku 3:19

Ma tigi Mari le n sɛnbɛ la. A ya n kian banban dugi ma iko mina ka n nakanan kɔnkɛnu kuma.

Sakaraya 12:1

Mari min ya san-kole rafulen ka dugu-kole ladan ka hadama-dan-niyi bila a rɔ, Mari kelan wo le ya kumɛ kɛ fɔ Isirɛla ko la.

Matiyu 9:4

Yisa ya anuna miriya ragbɛ. A ko, “Wo ye wo mirila ko-yogomɛ ma nfenna?

Yɔni 2:25

Mɔgɔ ti mɔgɔla ko rakaran Yisa ye bawo a ya mɔgɛ bɛɛ sɔndɔmɛ lɔn bɛrɛkɛ!

Yɔni 3:8

Kan tinɛ min di fɔnyɔ ye, a ye tala nyɔ le. I ye a kan lamɔɛnna kɔnɔ i ma a bɔ-tinɛ lɔn, i ma a ta-tinɛ lɔn. Min bɛɛ sɔrɔnnɛ Allata Ni-Sɛnimɛ bolo, anu bi wo nya le.”

Tɔn-Fɔɛ-Fila-Nyɔgɛ 32:13

“A ya a ma, wo taranta wo diya kɔnkɔ-layan-bɛnu kuma lanyiri-nyamanɛ rɔ. Wo ya fen siyaman sɔrɔn wola sɛnɛnu tɔ. Wo ya liyi taran faran-woenu na. Wola ki-fannu mara-a-la hali wɔsɔkɔrɔ-duginu tɔ.

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”