Emɔsi 4:12 - ALLALA KUMƐ

¹² Woletɔ Mari ko a si wole, Isirɛla mɔgɛnu tɔrɔ. Bawo a ye nala wo tɔrɔla, nba, wo ni wo rabɛn Mari yarɔ min bi wo kitila.

Emɔsi 4:12 ပူးပေါင်းရင်းမြစ်များ

Aiseya 32:11

Wo siginɛ ladiyɛ rɔ, hɔn sa wo la kɔnɔ wo ni yɛrɛyɛrɛn kumakɔɛ bolo. Wo ni wo gbu-makolonya ka wo buta kiri kasa-kurɛ la.

Aiseya 47:3

Mɔgɛnu si i makolɔn yen. I si miliya anu yala.” Mari ko a si a tayili sara i la. A ti kinikini mɔgɔ-wo-mɔgɔ ma ile Babilɔn soe burɔ.

Aiseya 64:2

Anu si ma iko yi min bi gbonsanna tɛ kuma. I ni ma iko tɛ wa sigi yerima-gbalɛ la. Ni i ya wo ma, i yogenu si i lɔn. Anu ba i yen, anu si to yɛrɛyɛrɛnna kumakɔɛ bolo.

Yɛrɛmaya 5:22

Mari le ale la. Nfenna wo sa kilanna a la? Nfenna wo sa yɛrɛyɛrɛnna a kɔrɔ? Ale le ya kɔgɔ-yi-dan ma kɛnkɛn la alako yi ni to a dagɛ rɔ tolon! Hali a ye tugula a rɔ nya-wo-nya, a ti tenbi a dan kun na. Hali a ye kurunna, a ti a dan keri.

Isikiyɛli 13:5

Iko fira-wuli wonu, anuna foninya-wɔlɔyiya-kuma-fɔlɛnu sa tara-kerinɛ kandanna. Ni anu sa tarɛ wo sɔla tun alako nde, Mari si anu yogenu natugu anu kan ma tele min ma, soe wo ti kanan.

Isikiyɛli 22:30

Mɔgɛ min si ke tara-kerinɛ wo sɔla hali ka soe lakanan tara-kerinɛ wo dafɛ, n ya n ya lakalan wo do ma anu tɛma. Ni n ya wo mɔgɛ sɔrɔn nun, n ti soe wo kasara. Kɔnɔ n ma wo mɔgɛ sɔrɔn.

Hoseya 13:8

N si kɛ wo ma iko sogo-ferema-yuwan, ala dan wa tunu a ma. A si wo buyi laka. A ye kɛla wo ma kan min, a ye wo dɔnna nyɔ le sa! N si wo rafarafara iko sogo-dalamɛ si a ma nya min.

Emɔsi 2:14

Hali buri-kɛla-wɛnu, wonu kian ra si faga kuluba! Fanka-tiginu si fɛya iko duduyi. Kɛlɛ-dan minnu bɛnta ka mɔgɔ-gbɛrɛnu nakisi, wonu ti ke anu nyɛrɛ gbuyɛ lakisila.

Matiyu 24:44

Wo le ya a to, wo rabɛnnɛ ni to tuma-wo-tuma bawo wo hɛnkili sa a ko tumɛ min, nde, Hadama-dan si na wati wo le tɔ.

Matiyu 5:25

“Ni i bilara mɔgɛ do la, yanni a ni ta i lakiti, i ni a madiya. Ni i ma wo ma, a si ta i la ka i don kiti-tɛgɛlɛnu bolo. Wonu si i don i maralɛnu bolo. Wonu fanan si i sa yele la.

Lankɛnimayɛ 3:3

Nba, wo ara min karan wo, anubɛ wo ya min namɔɛn wo, wo hɛnkili ni to wonu ko. Wo ni wonu bira ka wo kɛ-nya yɛlɛma. Ni wo ma kunden, wo hɛnkili sa a ma tumɛ min, n si na kɛ wo ma iko kankan ka wo tɔrɔ.