Emɔsi 3:6 - ALLALA KUMƐ

⁶ Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Emɔsi 3:6 ပူးပေါင်းရင်းမြစ်များ

Ko-Dabirɛnu 50:20

Wole ya ko-yogomɛ sigi n na kɔnɔ Alla ya a yɛlɛma n ye a nyimɛ la alako mɔgɔ siyaman ni kanan n fɛ.

2 Mansɛnu 6:33

A ye banna kumɛ kɛ fɔla wo gbetu, mansɛ wo kera. Mansɛ wo ko, “Mari le ya tɔrɔyɛ kɛ bɛɛ lana ma kuma. N si Marita dɛnbɛnɛ wo makɔnɔ nfen ko la tun?”

Aiseya 45:7

A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Yɛrɛmaya 10:7

Ile min bi duninya mumɛ kun na, a bɛnta, mɔgɛ bɛɛ ni ile le gbiliya. A bɛnta, anu ni i gbiliya yati! Hɛnkilima-siyaman bi nyɔ kɔnɔ mɔgɔ-wo-mɔgɔ hɛnkili ma gbɛrɛn itɛ rɔ.

Yɛrɛmaya 4:19

Nde, Yɛrɛmaya ye a fɔla ko, “E, dumɛ! N yisi ye n tɔrɔla kosɛbɛ!” A ye tugula n burɔ. N ti ke a birala n tɔ tun. A ye wo nya na le bawo n bi kɛlɛ-buru-kan lamɔɛnna. N bi kɛlɛ-sɔnkɛ lamɔɛnna.

Yɛrɛmaya 4:5

Mari ko nde, Yɛrɛmaya ni kilayɛ kɛ lake wole, Yuda nyamanɛ anubɛ Yerusalɛm so-burɔ-mɔgɛnu ma. A ko wo ni buri fɛ nyamanɛ mumɛ bɛɛ rɔ ka mɔgɛnu kundɛn wo kulu-mayɛlɛnɛ la. Mari ko wo ni ta sigi so-latankanɛnu tɔ.

Yɛrɛmaya 5:22

Mari le ale la. Nfenna wo sa kilanna a la? Nfenna wo sa yɛrɛyɛrɛnna a kɔrɔ? Ale le ya kɔgɔ-yi-dan ma kɛnkɛn la alako yi ni to a dagɛ rɔ tolon! Hali a ye tugula a rɔ nya-wo-nya, a ti tenbi a dan kun na. Hali a ye kurunna, a ti a dan keri.

Yɛrɛmaya 6:1

Wole Bɛnyamɛ bɔnsɔn, wo ni wo buri wo niyila ko la. Wo ni wo buri bɔla Yerusalɛm soe burɔ. Wo ni kɛlɛ-buri fɛ Tekoya soe burɔ. Wo ni tamasere layɛlɛ ka bɔ Bɛti-Hakɛram soe burɔ. Wo ni a fɔ ko kasarɛ ye yigila a ma ka bɔ kantɔ-wara la. Kasara-belebele ye nala wo kuma.

Isikiyɛli 33:3

Wo wa anu yogenu yen nala, a si buri fɛ ka mɔgɛnu nalɔn.

Hoseya 5:8

Wo ni kɛlɛ-buri fɛ Isirɛla nyamanita soenu tɔ, Kibiya wo, Rema wo, anubɛ Bɛtɛli. Wole Bɛnyamɛ bɔnsɔn kɛlɛ-dannu, wo ni wo mabɛn kɛlɛ-kɛ-koe la.

Emɔsi 3:5

Mɔgɛ si kona taran kose la ni i ma dɔn-fan sa nyɔ? Gbɛrɛ la si foo a nyɛrɛ ma ni fan do ma a lafoo?

Sɛfanaya 1:16

Wo wulɔn-tele si ma kɛlɛ-kɛ-buri-fɛ-lunyɛ la. Ma yogenu tenbi donna so-latankanɛnu tɔ tumɛ min, anu si a lawɔyɔ ka na nyamanɛ-kumafɛlɛn-tinɛnu kan ma.

Sakaraya 8:10

A ko yanni wo wati ni ke, hali wole anubɛ wola kolo-fannu masan-wodi ma kolo wo bolo. A ko mɔgɔ ma ke a halala-wɔlɛ kɛla bawo wo yogenu taranta wo kan ma kan tinɛ bɛɛ rɔ. A ko ale le ara mɔgɛnu nakɛ anu nyɔgɔn ma nun.

Kɛwɔlɛnu 2:23

Alla ya a latɛgɛ a nyɛrɛ sako fɛ ko Yisa ni don wo bolo. Wole ya a faga bawo wo sɔnta ko hakɛ-tiginu ni a gbangban kɔlɔma ma wo yala.

Kɛwɔlɛnu 4:28

I wara ban koe min bɛɛ latɛgɛla i sɛnbɛ anubɛ i sako rɔ, anu ya anu nadɛn ko anu ni wo ma.

2 Kɔrɛnti 5:11

Ma kilannɛ Mari la min kɛ, ma ye ma rayala ko mɔgɛ bɛɛ ni a yɛ lamunun Mari la. Alla ya ma lɔn feu, ado wole ya nde lɔn wo yisi rɔ wo nya na le fanan.