Emɔsi 3:12 - ALLALA KUMƐ

¹² Ni saga-fɛ-biralɛ si ke saga-woro kolo filɛ wa a tolo-lafɛlafɛ bila yarɛ dɛ la, mani Samariya kɛnu Isirɛla mɔgɛnu, kɔni, wonu si ke anu burila anu yogenu kɔrɔ, ado anu sanɛ anuna sa-fen kiannu na anu kin kɔrɔ.

Emɔsi 3:12 ပူးပေါင်းရင်းမြစ်များ

1 Mansɛnu 20:30

Siriya-toenu ya anu buri ka ta Afɛki soe burɔ. Soe wo tarɛ kerita anu kuma. Siriya mɔgɔ waga mogan-ni-wɔrɔnfila (27,000) fagara anu tɔ nyɔ. Mansa Bɛnhedadi ya a buri tala Afɛki soe burɔ. A tara a nyɛrɛ dogon tonke do rɔ bɔn burɔ.

1 Mansɛnu 20:34

Mansa Bɛnhedadi ya a fɔ Mansa Ehabu ye ko, “N fa ya soe minnu bi i fa bolo, n si wonu nasɛgi i ma tun. I ni fen mayira tinɛ labɔ nde halala-soe Damasika burɔ iko n fa ya fen mayira tinɛ labɔ i fata soe Samariya burɔ nya min.” Wo le ya a ma, Mansa Ehabu ya a fɔ a ye ko, “Ka a tɛgɛ i kuman-kan kɛ ma, n si i boloka.” A ya a boloka bawo anu bara lanyiri kiri anu nyɔgɔn tɛma.

1 Mansɛnu 22:25

Nɛbi Mɛkaya ya a fɔ a ye ko, “Fɔ i wa ta i dogon tinɛ bɔn do burɔ lun min, i ni na to a lɔnna.”

2 Mansɛnu 16:9

Kilayɛ wonu ke, wonu ya anu dantɛgɛ. Woletɔ ka a yira Mansa Ehasi la ko a ara sɔn, Mansa Pulu tara bui Damasika kɛnu ma Siriya nyamanɛ rɔ. A ya soe wo bi Siriyanu bolo ka nyɔ-mansɛ Risen faga. A tara nyɔ-mɔgɛnu na Kira soe burɔ.

Ɛsita 1:6

A ya yesekara-gbɛ anubɛ yesekara-finyɛ bi ka wo ma kurɛ la ka lu-kɔndɛ wo rabɛn wonu na. Anu ya kurɛ wonu tɛ-kiri tala yili-kolo-pɔrɔkɔsɛnu na. Wodi-gbɛ-dɛɛn minnu sɔnɛ sɛnbɛrɛn-kɔnnu na tala, anu ya yili-kole wonu kiri tala wonu na. Sɛnbɛrɛn-kɔn wonu nadannɛ kuru-gbɛlɛ denu denu na. Sigi-fen-yan minnu nadannɛ sɛnɛ anubɛ wodi-gbɛ la, wonu siginɛ tala lu-kɔndɛ wo rɔ. Lu-kɔndɛ wo gbɛlɛkannɛ kuru-gbɛlɛ subolo-siyamɛ bɛɛ la.

Ɛsita 7:8

Ɛsita sanɛ sigi-fen-yan kuma kan min anuna fen dɔn tinɛ, ale Heman tara a sa a kian kuma nyɔ a madiya tinɛ. Mansɛ don bɔn la, a ya Heman sanɛ taran ala musi Ɛsita kian kuma. Mansɛ ya a fɔ a kulu-mayɛlɛnɛ la ko, “Wo ni wo yɛ lana, a sɔgɛ ye kei kɛ la ka a sa nna musi fɛ n nyɛrɛta bɔn la n yala?” Mansɛ ban wo fɔla, a makandannɛnu ya ale Heman yɛ lakiri ka a yira ko aletɛ ara ban.

Yaburi 132:3

A ko a ye anubɛ Alla tɛma ko a ti a kunyɛ ladon bɔn la ko a ti ki nyɔ.

Aiseya 17:7

Ni kɛ-watinu bara ke tumɛ min, mɔgɛnu burumatoe ye anu Dali-Mari magbenna, Isirɛlata Alla-sɛnimɛ, kɔni.

Aiseya 31:4

Mari ya a fɔ nde, Aiseya ye ko hali saga-fɛ-biralɛnu gbele-gbelenta nya-wo-nya, anu ti ke yarɛ gbenna saga-faganɛ wo ma. A ko a ye wo nya na le fanani, ko anu ti ke tɔn sigila Mari Sɛnbɛ-Bɛɛ-Tigi ma ata kɔnkɔ-sɛnimɛ kandan-koe rɔ.

Aiseya 8:4

A ko yanni dan wo ni kusanya a fa anubɛ a na rakelela, a ko wo si a taran, Asiriya mansɛ ara ban Damasika fen-kolomɛnu kankanna anubɛ Samariya fen-kolomɛnu ka ta anu na a warɛ.

Emɔsi 6:4

A si gbɛlɛya wole, nɔnfulu-tiginu kuma, wole min bi wo sala wola sa-fen-hakikɛnu kuma ka mɛ fen-diyamɛnu dɔn tinɛ.

Emɔsi 9:8

A ko a kolan ye wole, hakɛ-tiginu na tolon! A si wo firan dugu-kole kɛ kuma. Kɔnɔ a ko a ti Yakoba kegeyɛ bɛɛ lato de!