Emɔsi 2:9 - ALLALA KUMƐ

^9-10 “Mari ko hali wo, wo ni la a la ko ale le nara wo la ka bɔ Iyipiti nyamanɛ rɔ. San bi-nani, a sɔnɛ wo yarɔ wulɛ rɔ. Wo ni wo miri wo yogenu ma, Amoranu, kɔni. Anu yan, anu kolo, anu tagbɛlɛ kɔnɔ Mari ya anu halaki wolela ko la. A ya anuta nyamanɛ di wo ma ka a ma wo halalɛ la.

Emɔsi 2:9 ပူးပေါင်းရင်းမြစ်များ

Ko-Dabirɛnu 15:16

Kɔnɔ i bɔnsɔn minnu bi donna yɔɔnyɛ rɔ, wonu bɔnsɔn nani nyɔgɛ wonu denu bi sɛgila nyamanɛ kɛ rɔ yan. Kɔnɔ anu ti don yan fɔ Amoranuna hakɛ da wa fa. Wo kɔma, n si anu gben.”

1 Ko-Kɔrɔta-Karan 1:14

Kenan kegeyɛ fanan do le Yebusinu wo, Amoranu wo, Kagasanu wo,

Yobu 18:16

A si ma iko kɔlɔma min suli ye gbalala. A bolon-mɛsɛnu ma ye fɔsɔla.

Bɔ-Koe-Iyipiti 3:8

N bara na anu kunyɛ bɔ tinɛ yɔɔnyɛ rɔ ka anu bɔ Iyipiti kɛnu bolo. N si ta anu na Kenan nyamani-hakikɛ rɔ, Kenannu anubɛ Hɛtinu anubɛ Amoranu anubɛ Pɛrasanu anubɛ Hefanu anubɛ Yebusinu siginɛ kan min. Nyamani-diyamɛ le Kenan nyamanɛ wo la.

Bɔ-Koe-Iyipiti 34:11

N bi min bɛɛsi fɔla wo ye bi, wo ni wonu ma. N si Amoranu anubɛ Kenannu anubɛ Hɛtinu anubɛ Perasanu anubɛ Hefanu anubɛ Yebusinu gben wo yarɔ.

Aiseya 10:33

Kɔnɔ Ma Tigi, Mari Sɛnbɛ-Bɛɛ-Tigi si anu murundu iko kɔlɔma-bolɔn wa bɔ kala san ma, wo ramurundula dugu ma nya min. Minnu bara anu nyɛrɛ kɔrɔbi ka ma iko kɔlɔma-layan-bɛ sore, wonu si keri anu kun tɔ ka yarabi.

Aiseya 5:24

Nba kaka, wo ara wo suli min nayigi iko kɔlɔmatɛ, wonu si tuli. Wo fere minnu bi wo la, fɔnyɔ si wonu nayalan. Wo si ma iko binyɛ min sanɛ tɛ rɔ bawo wo ara wo ban Isirɛlata Alla Sɛnimɛ, Mari Sɛnbɛ-Bɛɛ-Tigita labilɛ la.

Isikiyɛli 17:9

“Woletɔ nde, wo Tigi Mari ye nyinikalɛ sala ni ki-fan kɛ si to sabatila. Ade, kokɛ fɔlɔtɛ wo si a wurun ka a gbɔɛ wonu keri a la. Ni a ya a bolɔn do ka a ma, a bɛɛ la si fɔsɔ. A sa sɛnbɛ labɔla a wurun tinɛ. A sa a makofu nyinina.

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Yilan-Yilan Koe 32:13

Musa ya a fɔ tun ko, “Mari fonde ara bɔ ko-yogoma-kɛlɛ wonu kuma, woletɔ a ya a ma, anu yilan-yilanta san bi-nani kɔrɔ wulɛ rɔ ha mɔgɔ fɔlɔtɛ wo bɛɛ fagara feu!

Tɔn-Fɔɛ-Fila-Nyɔgɛ 1:28

Ma ye tala nyɔ nfenna? Ko-lakɔrɔsilɛ minnu tara, wonu bara ma rakilan. Anu ko mɔgɛ minnu bi nyɔ, wonu kolo, ado anu yan ma ko. Anu ko tara-layan-bɛnu mininɛ anuna soenu ma sokesoke! Anu ko mɔgɔ-yan-bɛnu bi nyɔ minnu makilannɛ.’

Tɔn-Fɔɛ-Fila-Nyɔgɛ 3:11

(Mansa Ɔku kelen pe le tonɛ a niyi la nun Rɛfɛnnu tɔ. Kɔnɔ tɔ-a-la, anu ya a faga. A ya ala nɛgɛ-sofa min nadan, wola yanyɛ, nunkan-nya kɔnɔntɔ. A kɔnɛ, nunkan-nya nani. Ha kaka, ala nɛgɛ-sofa ye Raba soe burɔ Amonnuna nyamanɛ rɔ.)

Yasowa 10:12

Kuma-kɔrɔ-fɔlɛ Yasari ya min sɛbɛ a nyɛrɛta buku rɔ kɛlɛ kɛla ko la, wo le kɛ la. A ko, “Mari ya Isirɛla kɛlɛ-dannu dɛnbɛ, anu ya Amora mɔgɛnu nɔ kɛlɛ-kɛ-tinɛ. Yasowa ya Mari madiya Isirɛla mɔgɛ bɛɛsi yala, a ko, tele ni sɔ Kibiyon soe kuma, karɛ ni sɔ Aiyalɔn-folo-wɛ kuma. “Tele ya a sɔ, karɛ fanan ya a sɔ ha Isirɛla mɔgɛnu banta anu yogenu fagala. Tele-latelen-wati, tele ya a sɔ. A ma yigi ha wo banda kɛ wurɛ la, a tora yigila.

Yasowa 3:10

Ma tenbi tala Kenan nyamanɛ rɔ tumɛ min, Alla si sibole kɛnu gben ma yarɔ, Kenannu, Hɛtinu, Yebusinu, Hefanu, Kagasanu, Perasanu, anubɛ Amoranu.