Emɔsi 2:4 - ALLALA KUMƐ

⁴ “Mari ko wole Yuda nyamanita-mɔgɛnu, wole ara hakɛ dan-natenbi, ado a si wo tɔrɔ, yɔ! Mari ko wo ara ale nyɛrɛta karan lɔn fufafuyi la ka tɛgɛ a rɔ. Wo ye bɛsɛnu kɔla iko wo benbanu ya a ma nya min.

Emɔsi 2:4 ပူးပေါင်းရင်းမြစ်များ

2 Mansɛnu 17:19

Kɔnɔ hali wo, Yuda mɔgɛ wonu denu ma anuta Mari Alla sako kɛ. Wonu fanan ya anu sanka Isirɛla mɔgɛnu ma ka anu sɔn bi.

2 Ko-Kɔrɔta-Karan 25:14

Ale Mansa Hamasa bɔnɛ Idɔm kɛnu kɛlɛ tinɛ, a ya nɔ-ko sɔrɔn minnu ma, a nara Idɔm kɛ wonuna bɛsɛnu na a bolo. A ya wonu sigi ka to wonu kɔla ka isɛntinu mintan wonu ye.

2 Ko-Kɔrɔta-Karan 30:7

Wo kana ma iko wo benbanu anubɛ wo ta-nyɔgɛ Isirɛla mɔgɛ minnu ma anu telen anuta Mari Alla ye. Wo ya a yen, a ya anu tɔrɔ boloko-yogomɛ-kɛ nya min.

Nihɛmaya 1:7

I ya ila tɔn minnu don Nɛbi Musa bolo Isirɛla mɔgɛnuna ko la, ma ma sɔn wonu birala. Ma ara ko yogomɛ kɛ i la. Wo le wara a ma, ma ara bila i la.

Nihɛmaya 9:26

“Kɔnɔ ita mɔgɛnu murutiyara i ma ka i kan bɔ a gbɛ rɔ. Anu ya anu kan-kɔ sɔ ila tɔn la. Nɛbi minnu ya anu makawandi, anu ya wonu faga bawo wonu bi anu makawandila ko anu ni sɛgi i ma. Tuma-wo-tuma, i lafɛyanɛ anu bolo.

Aiseya 28:15

Wo ko wobɛ sayɛ ara sarama-kan kiri, ko wobɛ lakira ara sarama-kan kiri. Wole miri ko kasarɛ wa na wo kunyɛ si bɔ a rɔ. Wo lanɛ foninyɛ anubɛ yanfanteyɛ le la ko wonu si anu kankan wole ya ma.

Aiseya 44:20

Hɛnkilimaya-sufa kɛ mani de iko mɔgɛ tenbi ta-gbangban muganna. Ala kun-takolon-miriya wo mani de iko mɔgɛ tenbi donna gbofɛ la. Dɛnbɛni-wo-dɛnbɛni sa a bolo tun. A ti ke a fɔla ko bɛsɛ min bi a bolo kɛ la, Alla ma.

Yɛrɛmaya 16:11

Mari ko n ni a fɔ wole fanan ye ko ni wo ya kɛ yen mala wo la, wo benbanu denu fɔlɔn ya ale Mari boloka. Anu ya bɛsɛnu kɔ ka anu taya wonu ma. A ko wo benbanu fɔlɔn bara anu masɛgi Mari la. Anu ya anu ban ale Marita tɔn-bira-koe ma.

Yɛrɛmaya 16:12

A ko kɔnɔ woleta karagbɛlɛyɛ ara tenbi wo benbanutɛ la. Wo tole gbereta dɔgɔma-ma-de! Min di wo ye, wo ye wo le mala. A ko wo sa a sako kɛla mumɛ!

Yɛrɛmaya 17:27

Ni wo ya wo tui ka to dunɛnu madununa Sulen-Tele ma ka tenbi anu na Yerusalɛm don-dɛnu na, Mari ko a si ta fitinɛ layigi Yerusalɛm don-dɛnu na min ti dufen muk! Hali wola kan-tina-latankanɛnu si mintan gburr!

Yɛrɛmaya 6:19

Wole duninya-mɔgɛnu, wo ni kɛ lamɔɛn. Mari ko a ye kasarɛ lanala Yuda mɔgɛnu kuma. Anu ya karagbɛlɛyɛ min tabɛn, wo ye mala anu na ka a tɛgɛ wo ma. A ko anu ma sɔn anu tole masɔla ata kumɛ la. Anu ma ata karan bira.

Yɛrɛmaya 8:2

Furi wonu kɛndɛnu ya tele anubɛ lolɛ anubɛ karɛ minnu kɔ, anu kolenu ta si nyɛnsɛn wonu kɔrɔ. Anu bi kɛnu kɔla nun alako ka anu matara. Mɔgɔ sa tun min si kole wonu madɛn ka anu togon. Anu si to dugu-kole ma iko bo-gbalɛ.

Yɛrɛmaya 8:9

Wola hɛnkilimɛnu na si yarabi. Anu kunyɛ ni don gbaran rɔ bawo anu bara anu ban anu tole-masɔ-koe ma Marita kumɛ la. Woletɔ Mari ko kun-takolɔn le anu na filili!

Yɛrɛmaya 9:14

Yanni wo ni wo ma, fɔ wo ya wo tole gbɛlɛya min kɛ ka bɛsi Beyali kɔ, ado wo benbanu denu ya wo karan wo ma.

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Isikiyɛli 20:13

Kɔnɔ hali n ke anu na wulɛ wo rɔ, anu ya n bɔrɔbɔ. Anu ya anu ban nna sereyanu birala ka anu kan-kɔ sɔ nna tɔnnu na, ado ni min ya wonu bira, wo tigi si siyimayɛ sɔrɔn. Anu ya Sulen-Tele lafɛya pɔ! Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ alako anu wara-koe ni ka-a-la.

Isikiyɛli 20:16

N ya lanyiri wo kiri bawo anu ya anu ban nna tɔnnu na ka Sulen-Tele lafɛya pɔ! Anuna bɛsi-kɔ-koe di anu ye nde batoe ko.

Isikiyɛli 20:18

Woletɔ n ya fonikenu makawandi anu tɔ ko anu kana anu benbanuna namunyɛnu bi. N ko anu kana anu nyɛrɛ latinya anuna bɛsi-kɔ-koe la.

Isikiyɛli 20:24

N ya wo ma bawo anu ya anu ban nna tɔnnu ma ka Sulen-Tele lafɛya pɔ! Anu benbanuna bɛsi-kɔ-koe di anu ye.

Isikiyɛli 20:30

Woletɔ i ni nde, wo Tigi Mari kan kɛ latenbi Isirɛla mɔgɛnu ma ko nfenna anu bi bɛsɛnu kɔla iko anu benbanu ya a ma nya min?

Isikiyɛli 22:28

Iko mɔgɛ wa bɔnku-gbɛ layɛlɛ dandan ma alako ka a tinya-tinɛnu yamatogon, anuna nɛbinu kɛnɛna mɔgɔ-ba kɛnu hakɛ dogonna wo nya na le. Anu bi foninya-ko-rayirɛ kɛla. Anu bi foninya-wɔlɔyiya-kumɛnu fɔla. Anu kɛnɛna anu nyɛrɛ mala iko nde, anu Tigi Mari le kumala anu ye kɔnɔ anu foni fuss! Nde ma kuma-wo-kuma fɔ anu ye.

Isikiyɛli 22:8

Anu sa kan-tina-sɛnimɛnu gbiliyala. Anu sa Sulen-Tele birala a kilɛ fɛ.

Hoseya 12:2

Mari ya Yuda sɔn fɔ a ye. A ko a si wole Yakoba kegeyɛ fanan tɔrɔ ka a tɛgɛ wola ko-ladan-nya ma, ado a si wo bira wo yili la.

Hoseya 12:3

Wo benba Yakoba anubɛ a fɛrɛn-nyɔgɛ Isɔ ya kɛlɛ dabira anu na burɔ le fɔlɔn. Ale Yakoba koloyanɛ, a ya Alla ma a kɛlɛ-nyɔgɛ la

Hoseya 6:11

“Wole Yuda mɔgɛnu, ka a tɛgɛ wo ara min ma, n bara wo tɔrɔya-lɔgɔ latɛgɛ.”

Emɔsi 1:3

Emɔsi ya Mari kuman-kan latenbi ko, “Wole Damasika kɛnu, wo ara hakɛ dan-natenbi, ado a ko a si wo tɔrɔ, yɔ! Wo ara Kaliyadi nyamanita-mɔgɛnu bira boloko-yogomɛ-kɛ.

Emɔsi 3:2

Mari ko wole Isirɛla mɔgɛnu di ale ye ka tenbi sibole bɛɛsi la duninya rɔ. Mari ya wole le dɔrɔn yabɔ ka wo fɛ-bira. Wo le ya a ma, wola hakɛ ara yogoya a ya la dɔgɔma-ma-de! Woletɔ a ko a fɛrɛ sa fɔ a wa wo tɔrɔ.”

Maika 6:12

A ko nɔnfulu-tiginu bi bolo-kolɔnnu bolo labirala. Wonu damasi ye foninyɛ fɔla.

Habakuku 2:18

Tɔnɔ-nyamintan ye bɛsɛnu na? Mɔgɛnu denu ya bɛsɛ wonu nadan. Bɛsɛ wonu bi foninyɛ le dɔrɔn fɔla wo ye. Ni bɛsi-tigi ya a yigi sa ala bɛsi-kumabɛlɛ wo rɔ, wo si tɔnɔ-nyamintan di a ma?

Romu 1:25

Anu ya Allala tonyɛ mafelen foninyɛ la. Anu wɔlita dali-fannu denu ye ka wonu denu kɔ. A bɛnnɛ anu ni Dali-Mansɛ min tanto, anu bara wo to nyɔ tolon! Tonyɛ le wo la.

1 Tɛsalonaika 4:8

Woletɔ mɔgɔ-wo-mɔgɔ wa a ban karan kɛ ma, wo ma a ban mɔgɔ bolo de fɔ Alla min bi ata Ni-Sɛnimɛ dila wo ma.

1 Pita 1:18

Wo ya kɛ-nya-fuyi minnu sɔrɔn wo benbanu bolo, Yisa fagara ka wo hɔrɔya wonu ma. Wola hɔrɔyɛ ma tɛgɛ fan do ma mɔgɛ si min sara sɛnɛ la, ni wo ma, wodi-gbɛ, ado wonu ti mɛ.

Kɛlɛ-Kurugbɛnu 10:6

Isirɛla mɔgɛnu ya hakɛ kɛ Mari la tun. Anu tara anuna bɛsɛnu Beyali anubɛ Asitɔra kɔ tinɛ. Wo kɔma, Siriyanuna bɛsɛnu wo, Saidon kɛnutɛ wo, Mohabu kɛnutɛ wo, Amon kɛnutɛ wo, Filisitinuna bɛsɛnu wo, anu ya wo bɛɛ kɔ. Anu ya anu kan-kɔ sɔ Mari la ka anu ban a bato-koe ma.