Emɔsi 2:14 - ALLALA KUMƐ

¹⁴ Hali buri-kɛla-wɛnu, wonu kian ra si faga kuluba! Fanka-tiginu si fɛya iko duduyi. Kɛlɛ-dan minnu bɛnta ka mɔgɔ-gbɛrɛnu nakisi, wonu ti ke anu nyɛrɛ gbuyɛ lakisila.

Emɔsi 2:14 ပူးပေါင်းရင်းမြစ်များ

Yobu 11:20

Karagbɛlɛnu si anu taya ka anu bɔ-tinɛ nyini tɔrɔyɛ kɔrɔ kɔnɔ anu ti anu bɔ-tina fenfen sɔrɔn. Yigi-wo-yigi sa anu bolo fɔ sayɛ.

Yaburi 33:16

Mansɛta kɛlɛ-dannu siya min kɛ dɔrɔn, a ti kɛlɛ nɔ. Kɛlɛ-dannu sɛnbɛ dɔrɔn ti a ma, a ni kɛlɛ nɔ.

Makawandili Kumɛnu 9:11

N ya ko-gbɛrɛkɛ yen nna ko-lakɔrɔsiyi rɔ tun duninya kɛ rɔ. Buri-kɛla-wɛ ti to nɔ-ko sɔrɔnna tuma-wo-tuma. Kerinte ti to nɔ-ko sɔrɔnna kɛlɛ rɔ tuma-wo-tuma. Hɛnkilimɛ fanan ti ma-a-la, hali ka to a beli-fan sɔrɔnna tolon! Min bɛnta kun-tigiyɛ la, wo ti sɔ-tina-nyima sɔrɔn tuma-wo-tuma. Bɛɛ ti a harayɛgɛ sɔrɔn nya-kun-kelen.

Yɛrɛmaya 25:35

Wo ti buri-kɛ-kila-wo-kila sɔrɔn. Wo ti wo dogon-tinɛ fenfen sɔrɔn.

Yɛrɛmaya 39:4

A lɔn Mansa Sɛdɛkaya anubɛ ala kɛlɛ-dannu bolo ko anu nɔ-ko sa kɛlɛ rɔ, anu ya anu taya ka tunu suyi rɔ. Anu bɔra mansɛla nakorɔ-kilɛ la. Anu tenbira tarɛ kun-da filɛ latugun-tinɛ don-dɛ la. Anu tara anu burila Yorodan-ba-lɛɛ telen tɔ.

Yɛrɛmaya 9:23

Mari ko hɛnkilimɛ kana a nyɛrɛ matɔgɔ ala hɛnkilimayɛla ko la. Fanka-tigi kana a nyɛrɛ matɔgɔ ala fankalamayɛla ko la. Nɔnfulu-tigi kana a nyɛrɛ matɔgɔ ala nɔnfulu-tigiyɛla ko la.

Emɔsi 5:9

Minnu tagbɛlɛ, ale le ye wonu kasarala pɔ! Anuna kisi-bɔn minnu sɔnɛ fanka rɔ, ale le ye wonu tinyana.