Emɔsi 1:9 - ALLALA KUMƐ

⁹ “Mari ko wole Taya kɛnu, wo ara hakɛ dan-natenbi, ado a si wo tɔrɔ, yɔ! Wo ara ta so-kun-siyaman mɔgɛnu bira boloko-yogomɛ-kɛ ka anu mayira Idɔm nyamanita-mɔgɛnu ma. Wo ya lanyiri min kiri wo nyɔgɔn tɛma, wole ma wo kan wo latɔnbagaya.

Emɔsi 1:9 ပူးပေါင်းရင်းမြစ်များ

2 Samuwɛli 5:11

Mansa Hairam min siginɛ Taya soe burɔ, wo ya kilayɛnu nata anubɛ ala bon-sumalɛ donu anubɛ ala bon-tuwalɛ donu alako wonu ni ta Mansa Dawudala bolɔn sɔ. Wonu tamatoe, anu tara anuta nyamanita kɔlɔma-nɛ donu na anu bolo.

Yaburi 83:7

Kibali kɛnu wo, Amonnu wo, Amalɛkinu wo, Filisitinu wo, anubɛ Taya kɛnu.

Yɛrɛmaya 25:22

Taya so-tigi anubɛ Saidon so-tigi wo, nyamani-tigi minnu bi Mɛdetereniyan kɔgɔ-yila-foolɛ rɔ wo,

Yɛrɛmaya 47:4

Filisitinuna nyamanɛ kasara-wati ara ke. Minnu tora anu niyi la ka Saidon anubɛ Taya kɛnu dɛnbɛ, wonu nato-wati ara ke. Mari ko ale nyɛrɛ si Filisitinu halaki, minnu bɔra Kariti nyamanɛ rɔ, kɔni.

Isikiyɛli 27:1

Mari ya a fɔ nde, Isikiyɛli ye ko,

Isikiyɛli 27:27

A kulunta-nɔnfulu-siyamɛ wo, a kulun-tawɔli-kɛlɛnu wo, a ladannɛnu anubɛ yilanu wo, a kɛlɛ-dannu wo, kulɔn wo tinyanta tumɛ min, wonu damasi tora yi rɔ.

Isikiyɛli 28:1

Mari ya a fɔ n ye ko,

Isikiyɛli 28:18

A ya ko-yogoma-siyaman ma ala sanni-kɛ-tinɛ anubɛ fen-mayira-tinɛnu tɔ ha a ya ala batoli-kɛ-tinɛnu pirinkan. Woletɔ n ya ala soe mintan gburr! Mɔgɔ ti fenfen yen soe wo burɔ tun fɔ ta-gbangban.

Emɔsi 1:11

“Mari ko wole Idɔm mɔgɛnu, wo ara hakɛ dan-natenbi, ado a si wo tɔrɔ, yɔ! Wo ara wola kɛlɛ-kɛ-mirannu bi ka wo na-kelen-nyɔgɔ Isirɛla mɔgɛnu manɛgɛn. Wo ma sɔn kinikinina anu ma mumɛ! Wola diminyɛ ma sɛgi kɔma.

Emɔsi 1:6

“Mari ko wole Kesa kɛnu, wo ara hakɛ dan-natenbi, ado a si wo tɔrɔ, yɔ! Wo ara ta so-kun-siyaman mɔgɛnu bira boloko-yogomɛ-kɛ ka anu mayira Idɔm nyamanita-mɔgɛnu ma min kɛ, woletɔ Mari ko

Hɔbadaya 1:11

Isirɛla yogenu nara tumɛ min ka Yerusalɛm tarɛ dɛnu keri, wo sɔnɛ tora wo gbɛ rɔ. Wo ma sɔn wo na-kelen-nyɔgɛnu dɛnbɛna kɛlɛ la mumɛ! Wo ma ta kankannu fɛ kankanya-kɛ-tinɛ kɔnɔ a ko wo yogo iko mɔgɛ wo minnu ya kankanya-fannu tala anu nyɔgɛnu tɛma.

Sakaraya 9:1

Mari kolan ye mɔgɛ bɛɛ la katarala Isirɛla bɔnsɔnnu ma. Mari ko a si tɔrɔyɛ lana Hadiraki nyamanɛ anubɛ Damasika soe kan ma,

Matiyu 11:21

A ko, “Ile Koresin so-burɔ-mɔgɛnu, gbalo ye wo kuma! Ile Bɛti-Sayida so-burɔ-mɔgɛnu, gbalo ye wole fanan kuma bawo kabana-koe minnu bara kɛ wo rɔ, ni wo nyɔgɔn kɛra Taya anubɛ Saidon soenu tɔ nun, nyɔ-mɔgɛnu bara tubi nun, bi ma! Anu si kasa-kurɛ don anu kan na nun ka ta-gbangban kɛ anu kunyɛ rɔ ka a yira ko anu bara anu kɛ-nyanu yɛlɛma!

Matiyu 11:22

Nba, n ni a fɔ wo ye. Kiti-tɛgɛ-lunyɛ, Alla si kinikini Taya anubɛ Saidon so-burɔ-mɔgɛnu ma ka tenbi wole la.

Luka 10:13

“Wole Koresin so-burɔ-mɔgɛnu, gbalo ye wo kuma! Wole Bɛti-Sayida so-burɔ-mɔgɛnu, gbalo ye wole fanan kuma bawo kabana-koe minnu bara kɛ wo rɔ, ni wo nyɔgɔn kɛra Taya anubɛ Saidon soenu tɔ nun, nyɔ-mɔgɛnu bara tubi nun, bi ma! Anu si kasa-kurɛnu bila anu kan na nun ka ta-gbangban kɛ anu kunyɛ rɔ ka a yira ko anu bara anu kɛ-nyanu yɛlɛma!

Luka 10:14

Kiti-tɛgɛ-lunyɛ, Alla si kinikini Taya anubɛ Saidon so-burɔ-mɔgɛnu ma ka tenbi wole la.