Emɔsi 1:12 - ALLALA KUMƐ

¹² Mari ko a si tɛ layigi Timan soe kuma ka Bɔsira soe anubɛ a tarɛ mintan wo warɛ nyɔ.” Amon Mɔgɛnu

Emɔsi 1:12 ပူးပေါင်းရင်းမြစ်များ

Ko-Dabirɛnu 36:33

Bela tenbira tumɛ min, Serala den Yobabu wo sigira a gbɛ rɔ. Wo sigira Bɔsira soe burɔ.

1 Ko-Kɔrɔta-Karan 1:44

Mansa Bela tenbira tumɛ min, Serahala den Yobabu wo sigira a gbɛ rɔ. Wo bɔra Bɔsira soe burɔ.

Aiseya 34:5

Mari ara ala faan sagan a lɛɛ rɔ san-kole rɔ. A ye nala Idɔm kundu bɔla, ado a ara kasarɛ wara-koe fɔ mɔgɛ kɛnu ye nun.

Aiseya 34:6

Anu kɛɛn anubɛ anu yele si don faan wo ma iko saraka-masɔlɛta saraka-boso-muri. Mari si sarakɛ kɛ bɔ Bɔsira soe burɔ, ado kɛ si ma kan-natɛgɛ-ba la Idɔm nyamanɛ rɔ.

Aiseya 63:1

Yon bi nala kɛ la ka bɔ Idɔm nyamanɛ rɔ? A bɔra Idɔm so-kunyɛ le la min tɔgɛ Bɔsira. A makirinɛ kura-wulen-hakikɛ la. A ye tagamana a sɛbɛ-kuna-wɛ la. A ye a fɔla ko Mari le ale la min bi tonyɛ gbonkanna. A ko wo lakisi-sɛnbɛ ye ale le bolo.

Yɛrɛmaya 49:13

Mari ara a keli ko mɔgɛ min ba Bɔsira soe tinya-nya yen, wo yisi si tinya bawo a ara ma wula-da-rakolɔn la. Anu si nyɔ-tɔgɛ rakele dankali-kɛ-tinɛ. Nyɔ-dafɛ-so-mɛsɛnu si to tonbonyɛ la tolon! Mari kan le kɛ la.

Yɛrɛmaya 49:20

Mari ko a ara koe min tabɛn Idɔm kɛnu kan ma, hali minnu siginɛ Timan soe burɔ, anu ni anu tole masɔ wo la. Hali anuna dannu, anu yogenu si wonu sagan dugi la. Bɛɛ kun ma si kɔ.

Yɛrɛmaya 49:22

Bɔsira kɛnu yogenu si yigi anu kuma iko kokɛ-kanban tafulennɛ tenbi yigila fii! Wulɔn tele, Idɔm kɛlɛ-dannu kun ma si kɔ iko musi buyi wa a lamaga.

Yɛrɛmaya 49:7

Mari Sɛnbɛ-Bɛɛ-Tigi ya kɛ le fɔ Idɔm kɛnuna ko rɔ ko hɛnkilima sa Idɔm kɛnu tɔ, wa? Anu hɛnkili-kɔlɛnuna hɛnkili ara toronde anu na, wa? Anuna ko-lɔn ara tunu anu bolo, wa?

Isikiyɛli 25:13

Woletɔ n bara a latɛgɛ ko fɔ n ba Idɔm kɛnu tɔrɔ ka mɔgɛ bɛɛ faga anubɛ anuna kolo-fannu. Ka a dabira Tɛma soe ma ha ka ta a sigi Didan soe la, n si nyamanɛ wo bɛɛ tinya pɔ, ado nyɔ-mɔgɛ bɛɛ kunyɛ si to kɛlɛ rɔ.

Hɔbadaya 1:1

Mari Sɛnbɛ-Bɛɛ-Tigi ya kumɛ kɛ le fɔ nde, Nɛbi Hɔbadaya ye Idɔm nyamanita-mɔgɛnu wara-koela ko la. Mari ya mɔgɛ do sɔ ka kuma sibolo-siyamɛnu ye, ado ma ara kumɛ wo lamɔɛn. A ko, “Wo ni wo rabɛn ka ta bui Idɔm mɔgɛnu ma.”

Habakuku 3:3

Ile Alla ye nala tun ka bɔ Idɔm nyamanɛ rɔ. Ile Alla min sɛnima, ile si na ka bɔ Paran kɔnkɔ nyamanɛ rɔ. Duninya anubɛ san-kole lafanɛ ile Allata kinyɛ la min si a ma, mɔgɛ bɛɛ ni i tanto dugu-kole bɛɛ kuma.