Emɔsi 1:11 - ALLALA KUMƐ

¹¹ “Mari ko wole Idɔm mɔgɛnu, wo ara hakɛ dan-natenbi, ado a si wo tɔrɔ, yɔ! Wo ara wola kɛlɛ-kɛ-mirannu bi ka wo na-kelen-nyɔgɔ Isirɛla mɔgɛnu manɛgɛn. Wo ma sɔn kinikinina anu ma mumɛ! Wola diminyɛ ma sɛgi kɔma.

Emɔsi 1:11 ပူးပေါင်းရင်းမြစ်များ

2 Ko-Kɔrɔta-Karan 20:10

“Kaka gbɛ, i ma a yen, Amonnuna kɛlɛ-dannu wo, Mohabununa kɛlɛ-dannu wo, anubɛ Idɔm nyamanita-mɔgɛnuna kɛlɛ-dannu wo, wonu bara wuli ma kɛlɛla. Wo le, ma benbanu bɔra Iyipiti tumɛ min, i ma sɔn anu ni tenbi mɔgɛ kɛnuta nyamanɛ rɔ. Wo le ya a to, anu tenbira anuna nyamanɛ kan-kɔma-kilɛ la alako anu kana anu kasara.

2 Ko-Kɔrɔta-Karan 20:11

Nba kaka, anu bara anu ya-lamunun ma la. Anu bara na ka ma gben mala nyamanɛ rɔ i ya min di ma benbanu ma.

Yaburi 137:7

E, Mari, Idɔm kɛnu ya min ma, Yerusalɛm birara tele min na, i fonde lamiri wo ma. Anu tora a fɔla ko, “Wo ni soe tii mɛmɛ ka anubɛ dugu-kole rakɛnya.”

Yaburi 85:5

I fondo-bɔnɛ si to ma kuma tɛban, wa? I fondo-bɔnɛ si to ma kuma ha ma kegeyɛnuta wati, wa?

Makawandili Kumɛnu 7:9

I yisi kana bɔ tiriya bawo kuntan le yisi lakala.

Aiseya 57:16

A ko a ti to wo kɛlɛla. A ti kɔrɔtɔ wo ma. Ni a tora wonu mala wo la, hadama-dan bɛɛ si firan dugu-kole ma. A ya sɔndɔmɛ min bɛɛ ladan, a ti wo bɛɛ lato dogbe!

Hoseya 8:3

wo ara wo kan-kɔ don ko-kinyɛ wo la. Ka a tɛgɛ wo sɔn wo ma, wo yogenu si wo sagaran tolon!

Yowɛli 3:19

Mari ko Iyipiti si ma wula-da-rakolɔn la. Idɔm si ma nyamani-kasaranɛ la. Wo ye mala bawo anu nara bui Yuda nyamanɛ ma ka mɔgɔ-magbalanɛnu faga nyɔ.

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Sakaraya 1:15

A ko a diminyanɛ sibolo-gbɛrɛnu ma minnu siginɛ yisi-kimɛ rɔ kaka. A ko a diminyanɛ anu ma bawo wo tumɛ wole, ala mɔgɛnuna koninteyɛ siginɛ a burɔ, anu bi wo yakɔrɔ-mamɔla kosɛbɛ!

Malakayi 1:2

Mari ya a fɔ ala mɔgɛnu ye ko ka a bi fɔlɔ ma ha kaka, anu di a ye. Kɔnɔ anu bi a fɔla ko anu si a lɔn kama ko anu di Mari ye? Mari ya anu yabi ko na-kelenmɛ le Yakoba anubɛ Isɔ la. A ko Yakoba anubɛ a kegeyɛ di a ye

Malakayi 1:4

Idɔm kɛnu, Isɔ kegeyɛ, kɔni, tumado wonu si a fɔ ko, “Hali mala soenu bara kasara, ma si anu sɔ-kura-kɛ tun.” Ni anu ya wo fɔ, Mari si a fɔ worɔ ko ni anu ya anu sɔ tun, a si na anu tii mɛmɛ! Mɔgɛnu si na nyamanɛ wo kele ko, “Karagbɛlɛya-nyamanɛ.” Anu si to a fɔla tun fanan ko, “Mari fonde bɔnɛ nyɔ-mɔgɛnu kan ma tolon!”

Ɛfɛsa 5:1

Woletɔ wo ni wo raya ka Alla sɔn bi bawo a diyana-dan le wole la.

Tɔn-Fɔɛ-Fila-Nyɔgɛ 23:7

“Idɔm mɔgɛnu sɔgɛ la kana bɔ wo la bawo wobɛ wonu kɛmɔgɔni-kelan-sɔrɛ le wonu na. Iyipiti mɔgɛnu fanan sɔgɛ la kana bɔ wo la bawo wo ara mɛ anu barɛ sundanyɛ la nun.