Aiseya 9:6 - ALLALA KUMƐ

⁶ Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Aiseya 9:6 ပူးပေါင်းရင်းမြစ်များ

2 Samuwɛli 7:13

Wo le ye n bato-bɔn sɔla. N si a ma, mansayɛ ti bɔ ala bɔn la mumɛ!

2 Samuwɛli 7:16

Tɔn ti sigi mamani-koe la, ado mansayɛ ti bɔ a kegeyɛnu bolo muk! Mansayɛ kɛ dan sa!”

1 Mansɛnu 10:9

Tantolɛ ni kɛ ita Mari Alla ma. Ile ara Alla hɛnɛ min kɛ, woletɔ ale ara ile ma mansɛ la Isirɛla mɔgɛnu kun na. Isirɛla mɔgɛnu keninɛ Mari bolo min kɛ tolon, woletɔ a ara ile ma mansɛ la anu kun na alako i ni tɔnnu mabalan ka kitinu tɛgɛ telenbagayɛ la.”

1 Mansɛnu 2:33

Woletɔ dunɛ wo si to sigila Yohabu anubɛ ala kebilɛ kuma habadan! Kɔnɔ Mansa Dawuda anubɛ ata kebilɛ minnu bi sigila a gbɛ rɔ, wonu si to yisi-kimɛ sɔrɔnna Mari bolo habadan!”

1 Mansɛnu 2:45

Kɔnɔ Alla si duwa nde, Silamɛni ye. Mari si to n fa Dawudala mansaya-bɔn lasabatila burubukai!”

Nihɛmaya 9:32

“E, mata Alla, i makawara. I makilannɛ ita sɛnbɛ la. Sarama-kan min kirinɛ ma tɛma, ile ara itɛ latɔnbagaya. Kebi Asiriya mansɛnu ya ma tɔrɛ min dabira, ha bi, ma ye tɔrɔya kelen wo le kun na. Mala mansa wo, mala kun-tigi wo, mala saraka-masɔla wo, mala nɛbi wo, ma benbanu wo, anubɛ mala mɔgɛ toenu wo, ma dama ye tɔrɔyɛ wo rɔ. I yandi, i miri mala tɔrɔyɛ yirika ma.

Yaburi 45:3

Ile mansa-sɛnbɛmɛ, ila faan dun i kawɛ la, ile mansa-makawanɛ min bi ko-makawanɛ kɛla, kɔni.

Yaburi 45:6

Alla ara mansayɛ min di i ma, wo si to i bolo burubukai! I si ila mɔgɛnu mara telenbagayɛ rɔ.

Yaburi 45:7

Ko-latelennɛ di i ye. Ko-radunɛ gbo i ye. Woletɔ ita Alla ara ile mansɛ yabɔ. A ara i lasewa mansɛ bɛɛ ko.

Yaburi 50:1

Mari Alla Sɛnbɛ-Bɛɛ-Tigi kumara. A ya duninya-mɔgɛ bɛɛ rakele ka bɔ tele-bɔɛ ha tele-yigi.

Yaburi 72:17

I ni a ma, mansɛ tɔgɛ kana tunu mumɛ! I ni a ma, a mankan ni to warala iko tele. Alamɛ sibole bɛɛ ya Alla madiya ko a ni ata duwɛ layigi anu kuma iko a ya duwɛ di mansɛ wo ma nya min. I ni a ma, anu ni to Alla matarala alako mansɛ wo sewanɛ ni to.

Yaburi 72:3

Alamɛ ala nyamanɛ sabatira. Alamɛ ala mɔgɛnu mara mɔgɔ-latelennɛnu na.

Yaburi 72:7

Alamɛ telenbagayɛ tora koloyala a siyi-tele-bɛɛ kɔrɔ. Fananta karɛ ye gbɛla, alamɛ ala mɔgɛnu tora ko-nyimɛ sɔrɔnna.

Yaburi 85:10

Keninteyɛ anubɛ lanayɛ si bɛn ka anu nyɔgɔn kɔndɔn. Telenbagayɛ anubɛ yisi-kimɛ si anu nyɔgɔn tamɔnsɔn diyanayɛ bolo.

Yaburi 89:5

E, Mari, hali fan min bɛɛ ye san-kole rɔ, anu si sigi sa ka a tɛgɛ ita kabana-koenu ma. Ita mɔgɔ-sɛnimɛnu si ila lanaya-sigi sa.

Aiseya 10:21

Isirɛla mɔgɛnu kolo-dande si anu kɔ-sɛgi anuta Alla Sɛnbɛ-Bɛɛ-Tigi ma.

Aiseya 11:5

A si ala mɔgɛnu mara lanayɛ anubɛ telenbagayɛ la.

Aiseya 16:5

Wo wati rɔ, Dawuda bɔnsɔn-mɔgɛ do si ma mansɛ la. A si ala mɔgɛnu mara keninteyɛ anubɛ lanayɛ la. A la si tiriya ko-latelennɛ ladanna. A si mɔgɛnu sɔ telenbagayɛ kilɛ rɔ.

Aiseya 26:12

Mari, i wara ma lama-a-la. Ma ara fan bɛɛ sɔrɔn i baraka le tɔ.

Aiseya 26:3

Mari biranɛ minnu bolo gben, ka a ma anu yigi la, a ye yisi-kima-bɛrɛbɛrɛ dila wonu ma.

Aiseya 28:29

Hɛnkili kɛ bɛɛ ye bɔla Mari Sɛnbɛ-Bɛɛ-Tigi le bolo. Ata miriya makawara. Hadama-den wo hadama-den ti ke ala kabana-koe lɔnna.

Aiseya 32:1

Wati do ye nala, mansɛ si taran min si mɔgɛnu namara telenbagayɛ rɔ. Ata mɔgɔ-banu si to ko-telennɛ mala.

Aiseya 37:32

Mɔgɛnu si to anu niyi la Yerusalɛm soe burɔ nyɔ kɔnkɛ kuma bawo Mari ara ban a latɛgɛla wo nya na le.”

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Aiseya 53:2

A luruba-lurubɛ Alla yala iko ki-fen-hakikɛ min suli ye dugu-gbalanɛ rɔ. Kɔnɔ hadama-dan yɛ-bɔ-kunya-wo-kunya sa a la. A yen-nya si a ma, a mafɛlɛn-sɔgɛ ti mɔgɛ bira.

Aiseya 53:5

Ala tanban bɛɛ tɛgɛra ma sɔn-yogomɛnu denu ma. Ma hakɛnu denu ya a ma, a ramɔsɔkɔn-mɔsɔkɔnta. A gbesira alako male ni yisi-kimɛ sɔrɔn. Ala bosa-gbɛ le ya a ma, ma ara kɛndɛyɛ sɔrɔn.

Aiseya 63:16

Ma fa le ile la. Iburayima ma a lɔn ni ala dan le male la. Yakoba fanan ma ma lɔn. Kɔnɔ ma fa le ile Mari nyɛrɛ la. Kebi hun, i tɔgɛ le, “Ma Kunkalɛ.”

Aiseya 66:12

Mari ko a si to yisi-kimɛ dila wo ma iko bɛ ye yigila nya min beyabeya! Duninya-nɔnfulinu si anu kun sa wo ma iko bɛ. Wo si to wo susunna iko den-pulan. Wo si to sigini Mari kɔnkɔn tɔ. Mari si to den-pulan wo radɔnna a tontɛ kuma.

Aiseya 7:14

Woletɔ Mari nyɛrɛ ko a si tamasere yira i la. Sunkurun-nasɔlɔnɛ si buyi bi ka den-kei sɔrɔn. Wo si a tɔgɔ sa Imanuwɛli.

Aiseya 8:18

Ale Mari ara dan minnu di n ma, mabɛ wonu bi yan. Mari Sɛnbɛ-Bɛɛ-Tigi min bi Yerusalɛm kɔnkɔ-sɛnimɛ kuma, wo le ya ma ma sarakani-sɛnimɛ la Isirɛla mɔgɛnu ye.

Yɛrɛmaya 31:22

Wole minnu bara wo kan-kɔ sɔ Mari la, wo si to dɛnkɛninyabɛlitayɛ kɛ rɔ ha tumɛ nyamintan? A manɛ iko Mari ara ko kurɛ do dabira. Wo makawara iko musi tenbi kei kumafunfanna.

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Daniyɛli 7:14

Habadan-Tigi-Alla wo ya sarati anubɛ gbiliyɛ anubɛ mansaya-sɛnbɛ di a ma alako duninya-sibole bɛɛ ni wɔli a ye. Ala saratiyi si to burubukai, ado ala mansayɛ ti ban mumɛ!

Hegayi 2:9

Wati ye nala, Bato-Bɔn kɛta gbiliyɛ si tenbi a fɔlɔtɛ la. A si a ma, wo ni sabati ka yisi-kimɛ sɔrɔn Bato-Bɔn kɛ la. Mari Sɛnbɛ-Bɛɛ-Tigi ya kɛ le fɔ.

Matiyu 1:1

Allata-Mɔgɔ-Yabɔnɛ, Yisa Kirasiti, kɔni, wo bɔra Dawuda anubɛ Iburayima bɔnsɔnnu tɔ. A bɔra bɔnsɔn min bɛɛ rɔ, wonu tɔgɛ sɛbɛnɛ yan tɔ.

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

Matiyu 11:27

“N Fa ara fan bɛɛ di n ma. Mɔgɔ-wo-mɔgɔ ma nde, Allala dan lɔn fɔ a Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.

Matiyu 28:18

Yisa nara sɔ anu tɛma. A ko, “Sɛnbɛ bɛɛ ara di n ma san-kole rɔ anubɛ dugu-kole kuma.

Luka 1:35

Melika ya a yabi ko, “Allata Ni-Sɛnimɛ si yigi i kuma. Allatalata sɛnbɛ si na i kuma iko ninɛ. Ka a tɛgɛ wo ma, anu si den-sɛnimɛ wo kele ko Allatalata den-kei.

Luka 2:11

Wo kisilɛ ara sɔrɔn suyi kɛ nyɛrɛ rɔ Mansa Dawuda halala-soe burɔ. Allata-Mɔgɔ-Yabɔnɛ le wo la, Mari, kɔni!

Luka 2:14

“Gbiliyɛ ni ke Alla ye san-kole rɔ pon! Minnu ya Alla hɛnɛ, yisi-kimɛ ni to wonu fɛ!”

Luka 21:15

bawo n si kumɛnu don wo da rɔ ka hɛnkili di wo ma. Wo si min fɔ, hali wo yogo kelen ti ke wo sɔsɔla ka wo nɔ.

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 1:16

A ara ata duwɛ layigi ma bɛɛ kuma ka bɔ ala hina-waranɛ rɔ ka duwɛ kumasa ma ye.

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Kɛwɔlɛnu 10:36

A ya kumɛ min nake Isirɛla mɔgɛnu ma ka yisi-kimɛ kibara-nyimɛ fɔ Yisa, Allata-Mɔgɔ-Yabɔnɛ baraka rɔ, wo ya wo lɔn. Bɛɛta Mari le wo la.

Kɛwɔlɛnu 20:28

Wo ni ma saga-fɛ-biralɛnu na ka Allata mɔgɛnu fɛ-bira. Wo ni wo yili to wo nyɛrɛ ko anubɛ wo kurɔn ko Allata Ni-Sɛnimɛ ara min bɛɛ don wo bolo, ado a ya wonu ma atɛ la ala danta sayɛ fɛ.

Romu 8:32

A ma a nyɛrɛta dan, Yisa yamasansan fɔ ka a bɔ sarakɛ la ma damala ko la. Ni a ara ala dan di ma ma, a ti fan bɛɛsi di ma ma fanan, wa?

Romu 9:5

Anu bɔra anu benbanu benba-tɔgɔlamɛnu denu tɔ, ado Allata-Mɔgɔ-Yabɔnɛ bɔra sibole kɛ le tɔ hadama-danta kilɛ fɛ. Alla min bi mansayɛ kɛla bɛɛ kuma, alamɛ wo ya tantolɛ sɔrɔn habadan, amina!

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

1 Kɔrɛnti 15:25

ado a fɛrɛ sa fɔ Kirasiti ni kun-tigiyɛ kɛ ha Alla ni a yoge bɛɛsi ladon a kin kɔrɔ.

2 Kɔrɛnti 5:19

Ma ye a fɔla mɔgɛnu ye ko Alla ara mɔgɛ bɛɛ ma a diyana-mɔgɛ la Kirasiti baraka rɔ. Alla ti a miri anu hakɛ ma tun. A ya anu ma a diyana-mɔgɛ la nya min, a ara wo kumɛ di ma ma ka wo lake mɔgɛnu ma.

Tɔn-Fɔɛ-Fila-Nyɔgɛ 10:17

Ale wota Mari Alla tenbira bɛsɛ mumɛ bɛɛ la. Ale tenbira kun-tiginu na. Alla-makawanɛ le ale la. Ata sɛnbɛ kolo. A bɛnta wo ni a gbiliya ka yɛrɛyɛrɛn a kɔrɔ. A ti lafisayalɛ kɛ. A ti sɔn gbundu-koe ma.

Kɔlɔsi 2:3

Kɔnɔ ka tenbi wo la, Allata hɛnkili anubɛ ala lɔnnɛ bɛɛ dogonnɛ ale Yisa rɔ.

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.

Taita 2:13

Ma tenbi tele-makawanɛ wo makɔnɔna, ma ni to Alla gbiliyala duninya kɛ rɔ, ado ma yigi sanɛ tele wo kuma ko ma kisilɛ Yisa Kirasiti si na bɔ gbɛ rɔ wulɔn, mata Alla gbiliyanɛ, kɔni.

Hiburunu 1:8

Kɔnɔ Alla ya kɛ le fɔ ala danla ko la. A ko, “Ile Alla, ila mansaya-waganɛ si to i bolo habadan! Ila telenbagayɛ si ma ila sɛnɛ-kɔlɔma la.

Hiburunu 13:20

Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.

Lankɛnimayɛ 19:16

Tɔgɛ kɛ sɛbɛnɛ ala duruku-yan anubɛ a wore ma ko, “Mansɛnuna Mansɛ anubɛ marinuna Mari.”

Kɛlɛ-Kurugbɛnu 13:18

Melika ya a manyinika, a ko, “N tɔgɛ-lɔn-sɔgɛ ye i la kama? N tɔgɔ nya ti yen wo bolo.”