Aiseya 9:17 - ALLALA KUMƐ

¹⁷ Woletɔ Mari ti sɔn kemini-mɛsɛ wo fenfen kunyɛ ni bɔ a rɔ muk! Hali kelennɛnu anubɛ kɛɛ-nyaganɛnu, a ti kinikini wonu ma bawo Alla-lɔnbɛlɛ anubɛ karagbɛlɛ le mɔgɛ damasi la. Anu darɔ-kan bɛɛ yogo. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Aiseya 9:17 ပူးပေါင်းရင်းမြစ်များ

Yobu 15:34

Alla-lɔnbɛlɛ wonu ti anu nyɔgɔn to anuta kebilɛ rɔ. Tɛ si kensuntela bɔn mintan bawo a ya bɔn wo sɔrɔn kensunteyɛ le la.

Yaburi 109:12

Alamɛ mɔgɔ-wo-mɔgɔ kana ko-nyima kɛ a ye. Alamɛ mɔgɔla ko kana taran ala kelennɛnu bara-ko rɔ.

Yaburi 147:10

Ale Mari kolan ti bɔ soeenu na minnu tagbɛlɛ. A mako sa kɛlɛ-kurugbɛnu na.

Aiseya 1:4

Wole Isirɛla mɔgɛnu, hakɛ-tigi anubɛ ko-yogoma-kɛlɛnu le wole la. Gbalo ye wo kuma. Wola hakɛ ye tala wo lasɛgila wo kɔma. Wo ara wo ban Mari la, Isirɛlata Alla-sɛnimɛ, kɔni. Wo ara wo kan-kɔ sɔ a la.

Aiseya 10:2

Wo kɛ-nya le wo la alako bolo-kolɔnnu kana na yo sɔrɔn, ado wo ye kɛɛ-musinu anubɛ kelennɛnu kankanna wo nya na le.

Aiseya 10:4

Wo kunyɛ si to kɛlɛ rɔ, ni wo ma, kɛlɛ si ta wo la pon! Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ wo tɔrɔ-koe la.

Aiseya 10:6

A ko a ara wo latugu Alla-lɔnbɛlɛ donu kan ma bawo anu bara a ladiminya. A ara wo lata bumalɛ anubɛ kankanyɛ anubɛ Yuda kɛnu tatɛntɛn tinɛ ka anu ma iko gbangban.

Aiseya 13:18

fɔ ka anu denu wara-koe ka-a-la kalabɛn la. Dennɛnuna hina sa donna anu tɔ mumɛ!

Aiseya 14:20

Anu ma i togon iko mansɛ doinu bara togon nya min bawo i ya ila nyamanɛ kasara ka ila nyamanita-mɔgɛnu faga. I sɔn ye ila denbayɛ bɛɛsi bolo ma. Wo fenfen ti to a niyi la.

Aiseya 24:5

Duninya la ara tinya bawo mɔgɛnu bara Allata tɔnnu tinya ka ata habadan-sarama-kan boloka.

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Aiseya 3:8

Ɔnde! Yerusalɛm tinya-koe ara to a ma. Yuda nyamanɛ fanan bi nala bui tinɛ le kɛ la. Anu ya ko-wo-ko fɔ, Mari tanama-koe le wo la. Anu ya ko-wo-ko ma, Mari gboyana-koe le wo la. Anu bi Alla rasɛla bɛɛ yala.

Aiseya 31:2

Mari wa kasarɛ lana tumɛ min, a ya a lɔn a ye min mala. Alla wa mɔgɔ-yogomɛnu anubɛ anu kumafunfannɛnu niyi-ragbɛrɛn-koe fɔ tuma-wo-tuma, a si a kan wo latɔnbagaya.

Aiseya 31:3

Hadama-dan le Iyipiti kɛnu na dɔrɔn. Alla ma anu na. Soee dɔrɔn de anuna soeenu na. Mari wa ata sɛnbɛ lawɔli, nyamani-sɛnbɛmɛnu si tii mɛmɛ! Nyamani-nɛ minnu dunnɛ nyamani-wɛnu na anu dɛnbɛn-koe la, wonu fanan si tii nya-kun-kelen tɔ.

Aiseya 33:11

Anu miriya bɛnnɛ min ma wo, anu bi min kun na wo, a ko fufafuyi le wonu na. A ko ata Sɛnbɛ mani de iko tɛ min bi anu halakila.

Aiseya 33:12

Mɔgɛnu si mintan, anu kolenu ni ma iko kore. Anu si mintan tiriya iko tiri-gbalɛ wa mintan ka ma bugurɛ la.

Aiseya 40:30

Hali fonikenu, wonu mankulannɛ si to. Kemini-posenu si to tɛgɛla anu kin kun na.

Aiseya 5:24

Nba kaka, wo ara wo suli min nayigi iko kɔlɔmatɛ, wonu si tuli. Wo fere minnu bi wo la, fɔnyɔ si wonu nayalan. Wo si ma iko binyɛ min sanɛ tɛ rɔ bawo wo ara wo ban Isirɛlata Alla Sɛnimɛ, Mari Sɛnbɛ-Bɛɛ-Tigita labilɛ la.

Aiseya 5:25

Mari fonde bɔnɛ wole, ata mɔgɛnu ma, ado a ara a kɔɛn kɔrɔbi wo tɔrɔ-koe la. Kɔnkɛnu si yɛrɛyɛrɛn. Minnu bi fagala, wonu furi-bolokanɛ si to belenna lu-kolenu ma iko yefe-gbalɛ. Kɔnɔ hali wo, wo ti a ma, Marita fondo-bɔɛ ni ban. A si wo tɔrɔ serr!

Aiseya 62:5

Iko keminɛ ye a wasila kɔɛn-kura-biyi la nya min, Mari ye a wasila wo biyi la wo nya na le. Iko kei ye sewala ala musu-kurɛ la nya min, ale Mari fanan bi sewala wo la wo nya na le.

Aiseya 65:19

Ale fanan si sewa Yerusalɛm na. A si sewa ala mɔgɛnu na. Mɔgɔ-wo-mɔgɔ ti yisi-magboyɛ anubɛ di-kɛ-kan lamɔɛn nyɔ rɔ tun.

Aiseya 9:12

Siriya minnu bi tele-bɔɛ wara la anubɛ Filisiti minnu bi tele-yigi wara la, wonu bara anu dɛ sa-a-ma fagba, Isirɛla mɔgɛnu dɔn-koe la. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Aiseya 9:21

Hali Manasa kegeyɛ anubɛ Ifɛrɛm kegeyɛ si anu nyɔgɔn kɛlɛ. Wati do wa ke, anu na si kofu ka Yuda kɛnu kɛlɛ. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Yɛrɛmaya 18:21

Nba, i ni a ma, anuna dannu ni faga kɔnkɛ bolo. I ni a ma, anu yogenu ni anu nɔ kɛlɛ rɔ. A ma, anuna musinu ni foo anuna dannu na. Anu ni ma kɛɛ-musinu na fanan. A ma, Yuda mɔgɛnu manyimanɛ ni faga. Anuna kemini-mɛsɛnu kunyɛ ni to kɛlɛ rɔ.

Yɛrɛmaya 5:1

Mari ko nde, Yɛrɛmaya ni to yigi-ni-yɛlɛ kɛla Yerusalɛm soe burɔ. N ni n ya-lakalan nyɔla foolɛ rɔ ka n miri a ma ka mɔgɛnu kundɛn-tinɛ bɛɛ mafɛlɛn. N ni a mafɛlɛn ni mɔgɔ-latelenni kelen bi anu tɔ. N ni mɔgɔ kelen nyini anu tɔ tonyɛ di min ye. Ni n ya wo mɔgɛ yen anu tɔ, Mari ko a si soe kɛ makoto.

Isikiyɛli 20:33

“Nde, wo Tigi Mari ya n keli n nyɛrɛ rɔ, n bi Isirɛla mɔgɛnu makawandila ko n si mansayɛ kɛ anu kuma yisi-bɔɛ anubɛ n sɛnbɛ bɛɛ la.

Emɔsi 4:10

Mari ko ale le ya tɔrɔyɛ sigi wo la iko a ya a ma Iyipiti kɛnu na nya min. Ale le ya a ma, wola den-keminɛnu fagara kɛlɛ rɔ. Wo yogenu tara wola soeenu na. A ya a ma, furinu tulun-sumɛ ya wo tɔrɔ wola dagɛnu tɔ. Hali wo, wo ma sɔn wo ya-lamununna Mari la mumɛ!

Emɔsi 8:13

Hali wola fonike minnu tagbɛlɛ, wonu si belenna buila kan-nagbalɛ bolo.

Maika 7:2

Hali mɔgɔ-den-kelen sa wole, Isirɛla mɔgɛnu tɛma min telennɛ Alla ye. Mɔgɛ bɛɛ kɔnkɔnnɛ a ta-nyɔgɛ faga-koe ma. Wo ye belenna gbɛrɛnu nasigila wo nyɔgɔn ye.

Sakaraya 9:17

Nyamanɛ wo si kinya ka diya dɔgɔma-ma-de! Wola dɔn-fannu anubɛ wola minni-fannu si wola fonikenu tagbɛlɛya.

Matiyu 12:34

Wo sɔn yogo iko duguma-fannu. Wo sɔn yogoyanɛ min kɛ, wo si ke kuma-nyimɛ fɔla kama? Ado nfan, mɔgɛ yisi fannɛ min na, a dɛ ye wo le fɔla.

Matiyu 16:3

Bandɛ wa ka, wo ye a fɔla ko bandɛ si na bawo wo ye san-kole a wulennɛ anubɛ a finni basannɛ yenna. Wo wa san mafɛlɛn, wo si ke a lɔnna tele si ma nya min kɔnɔ koe minnu bi mala kaka, wo ti ke wonu kɔrɛ faranfasila!