Aiseya 9:15 - ALLALA KUMƐ

¹⁵ Kina anubɛ mɔgɔ-ba minnu gbiliyanɛ anu bolo, anu kunyɛ le wonu na. Anu kɔɛ le nɛbi-foninya-fɔlɛnu na.

Aiseya 9:15 ပူးပေါင်းရင်းမြစ်များ

1 Mansɛnu 13:18

Nɛbi-kɛmɔgɛ wo ya a fɔ a ye ko, “Nɛbi le nde fanan na iko ile. Marita melika ya kɛ le fɔ n ye ko fɔ n ni na i bi kilɛ la. Ma ni ta fen-dɔn-kɛ ma nyɔgɔn fɛ ka ma min.” Kɔnɔ Nɛbi-kɛmɔgɛ wo ya foninyɛ le fɔ wo la.

Yobu 22:8

I ya nyamanɛ kɛ bi i sɛnbɛ anubɛ ila sɔ tinɛ la.

Aiseya 19:15

A fen-tigi wo, a bolo-kolɔn wo, a mɔgɔ-ba wo, a mɔgɔ-ni wo, wonu do-wo-do ti ke Iyipiti dɛnbɛna.

Aiseya 23:9

Mari Sɛnbɛ-Bɛɛ-Tigi le ya a rabɛn. A ya ko-rabɛn-kɛ alako ka tɔn sigi ila wasinteyɛ la anubɛ ka ila mɔgɔ-banu namiliya.

Aiseya 28:15

Wo ko wobɛ sayɛ ara sarama-kan kiri, ko wobɛ lakira ara sarama-kan kiri. Wole miri ko kasarɛ wa na wo kunyɛ si bɔ a rɔ. Wo lanɛ foninyɛ anubɛ yanfanteyɛ le la ko wonu si anu kankan wole ya ma.

Aiseya 28:17

A ko telenbagayɛ si ma bon kurukɛ tinɛ wo suman-fan la. Telan-nyɛrɛ si ma a dandan telen-fan la. Wo bole lakinɛ foninyɛ minnu ma, banda-belebele si yigi wo la pon! Wo lanɛ wola kanan-koe min na, gboron-gboronna-yi si ta wo makuru-kurunna.

Aiseya 28:7

A nɛbi wo, a saraka-masɔla wo, wo bɛɛ ye tonko-tankanna gbɛɛ-minyɛ bolo. Anu bara baan-su bɛɛ min ha anu bi tola anu nyɛrɛ mabondanna. Alla ye ko-rayirɛ minnu nanala, anu ti ke wonu nya-yenna gbɛɛ bolo. Saraka-masɔlɛnu ti ke kiti tɛgɛla yalafinyɛ bolo.

Aiseya 29:10

Mari ara a ma, ile Yerusalɛm ara kinɔgɔ fogbo! Nɛbi minnu bi i yayɛ la, Mari ara wonu yɛ lakiri.

Aiseya 3:12

Kemini-mɛsɛnu bi nna mɔgɛnu tɔrɔla. Musinu bi kun-tigiyɛ kɛla anu kuma. Anuna mɔgɔ-banu bi anu bolo labirala, ado anu ma a lɔn anu si anu ya-lamunun kun-tigi minnu na.

Aiseya 3:5

Mɔgɛnu si to anu nyɔgɔn niyi ragbɛrɛnna. Kemini-mɛsɛnu si yo kinanu ma. Kuntannu si yo mɔgɔ-gbiliyanɛnu ma.

Aiseya 43:27

Ma benba-fɔlɔfɔlɛnu ya hakɛ kɛ. A ko mala kun-tiginu murutiyara a ma fanan.

Aiseya 5:13

woletɔ fɔ wo yogenu ba wo bira ka ta wo la. Wola kun-tiginu si faga kɔnkɛ bolo. A mɔgɛ toenu si faga kan-nagbalɛ bolo.

Aiseya 59:3

Wo ara mɔgɛnu faga wo bole la. Wo bole pagasɛ mɔgɔ-yele la. Wo dɛ lamunnɛ foninyɛ la. Karagbɛlɛya-kumɛnu bi wo nagan-sungban la.

Aiseya 59:4

Wo wa ta kiti-bɔn la hali min yo, wo si yiliki sɔrɔn. Tonya-fɔla fenfen sa kiti-bɔn la. Wo ye karamɛ layɛlɛla wo nyɔgɔn ma. Wo ye nanparan ratɛgɛla donu kan ma ka ko-yogomɛ dan-natenbi.

Yɛrɛmaya 23:32

Mari ko wo ni wo tole masɔ a la. Nɛbi minnu bi kiyo-rakaran la, wonu burɛ lafanɛ foninyɛ le la. Mari ko a ye wonu kɛlɛla le. Anu bi kiyo-rakaran la alako ka wole, ata mɔgɛnu kunyɛ bɔ ale, Marita kilɛ ma. Fenfen ma wo la fɔ nyɛrɛ-matɔgɛ anubɛ foninyɛ. A ko ale ma anu sɔ mumɛ! A ko anu tɔnɔ-wo-tɔnɔ sa wole, Marita mɔgɛnu ma hali! Ale Mari kan le kɛ la.

Yɛrɛmaya 23:9

Nde, Yɛrɛmaya yisi ara tinya ka a tɛgɛ nɛbinu bara-koe rɔ. N fɛrɛ bɛɛ ye a dɔnna n ma. N bara ma iko gbɛɛtoe. N bara ma iko mɔgɛ min bara a to gbɛɛ ma. Mari anubɛ ata kuma-sɛnimɛ le ye n mala ka.

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Nimisa Koe 2:14

Ila nɛbinu sa fenfen fɔla i ye fɔ foninyɛ gbansan! Anu ma sɔn ila mɔgɛnu hakɛ yirala anu na min si a ma nun, anu kana ta biralɛ rɔ. Ka wo sɔn wo hakɛ la, anu bi a mala wo bɔrɔbɔnɛ wo ye.

Isikiyɛli 13:19

Anu bi n nafɛyala nna mɔgɛnu yala buyi bolo-nya kelen anubɛ biredi-kundunɛnuna ko la. A ma bɛn minnu ni faga, anu bi wonu fagala. A bɛnnɛ minnu ni faga, anu bi wonu tola anu niyi la. Nta mɔgɛnu si anu tole masɔ foninyɛ la. Anu bi ko-sufa kɛ sigila wonu denu ma.

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Hoseya 9:8

Alla ara n sɔ nɛbiyɛ la ka wole, Isirɛla mɔgɛnu makawandi. Kɔnɔ n tara kan-bo-kan, n bira-sɔgɛ ye wo la iko kona. Hali Mari Bato-Bɔn la, nɛbinu yoge le wole la.

Emɔsi 2:4

“Mari ko wole Yuda nyamanita-mɔgɛnu, wole ara hakɛ dan-natenbi, ado a si wo tɔrɔ, yɔ! Mari ko wo ara ale nyɛrɛta karan lɔn fufafuyi la ka tɛgɛ a rɔ. Wo ye bɛsɛnu kɔla iko wo benbanu ya a ma nya min.

Maika 3:5

“Nɛbi donu bi nyɔ minnu bi Allata mɔgɛnu yanfala. Minnu bi wonu sarala, anu bi yisi-kima-koe fɔla wonu ye. Minnu sa anu sarala, anu bi kɛlɛ-koe fɔla wonu ye wɔlɔyiya-kumɛ rɔ. Mari ye a fɔla mɔgɔ-mayuwaya-nɛbi wonu ye ko

Malakayi 2:9

Mari ko wo si a ma, wo sɔgɛ la ni bɔ Isirɛla mɔgɛnu na bawo wo sa a sako kɛla. Min sanɛ wo kuma, a ko wo tenbi ala mɔgɛnu karanna, wo sa anu bira-bole rakɛnyana. Wo ye lafisayalɛ kɛla.

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Matiyu 7:15

“Wo ni a ma wo fɛrɛma foninya-nɛbinuna ko la. Anu si a fɔ ko anu bi kumala Alla ye kɔnɔ anu foni. Anu kungban-kungban ye nala wo wara iko sagɛnu kɔnɔ anu sɔn mani de iko suluku-kɔnkɔtoe.

1 Yɔni 4:1

N diyana-mɔgɛnu, mɔgɛ min ko Allata Ni-Sɛnimɛ ye a bolo, wo kana la wo bɛɛ la fɔ ka a kɔrɔbɔ. Wo ni wo ma alako niyi min bi a bolo, wo ni a lɔn ni wo bɔnɛ Alla le bolo. Wo ni wo ma bawo foninya-nɛbi-siyaman bara wuli kan bɛɛ rɔ.

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.

1 Samuwɛli 9:6

Wɔli-kɛlɛ wo ya a fɔ ko, “A makɔnɔ fɔlɔn. Nɛbi do ye yan mɔgɛnu bi min gbiliyala bawo a ya kuma-wo-kuma fɔ, wo si bɔ-a-la. Ma ta wo wara. Tumado ale si sofɛlɛ wonu tina yira ma la.”