Aiseya 8:7 - ALLALA KUMƐ

^7-8 a ko ale Mari si Asiriya mansɛ anubɛ ala kɛlɛ-dannu nana Yuda nyamanita-mɔgɛnu kan ma. A ko wole Yuda kɛnu si to kɛlɛ tɛma Yuda nyamanɛ rɔ iko Yufereti bɛ wa yanba gbesi ha ka ke mɔgɔ kanban-kunyɛ ma. Hali wo, Alla ya a kɔɛn lafulen Yuda nyamanɛ kuma ka nyamanɛ wo bɛɛ to a kanban kɔrɔ bawo ale Alla ye ma fɛ.

Aiseya 8:7 ပူးပေါင်းရင်းမြစ်များ

Ko-Dabirɛnu 6:17

Alla ya a fɔ tun ko, “Nde, Alla si yi keri duninya kun na alako n si nima-fan bɛɛsi halaki nya min ka anu firan dugu-kole kuma. Nima-fan min bɛɛsi ye dugu-kole kuma, wo bɛɛ si faga.

2 Mansɛnu 19:32

Nɛbi Aiseya ya a fɔ Mansa Hɛsakaya ye tun ko, “Mari ara kɛ le fɔ Asiriya mansɛ wara-koe rɔ ko a ti a kunyɛ ladon soe kɛ burɔ hali ka kalabɛn-kelen-bɛrɛn nakɛ soe kɛ burɔ yan, wo ti ma tun! Hali ala kɛlɛ-dannu ti gbɛrɛn soe kɛ ma tun! Hali ka bɔnkɛ ladɛn tarɛ fɛ, anu si yɛlɛ min ma, wo ti ma anu bolo muk!

Yaburi 46:4

Mɔgɛnu bi Alla batola soe min tɔ, bɛ do ye nyɔ, wo ye nala sewala mɔgɛnu na nyɔ rɔ. Alla Min Bi Fan Bɛɛ Kun Na, wo mayiginɛ ata bon-sɛnimɛ la.

Yaburi 72:8

Ala mansayɛ si a bi kɔgɔ-yi-tonke doi ma ha ka ta ke kɔgɔ-yi-tonke doi la. A si a bi Yufereti bɛ ma ha ka ta ke duninya-dan ma.

Aiseya 10:16

Ma Tigi, Mari Sɛnbɛ-Bɛɛ-Tigi ko kɛlɛ-den bu lafanɛ minnu bi nyɔ, a si kiraya-fitinɛ lana wonu ma alako wonu si bara wao! A ko anu fɛrɛ-kaliyanɛ si to kodokodo, iko tɛ wa sigi fen na.

Aiseya 10:5

Mari ko wole Asiriya kɛnu! A ko a fonde bɔnɛ mɔgɛ minnu kan ma, a si wole bi ka wo ma gbelekɛ la anu kɛlɛ tinɛ.

Aiseya 11:15

Mari si a ma, Kɔgɔ-Yi-Wulen bolɔn doi ni gbala todo! A si fɔn-kalamɛ lana min si Yufereti bɛ gbala todo! Fɔ yi-ni wɔrɔnfila, wonu denu dɔrɔn bi tola anu worɔn la. Mɔgɛ si a kian latenbi anu kuma.

Aiseya 28:15

Wo ko wobɛ sayɛ ara sarama-kan kiri, ko wobɛ lakira ara sarama-kan kiri. Wole miri ko kasarɛ wa na wo kunyɛ si bɔ a rɔ. Wo lanɛ foninyɛ anubɛ yanfanteyɛ le la ko wonu si anu kankan wole ya ma.

Aiseya 28:17

A ko telenbagayɛ si ma bon kurukɛ tinɛ wo suman-fan la. Telan-nyɛrɛ si ma a dandan telen-fan la. Wo bole lakinɛ foninyɛ minnu ma, banda-belebele si yigi wo la pon! Wo lanɛ wola kanan-koe min na, gboron-gboronna-yi si ta wo makuru-kurunna.

Aiseya 28:2

Mari ara ban sibole do yisi-kɔrɔ tugula anu kɛlɛ-koe la. Wonu si na anu magbenna iko fɔn-belebele-wɛ, ado wonu si nyamanɛ mumɛ makɔ iko gboron-gboronna-yi.

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Aiseya 59:19

Wo si a ma, tele-yigi warala-mɔgɛnu ni kilan Mari la. Tele-bɔɛ-warala-mɔgɛnu ni a gbiliya. Mari si na tiriya iko bɛ fanɛ ye yigila a burila nya min, ado Mari karata fɔnyɔ le ye a mala, bɛ ye yigila fanka la wo nya na.

Aiseya 7:17

“Mari ko a si nyankankantan min nana ile mansɛ anubɛ ila mɔgɛnu kuma, wo da-rakolo, ado kebi Yuda nyamanɛ anubɛ Isirɛla nyamanɛ farata, wo nyɔgɔn tɔrɔyɛ ma na wɛ nyamanɛ kɛ kuma. Mari ko hali Asiriya mansɛ, a si wonubɛ ala kɛlɛ-dannu natugu wo ma.

Aiseya 7:20

“Wo wati wa ke, Mari ko a si Asiriya mansɛ masan ko wo ni na ka bɔ Yufereti bɛ kɔgɔma pon! A si na nyamanɛ sɛninya iko kun-siilɛ si kunyɛ gbana nya min anubɛ buyɛ anubɛ nyarasiyi.

Yɛrɛmaya 47:2

A ko n ni n yɛ lata kɛlɛ-dannu tɔkɔkɛ ma nala ka bɔ kantɔ-wara la iko gboron-gboronna-yi ye tugula a rɔ nya min. Mɔgɔ ti ke dugi yenna kɛlɛ-dan wonuna siyayɛ bolo. Soenubɛ mɔgɛnu si to anuna sɛnbɛ kɔrɔ. Mɔgɛnu si anu dɛ sa-a-rɔ dɛnbɛn-koe la. Anu dama si di biribiri!

Yɛrɛmaya 51:42

Kɔgɔ-yi si tugu nyɔ kuma ka a yamatogon.

Isikiyɛli 26:19

“Nde, wo Tigi Mari si ale Taya soe lakolonya iko tonbɔn. N si kɔgɔ-yi-dumɛ bi ka a yamatogon wo la.

Daniyɛli 11:10

“Siriya mansɛ wola dannu si anu tabɛn kɛlɛ-kɛ-koe la. Anu si kɛlɛ-den-siyaman nadɛn ka ta anu natosokɔrɔ ha anu si ke Iyipiti kɛnuna so-latankanɛ ma.

Daniyɛli 11:22

Ni min ya a rasɛ hali a mara Allata saraka-masɔla-kun-tigi-wɛ la, a si a tɔrɔndɔ iko gboron-gboronna yi si yanba-kun-gbalɛ tɔrɔndɔ nya min.

Daniyɛli 9:26

Wo wati wa tenbi, anu si Allata-Mɔgɔ-Yabɔnɛ faga hali a ma ko tinya. Kun-tigi-sɛnbɛmɛ do si ala kɛlɛ-dannu nata ka ta Yerusalɛm anubɛ Alla Bato-Bɔn tinya pɔ! Wola ban si na iko gboron-gboronna-yi. Kɛlɛ anubɛ kasarɛ si ma anutɛ la burubukai iko Alla ya a fɔ nya min.

Emɔsi 8:8

A ko a si dugi layɛrɛyɛrɛn wo la ha wo ni kilan. Dugi wo si yɛlɛ wo la ka yigi iko Nayɛli bɛ si fa nya min ka sagan.

Emɔsi 9:5

Ma Tigi Mari Sɛnbɛ-Bɛɛ-Tigi wa a kɔɛn tugu dugi la, a ra si maga. Nyɔ-sigilɛnu si di biribiri, ado dugu-kole mumɛ si yigi-ni-yɛlɛ kɛ iko Nayɛli bɛ si yɛlɛ ka sagan nya min.

Maika 1:9

Samariya si na tinya feu, ado mɔgɔ ti ke a ladanna tun. Yuda nyamanɛ fanan si tinya wo nya na le, hali anuna Yerusalɛm so-karantan fanan.”

Maika 5:4

A si ata mɔgɛ kɛnu fɛ-bira iko saga-fɛ-biralɛ si ala sagɛnu fɛ-bira nya min. Mari nyɛrɛ si wo fanka-makawanɛ anubɛ gbiliyɛ di a ma ka wonu fɛ-bira. Ata mɔgɛ kɛnu si sigi lafɛrɛ rɔ ka taran anu diya bawo duninya-mɔgɛ bɛɛ si a lɔn ko mansa-makawanɛ le ale la.

Maika 5:5

Ata mansayɛ si yisi-kimɛ lana Isirɛla mɔgɛnu tɛma. Asiriya kɛnu ba na bui mala nyamanɛ kɛ ma tumɛ min ka mala soenu tarɛ-dɛ keri, ma si mala kɛlɛ-kurugbɛnu nata anu kɛlɛ tinɛ.

Nehami 1:8

A si tugu a yogenu kan ma ka anu nato dogbe iko yi wa tugu a rɔ wuu! Mɔgɛ min ba a rasɛ, a si wonu natosokɔrɔ lakira.

Luka 6:48

Wo tigi mani de iko mɔgɛ min tenbi bɔn sɔla, a si denkɛ sin ka a layigi pon ha ka ke kuri ma alako bon-kurukɛ ni sigi farɛ kuma. Bɛ wa fa ka wara, a si tugu wo tigila bɔn burɔ kɔnɔ a la ti maga bawo ala bɔn sɔnɛ farɛ le kuma.

Lankɛnimayɛ 17:15

Melika ya kɛ fɔ n ye fanan. A ko, “I ya musu-yɛlan wo siginɛ yen bɛ minnu dafɛ, mɔgɔ-su bɛɛ le bɛ wonu na anubɛ sibolenu anubɛ nyama iko anuna kan faranɛ nya min.