Aiseya 8:18 - ALLALA KUMƐ

¹⁸ Ale Mari ara dan minnu di n ma, mabɛ wonu bi yan. Mari Sɛnbɛ-Bɛɛ-Tigi min bi Yerusalɛm kɔnkɔ-sɛnimɛ kuma, wo le ya ma ma sarakani-sɛnimɛ la Isirɛla mɔgɛnu ye.

Aiseya 8:18 ပူးပေါင်းရင်းမြစ်များ

Ko-Dabirɛnu 33:5

Isɔ ya a yɛ lata a dɔgɛ kɔma kilɛ la ka musu-nyama anubɛ den-siyamɛ kɛnu mafɛlɛn, a ko, “Yakoba, yonna mɔgɛ ye kɛ damasi la?” Yakoba ko, “Alla le ya ko-nyimɛ kɛ n ye ka dan kɛ dama di nde, ila wɔli-kɛlɛ ma.”

1 Ko-Kɔrɔta-Karan 23:25

Mansa Dawuda ya a fɔ ko, “Isirɛla mɔgɛnuta Mari Alla ara yisi-kimɛ di ala mɔgɛnu ma. Alla nyɛrɛ si to sigini Yerusalɛm burubukai!

Yaburi 22:30

Ma kegeyɛnu si ala wɔlɛ kɛ. Wonu si ma tigi wara-koe fɔ anuta dannu ye.

Yaburi 71:7

N kɛ-nya manɛ misalɛ la mɔgɛnu ye bawo i wara ma n natanka-tina-gbɛlɛmɛ la.

Yaburi 9:11

Mata Mari min bi mansayɛ kɛla Yerusalɛm ata kɔnkɔ-sɛnimɛ kuma, ma ni a tanto-bɛtinu bɔ. A ara koe minnu ma, ma ni wo fɔ sibole bɛɛ ye duninya rɔ.

Yaburi 9:12

Alla fonde ye mɔgɔ-tɔrɔnɛnu ko. A si a wɔlɔ matɔlɔ anu di-kɛ-kan la ka wonu tɔrɔ minnu bi ata mɔgɔ-tɔrɔnɛnu yakɔrɔ-mamɔla.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 14:32

Ma si Filisitinuna kilayɛ yabi kama? Ma si anu yabi ko Mari ara ban Yerusalɛm kian banbanna. Ata mɔgɔ-tɔrɔnɛ si sigi lafɛrɛ rɔ nyɔ.

Aiseya 20:3

Anu ban Asadadi soe birala, Mari ya a fɔ ko nde, ata wɔli-kɛla Aiseya ye tagamana n kin-takolɔn anubɛ n gbu-makolɔn san sawa kɔrɔ. Mari ko min bi nala mala Iyipiti anubɛ Sudan ye, wo tamasere le kɛ la.

Aiseya 24:23

Karɛ si miliya, tele si a yɛ dogon ka a tɛgɛ Mari Sɛnbɛ-Bɛɛ-Tigita gbiliyɛla ko la. A si a mayigi Yerusalɛm kɔnkɔ-sɛnimɛ kuma ka duninya mara. Kun-tiginu si ata gbiliyɛ yen anu yɛ la.

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Aiseya 7:16

yanni wo wati ni ke, mansa filɛ minnu bi i rakilanna, wonuta nyamanɛ ta ara kolonya filili!

Aiseya 7:3

Mari ya a fɔ nde, Aiseya ye ko mabɛ nna den Seyari-Yasubu ni ta Mansa Ehasi taran. Yi min nadɛnnɛ kɔnkɛ kun tɛma, wo worɔn ye yigila ha kura-ku-tinɛ wo dafɛ. A ko ma si mansɛ taran kilɛ la nyɔ.

Aiseya 8:3

A ma mɛ, nna musi ya buyi bi. Den-kei wo sɔrɔn nna musi bolo, Mari ko n ni a tɔgɔ sa “Kankan anubɛ Bumalɛ Si Na Tiriya!”

Yɛrɛmaya 44:29

Mari ko a ye nala wo kasarala nya min, a si wo tamasere yira wo la, a ko fɔ a wa wo tɔrɔ yan serr!

Isikiyɛli 12:6

I ni ila dunɛ wo dun i kɛɛ la ka ta suyi rɔ pinpi rɔ. I ni i yɛ lakiri alako i kana na i kin-kɔrɛ yen. I ye min dama mala, tamasere le wo la Isirɛla mɔgɛnu ye.”

Isikiyɛli 14:8

N si taran wo tigi kan ma. N si a ma misalɛ la mɔgɛnu yala. N si a wurun nta mɔgɛnu tɛma. Wo ye a lɔnna wo le ma ko nde le Mari la.

Isikiyɛli 4:3

I ni nɛgɛ-walan do sɔ wobɛ so-ladannɛ wo tɛma sansanyɛ la. Soe wo min nadannɛ bulɔku wo ma i bolo, i ni i ya-lamunun wo la. Soe wo si taran de kɛlɛ kɔrɔ, ado a si ma iko ile le ye soe wo kɛlɛ tinɛ. I bolo gbɛ kɛnu si ma tamasere la Isirɛla mɔgɛnu ye.

Sakaraya 3:8

Ile Yasowa min bi saraka-masɔla-kun-tigi-wayɛ la anubɛ i ta-nyɔgɔ-saraka-masɔlɛnu, wo ni wo tole masɔ. Ko-nyimɛ min bi nala mala yarɔ, wole le wo tamasere la. N si nta Mansa-yabɔnɛ lawuli worɔ, nta wɔli-kɛlɛ, kɔni.

Sakaraya 8:3

A ko a si a ya-lamunun Yerusalɛm soe la ka ta a mayigi ata so-sɛnimɛ wo rɔ tun. A ko mɔgɛnu si to soe wo kelela ko Soe Min Telennɛ a ye. A ko anu si Mari Sɛnbɛ-Bɛɛ-Tigita kɔnkɛ kele ko Kɔnkɔ-Sɛnimɛ.

Luka 2:18

Min bɛɛ ya saga-fɛ-biralɛnu dantɛgɛ-kan lamɔɛn, wonu kawara wo ma.

Luka 2:34

Simiyɔn duwara anu ye ka a fɔ a na Mariyama ye ko, “Alla ara dennɛ kɛ yabɔ ka a ma tamasere la min si a ma, Isirɛla mɔgɔ siyaman si bui. Kɔnɔ a si ma kisi-koe la fanan mɔgɔ siyaman ye. Isirɛla mɔgɔ siyaman si anu ban a la.

Tɔn-Fɔɛ-Fila-Nyɔgɛ 28:46

Tɔrɔyɛ wo si ma Allata-kiti-misalɛ la wo kegeyɛnu ye burubukai!

Hiburunu 10:33

Wati donu tɔ, wo ya lafɛyalɛ sɔrɔn gbɛ rɔ. Wati donu tɔ, anu ya wo bira boloko-yogomɛ-kɛ. Minnu tɔrɔta wo fɛ wulɔn, wo sɔnta ka sɔ wonu fɛ.

Hiburunu 12:22

Kɔnɔ wole ara ke Sayɔn kɔnkɛ min ma, Mansa Dawudata kɔnkɛ le wo la anubɛ Alla-nimɛta soe, Yerusalɛm min bi Arinyɛni tɔ, kɔni. Allata melika waga siyamɛ minnu nadɛnnɛ nyɔ, sewɛ ye wonu yisi rɔ.