Aiseya 8:16 - ALLALA KUMƐ

¹⁶ Nna karan-dannu, Mari ya sarakanɛ minnu don n bolo, wo ni kumɛ wonu namara kan tinɛ do rɔ yanba ti yalan anu ma kan min.

Aiseya 8:16 ပူးပေါင်းရင်းမြစ်များ

2 Mansɛnu 11:12

Saraka-Masɔla Yɛhoyada sɔra Yohasi yarɔ, anu bɔra Bato-Bɔn la mɔgɛ bɛɛ yala. Yɛhoyada ya mansaya-fulɛ sigi Yohasi salɛ la. Mansaya-tɔn minnu namaranɛ, a ya wonu don a karɛ tɔ. A ya dantɛgɛ-tuli kɛ a salɛ rɔ ka a ma mansɛ la. Mɔgɛnu ya lɛnkɛ gbesi. Anu ya a lasɔnkɔ, anu ko, “Alamɛ mala mansɛ mɛra ma kuma!”

Yaburi 25:14

Ile Mari diyana-mɔgɛ le tɔn-biralɛnu na. I ye ita sarama-kan yirala anu na.

Aiseya 50:4

Ma Tigi Mari ya n karan kuma-bole ma alako n ni mɔgɔ-rafaganɛnu tagbɛlɛya. A si n nakunden sɔgɔma-wo-sɔgɔma. A si n karan ka n tole masɔ a la iko karan-dan.

Aiseya 54:13

A ko ale Mari nyɛrɛ si ila mɔgɛnu karan ka yisi-kimɛ di anu ma.

Aiseya 8:20

Wole ni mɔgɛ wonu yabi ko, “Mari ye min fɔla ma ye, ma tole masɔnɛ wo le la.” Wo kana wo tole masɔ yi-kɔrɔ-fɛlɛnnɛ wonu kan la bawo wonu bi min fɔla wo ye, wo ti ko-wo-ko nyinya wo ma.

Daniyɛli 12:4

Melika kelan wo ya a fɔ n ye tun ko, “Daniyɛli, i ni buku kɛ dɛ gbalɔn ha duninyala-ban-wati. Kɛ-wati-mumɛ bɛɛ rɔ, mɔgɛnu si to yigi-ni-yɛlɛla hɛnkili-sɔrɔn-koe rɔ.”

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Matiyu 13:11

Yisa ya anu yabi ko, “Alla min bi Arinyɛni tɔ, ata mansayɛ gbundu-ko-hɛnkilimayɛ dira wole ma kɔnɔ a ma di wonu denu ma.

Maraka 10:10

Karan-dannu sɛgira bɔn la tumɛ min, anu ya Yisa manyinika koe wo ma.

Maraka 4:34

A ya kawandili min bɛɛ bɔ anu ye, a ya tili le tɛgɛ wo bɛɛ bɔ tinɛ. Kɔnɔ anubɛ ala karan-dannu bi anu dan na tumɛ min, a si wo bɛɛ faranfasi anu ye.

1 Kɔrɛnti 2:14

Kɔnɔ ata Ni-Sɛnimɛ sa mɔgɛ minnu bolo, wonu ti ke karan wonu sɔrɔnna bawo tonyɛ wo dinɛ wonu ma ale bolo, ado a ti ke wonu nya-yenna lefan! Yuwaya-koe le wonu na ale yala bawo tonyɛ wonu na si kɔrɔsi Allala Ni-Sɛnimɛ baraka rɔ.

Tɔn-Fɔɛ-Fila-Nyɔgɛ 4:45

anu bɔɛ Iyipiti nyamanɛ rɔ. A ye a karanna anu ye tumɛ min, wo ya a taran, anu bi Yorodan bɛ dafɛ Bɛti-Piyɔri soe da kɔrɔ. Dugi kan tinɛ wo ye Amora Mansa Saihɔn le bolo nun. Wo siginɛ Hɛsibɔn soe burɔ nun.

Hiburunu 3:5

Nɛbi Musa le wɔli-kɛlɛ wo la min wɔlita Allata mɔgɛnu tɛma a kilɛ fɛ. Alla ye nala min fɔla ma ye yarɔ, ale Musa mara wo misalɛ la.

Lankɛnimayɛ 10:4

Anu banta kumala nya min wo, n bi a fɛ nun ka sɛbɛli kɛ. Kɔnɔ n ya kuman-kan lamɔɛn bɔla Arinyɛni tɔ. A ko, “San-sɛrɛn wɔrɔnfilɛ ya min fɔ, i kana wo sɛbɛ bɛ min na. Gbundu-koe le wo la. A mara fɔlɔn!”

Lankɛnimayɛ 19:10

N ya n sa melika kɔrɔ a bato-koe la kɔnɔ a ya a fɔ n ye ko, “I kana wo ma! Wobɛ i na-kelen-nyɔgɛnu wɔli-kɛ-nyɔgɛ le nde la. Yisa ya tonyɛ min nabɔ gbɛ rɔ, anu bi wo birala. I si Alla le dɔrɔn bato!” A ya wo fɔ bawo Yisa ye tonyɛ min nabɔla gbɛ rɔ, wo le ye nɛbinu sɔla wɔlɔyiyɛ la.

Lankɛnimayɛ 2:17

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si Allata biredi dogonnɛ do di wonu ma. N si kuru-gbɛ fanan di anu kelen-kelennamɛ-bɛɛ ma, tɔgɔ-kurɛ sɛbɛnɛ minnu ma, kɔni, ado mɔgɔ-wo-mɔgɔ ma tɔgɛ wo lɔn fɔ min bi a sɔrɔnna.’

Lankɛnimayɛ 5:1

Ale min mayiginɛ mansaya-sigi-fan wo rɔ, n ya gbolo-lamininɛ yen a bolo-nyimɛ rɔ. A tɔnkɔn filɛ bɛɛ masɛbɛnɛ. A dɛ gbalɔnnɛ li-kɛɛn la dinkira wɔrɔnfilɛ.

Lankɛnimayɛ 5:5

Nba, kɛmɔgɔ kelen ya a fɔ n ye ko, “I kana di! I yɛ lata! Yarɛ min bɔnɛ Yuda bɔnsɔn rɔ, Dawuda bɔnsɔn malɔnnɛ, kɔni, wo ara nɔ-koe sɔrɔn a yogenu ma. Wo si ke li-kɛɛn wɔrɔnfilɛ wonu bɔla gbolo-lamininɛ wo ma ka a lafulen.”