Aiseya 8:14 - ALLALA KUMƐ

¹⁴ Ka a tɛgɛ ata sɛninya-makawanɛ ma, a ko ale si ma kuri la, mɔgɛnu si anu kian latugu min na. A ko a si ma gbɛrɛ fanan na min si Yuda anubɛ Isirɛla anubɛ Yerusalɛm kɛnu bira.

Aiseya 8:14 ပူးပေါင်းရင်းမြစ်များ

Yaburi 11:6

Mari si tɛ anubɛ munku-gbɛ layigi karagbɛlɛnu kuma. A si anu tɔrɔ fɔn-kalamɛ la.

Yaburi 140:5

Wasintenu bara gbɛrɛ lasigi n ye. Anu bara sogo-bira-yalɛ rafulen n yarɔ. Kan-birɛ lasiginɛ n ye anu bolo.

Yaburi 69:22

Anu tenbi fen dɔn kun na ladiyɛ rɔ, alamɛ ladiyɛ mara anu tabunden-fan la. Anu tenbi saraka-bɔɛ la, alamɛ wo mara anu bui-kunya la.

Hɛnkilimaya-Kumɛnu 18:10

Mari le mɔgɔ niyi lakisilɛ la iko so-latankanɛ, telenbagɛnu si anu buri ka ta anu dogon kan min.

Aiseya 25:4

Bolo-kolɔnnu anubɛ fugarɛnu dimatoe ara na i wara anu dɛnbɛn-koe rɔ. Anu bi tɔrɔyɛ rɔ tumɛ min, i ya anu kumafunfan. Fɔn-digidigi-wɛ nanɛ, i mara anu ye bɔn la. Ala kunayɛ tele bolo anu kuma, i mara anu ye ninɛ la. Karagbɛlɛnu taranta anu kan ma iko banda tenbi gbesila dandan la.

Aiseya 26:20

E, nta mɔgɛnu, wo don wola bɔnnu na ka don-dɛ balan wo nyɛrɛ ma wati-kundu-ni kɔrɔ. Wo ni wo dogon sogbe, ha Allata fondo-bɔɛ ni ban.

Aiseya 28:16

Kɔnɔ Mari ye min fɔla wo ye, wo ni wo tole masɔ wo la. A ko a ye nala bɔn min sɔla ata kɔnkɔ-sɛnimɛ kuma, a si bɔn wo kurukɛ fanka rɔ. A ko a ye kuru fɔlɔtɛ min sigila, a kuru-toe bɛɛ ye sigila sɛbɛna-kuru-tɔnɔnamɛ wo le kuma, ado min bɛɛ lanɛ kuru fɔlɔtɛ kɛ la, a ko wonu yigi ti tɛgɛ muk!

Aiseya 4:6

Ata gbiliyɛ si ma ninɛ la soe ye ka a tɛgɛ telela ko ma. Nyɔ si ma kan-tina-latankanɛ la. Gbɔrɔndɛ anubɛ fɔnyɔ ti ke nyɔ ma.

Aiseya 59:10

Ma manɛ iko fiyɔn minnu bi anu bole mɛmɛla dandan ma. Ma ye kilɛ nyinina iko mɔgɛ min ya sa. Ma ye ma kian latugula tele tɛma iko surɔ-tagamanɛ. Ma manɛ kolo-gbɛlɛnu tɛma iko furi.

Aiseya 7:16

yanni wo wati ni ke, mansa filɛ minnu bi i rakilanna, wonuta nyamanɛ ta ara kolonya filili!

Yɛrɛmaya 6:21

Woletɔ Mari ya a fɔ ko a ye fan donu sala kilɛ la mɔgɛnu si anu kian latugu minnu na. Dan anubɛ a fa si anu kian latugu wonu na. Wo sigi-nyɔgɛnu anubɛ wo diyana-mɔgɛnu si kasara pɔ!

Isikiyɛli 11:16

“Ta nde, Marita kumɛ fɔ i na-kelen-nyɔgɔ mɔgɔ-biranɛ wonu ye. A fɔ anu ye ko nde le ya anu tanyɛnsɛn ka anu nata wula-yannu na sibolo-gbɛrɛnu tɛma. A fɔ anu ye ko hali anu bi kan-tinɛ minnu tɔ wo la, n bi anu fɛ nyɔnu tɔ, ado anu si n bato nyɔnu tɔ.

Isikiyɛli 3:20

“Mɔgɔ-telennɛ wa don ko-yogoma-kɛ rɔ, n si gbɛrɛ lasigi a ye, a ni faga. Ni i ma wo tigi makawandi, a si faga a sɔn-yogomɛ wola ko la. N ti n miri a sɔn-nyimɛ wo ma tun muk, ado n si i bira wo yili la.

Matiyu 13:57

Woletɔ a bɔrɔbɔnɛ anu bolo. Anu ma sɔn dɛnkɛninyala a ma. Nba, Yisa ya a fɔ anu ye ko, “Nɛbi si gbiliyɛ sɔrɔn kan tinɛ bɛɛ fɔ a sɔrɔn-soe burɔ anubɛ ala mɔgɛnu bolo.”

Matiyu 21:44

Min ba bui kuri kɛ kuma, wo kolenu ta si kerikeri, ado ni kuri kɛ buira min ma fanan, a si wo ramɔsɔkɔn.”]

Luka 2:34

Simiyɔn duwara anu ye ka a fɔ a na Mariyama ye ko, “Alla ara dennɛ kɛ yabɔ ka a ma tamasere la min si a ma, Isirɛla mɔgɔ siyaman si bui. Kɔnɔ a si ma kisi-koe la fanan mɔgɔ siyaman ye. Isirɛla mɔgɔ siyaman si anu ban a la.

Luka 21:35

A si duninya-mɔgɛ bɛɛ latɛrɛna iko gbɛrɛ si soge latɛrɛna nya min.

Romu 11:35

Yon si a fɔ ko a ara fen di Mari ma, a ni wo tigila yili sara?”

Yasowa 10:7

Yasowa anubɛ ala kɛlɛ-dannu wulita tiriya ka bɔ Kiligali ka ta anu bara.

1 Pita 2:8

A sɛbɛnɛ Allala kitabu kan tinɛ do rɔ ko, “Mɔgɔ kin-natugu-kuri le kɛ la. Kuri kɛ si mɔgɛnu nabui.” Anu ya anu kian latugu bawo anu ma la Allala kumɛ la, ado Alla sako le wo la anu ye nun.