Aiseya 8:13 - ALLALA KUMƐ

¹³ A ko n ni n hɛnkili to ale Mari Sɛnbɛ-Bɛɛ-Tigita sɛninyɛ ko. A ko a bɛnta, n ni kilan ale le dɔrɔn na.

Aiseya 8:13 ပူးပေါင်းရင်းမြစ်များ

Ko-Dabirɛnu 31:53

Alamɛ i benba Iburayima anubɛ n fa Nehorinuta Alla anubɛ wonu fanan fata Alla ya kiti tɛgɛ mabɛ ile tɛma.” Yakoba ya a keli a berin ye a fa Isiyakata Alla yala.

Yaburi 76:7

Bɛɛ kilannɛ ile Mari la. Mɔgɔ-wo-mɔgɔ ti a sɔ i fonde bɔnɛ yarɔ.

Bɔ-Koe-Iyipiti 20:20

Musa ya a fɔ mɔgɛnu ye ko, “Wo kana kilan. Alla ara na ka wola dɛnkɛninyɛ kɔrɔbɔ. Alla ye a fɛ, wo ni a gbiliya alako wo kana kilɛ boloka ka hakɛ kɛ.”

Aiseya 29:23

A wa ban dan latasakarala wo ma tumɛ min, a ko wo si a lɔn wo le ma ko ale le Isirɛlata Mari Alla-sɛnimɛ la. A ko wo si a gbiliya ka kawa a ma.

Aiseya 5:16

Kɔnɔ Mari Sɛnbɛ-Bɛɛ-Tigi ye ko-latelennɛ mala min kɛ, wo ye ata kabana-koe mayirala mɔgɛnu ye. A si ata sɛninyɛ mayira mɔgɛnu kiti tinɛ anu hakɛla ko la.

Isikiyɛli 38:16

A ko ale Mansa Kɔgi si bui Isirɛla mɔgɛnu ma ka tonkore sɔ anu na iko banda-fin-fɔnyɔ wa tonkore sɔ soe la. San-siyaman ba tenbi, a wati-bɛrɛ wa ke, ale Mari si Mansa Kɔgi sɔ ko a ni ata nyamanɛ kɛlɛ. Wo wa ma tumɛ min, wo si a yira sibolenu na ale Mari ye nya min. A ko a si ata sɛninyɛ yira sibolenu na ka a tɛgɛ a ye min mala ale Mansa Kɔgi la.

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Saraka-Masɔlɛnuta Tɔnnu 22:32

Mɔgɔ kana Mari tɔgɔ lafɛya. Mari ko Isirɛla mɔgɛ mumɛ bɛɛsi ni a lɔn ko ale sɛnima. Ale le wota Mari Alla la min si wo sɛninya.

Malakayi 2:5

Alla ya a fɔ ko a sarata wo ye niyi anubɛ kɛndɛyɛ lafɛrɛ wara-koe rɔ, ado a ara wonu di wo ma alako wo ni a gbiliya. A ko fɔlɔ nun, wo kilanta a la ka a gbiliya.

Yilan-Yilan Koe 27:14

bawo wole mɔgɔ filɛ ya n kuman-kan tinya wo tumɛ wo ye Sini wulɛ rɔ. Mɔgɔ damasi ya gbunya-kumɛ fɔ n ma Sɔnkɔ-Sɔnkɔ Tenke dafɛ. Wo ma sɔn ka nta gbiliyɛ anubɛ nta fanka yira mɔgɛnu na.” (Sɔnkɔ-Sɔnkɔ Tenke kɛ le Sini wulɛ rɔ Kɛdɛsi soe dala.)

Matiyu 10:28

Minnu si ke fɛrɛ-bɔnkɛ fagala kɔnɔ a ti ke niyi fagala, wo kana kilan wonu na. Wo ni kilan Alla la bawo wo si ke niyi anubɛ fɛrɛ-bɔnkɛ le kɛla nyahanama rɔ nya-kun-kelen.

Luka 12:5

Wo ni kilan min na, n si wo yira wo la. Wo ni kilan Allatala la bawo sɛnbɛ ye a bolo ka wo niyi bi, wo kɔma, a ni wo lakɛ nyahanama rɔ. Ɔnde, n bi tonyɛ le fɔla wo ye, wo ni kilan wo la!

Romu 4:20

A ma ala dɛnkɛninyɛ boloka. Ka a tɛgɛ lanyiri wo ma, a ma sika Alla rɔ. Ala dɛnkɛninyɛ ya a sɛnbɛ kuma sa, woletɔ a ya Alla tanto,

Tɔn-Fɔɛ-Fila-Nyɔgɛ 14:23

Mari ya kan-tina-kelan min yabɔ wo ye wo si a bato kan min, wo tenbi tala nyɔ rɔ, wo ni ta wola fui-fannu na anubɛ wola nako-fannu anubɛ wola kolo-fannu den fɔlɔtɛnu na ka ta wonu ma yaka la nyɔ. Wo tenbi nyɔ rɔ gbɛ, wobɛ Lifayi bɔnsɔn-mɔgɛnu si wola yaka wo dɔn Marita kan-tina-yabɔnɛ wo rɔ. Wo si to kɛ le mala ka Alla gbiliya tuma-wo-tuma.

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

1 Samuwɛli 11:7

A ya sara-ninki fila bi ka wonu tatɛgɛtɛgɛ. A ya ninki-sogo-kundi wonu bi ka wonu don kilayɛnu bolo ka anu nata anu na-kelen-nyɔgɛnu ma Isirɛla nyamanɛ wo kan tinɛ bɛɛ rɔ. A ya kumɛ sa sogo-kundi wonu kuma ko, “Ni mɔgɛ min ma ta nde, Mansa Sɔli anubɛ Samuwɛli fɛ, ma si wo tigita sara-ninki ratɛgɛtɛgɛ iko sara-ninki kɛ ratɛgɛtɛgɛnɛ nya min.” Anu ya anu kundɛn kan-tina-kelen bawo anu kilannɛ Mari la.