Aiseya 7:18 - ALLALA KUMƐ

¹⁸ “Wo wati wa ke, Mari ko a si Iyipiti kɛnu kele fuli rɔ ko anu ni na ka bɔ Iyipiti iko sisɛnu minnu bi nala ka bɔ Nayɛli bɛ bolon-laban la pon! Asiriya kɛnu fanan si na ka bɔ anuta nyamanɛ rɔ iko li-kolenu.

Aiseya 7:18 ပူးပေါင်းရင်းမြစ်များ

Yaburi 105:31

Alla kumara nya min wo, yɔlɛ anubɛ muruntu-mɛrɛntɛnu tugura nyamanɛ wo mumɛ kun na.

Yaburi 118:12

Anu bi finya-finyala n ma iko li-kolenu, kɔnɔ anu wara-koe kara-a-la tiriya iko tɛ tenbi fira-gbalɛ la. N ya anu halaki Marita sɛnbɛ la.

Bɔ-Koe-Iyipiti 8:21

Mari ya a fɔ tun ko, “Ni a ma sɔn nna mɔgɛnu boloka-koe ma, n si yɔlɛnu nana ale mansɛ kan ma anubɛ ala mɔgɔ-banu anubɛ ala nyamanita-mɔgɛnu. Yɔlɛ wonu si tagbaya anu ma ka anuna bɔnnu nafa. Anu si siyaya ka dugi kumafin.

Bɔ-Koe-Iyipiti 8:24

Wo banda kɛ, Mari ya a ma wo nya le. Yɔlɔ-yogomɛnu donta mansɛ anubɛ ala mɔgɔ-banuna bɔnnu na. Iyipiti nyamanɛ bɛɛ tinyanta yɔlɛ wonu bolo.

Aiseya 13:5

Anu bi bɔla nyamani-yan le tɔ pon! Mari si na nyamanɛ wo fi-koro-tiyi-kɛ ka a daga-koro-tiyi-kɛ ata fondo-bɔɛ la.

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Aiseya 5:26

Mari ye a kɔɛn kerila wula-yanna-sibolo-gbɛrɛnu ye alako wonu ni na. A ye anu kelela fululi rɔ alako anu ni na ka bɔ duninya-tonko-nanɛ bɛɛ rɔ, ado wo ma anu yen nala tiriya?

Aiseya 7:17

“Mari ko a si nyankankantan min nana ile mansɛ anubɛ ila mɔgɛnu kuma, wo da-rakolo, ado kebi Yuda nyamanɛ anubɛ Isirɛla nyamanɛ farata, wo nyɔgɔn tɔrɔyɛ ma na wɛ nyamanɛ kɛ kuma. Mari ko hali Asiriya mansɛ, a si wonubɛ ala kɛlɛ-dannu natugu wo ma.

Sakaraya 10:8

Mari ko a si ala mɔgɛnu kele ka anu kundɛn kan-tina-kelen. A ko a si anu kunyɛ bɔ gbaran rɔ ka anu nasiyaya iko fɔlɔ.

Tɔn-Fɔɛ-Fila-Nyɔgɛ 1:44

Woletɔ wo ya Amora mɔgɛ minnu taran nyɔ, wonu fitafitara wo ma iko li-kolenu ka ta wo gbenna ha ka ta ke Kasara soe ma min bi Idɔm nyamanɛ wo rɔ kɔnkɛnu siya kan min.

Tɔn-Fɔɛ-Fila-Nyɔgɛ 28:49

“Mari si a ma, sibolo-gbɛrɛkɛ-mɔgɛnu si na wo tɛma ka bɔ wula-yan la pon, wo ti minnu kuman-kan lamɔɛn hali! Wonu si na kɛ wo ma iko bibinu.

Tɔn-Fɔɛ-Fila-Nyɔgɛ 7:20

Hali min ya anu buri wo kɔrɔ ka ta anu dogon, Mari si a ma, anu ni faga kumakɔɛ bolo.

Yasowa 24:12

A ya a ma, anu kumakɔra ka Amora mansa filɛ wonu gben anuna nyamanɛ rɔ. Wole ma wonu gben wota kɛlɛ-kɛ-fannu na.