Aiseya 66:5 - ALLALA KUMƐ

⁵ Wole min bi Marita kumɛ birala, wo ni wo tole masɔ a kan la. A ko wo gboyara wo na-kelen-nyɔgɛnu ye. Anu wulita wo kan ma bawo wo bilanɛ ale Mari fɛ. Anu bi wo rasɛ-kumɛnu fɔla ko, “Nba, alamɛ ata fanka ya wo lakisi, woletɔ ma si to wo sewanɛ yenna.” Kɔnɔ Mari ko fɔ mɔgɔ-mayɛlɛnnɛ kɛnu ba tɔrɔ le serr!

Aiseya 66:5 ပူးပေါင်းရင်းမြစ်များ

1 Mansɛnu 21:29

“I wara a yen Mansa Ehabu ye a famayigila n ye nya min? Ka a tɛgɛ ala famayigi wo ma, n ti kasarɛ wo lana anubɛ ala denbayɛnu kuma a siyi-tele-bɛɛ kɔrɔ. Fɔ ala danta wati rɔ, n ni na to kasarɛ lanala anu kuma.”

2 Mansɛnu 22:10

Wo kɔma, a ya a fɔ mansɛ ye tun ko, “I ma buku do yen Saraka-Masɔla-Kun-Tigi-Wɛ Helikaya ya min don n bolo?” A donta buku wo karan rɔ mansɛ ye.

2 Ko-Kɔrɔta-Karan 34:27

A tubira ka a nyɛrɛ famayigi ale Mari ye. A donta diyi-kɛ rɔ ka ala fulɛ fili dugu ma bawo a ara a yen, Mari ye nala Yerusalɛm kɛnu tɔrɔyala nya min. Kɔnɔ Mari ko a ara ale mansɛla matarali-kan lamɔɛn.

Ɛsira 9:4

N tora sigini nyɔ ha wurala-saraka-bɔ-wati. Mɔgɛnu nara anu kinki n na, katarala minnu bara kilan ka a tɛgɛ Alla ara min fɔ mɔgɔ-birani-kɔrɛ wonuna hakɛla ko rɔ.

Yaburi 119:120

N fɛrɛ ye a burila n ma bawo n bi kilanna i la. N kumakɔnɛ kilan bolo ka a tɛgɛ ila kitila ko ma.

Yaburi 38:20

Minnu bi ko-nyimɛ sarala ko-yoge la, wonu bi n kan ma bawo n bi n tayala ko-latelennɛ kɛ tinɛ.

Hɛnkilimaya-Kumɛnu 13:13

Ni mɔgɛ tɛgɛra kawandili-nyimɛ rɔ, wo si a ma, a ni bui kɔnɔ min bi lala kawandili-kan la, a ye ko-nyinyala wo le ma.

Keninteya-Siginu 1:6

I yɛ kana tɛgɛ n tɔ bawo n bara fin. Tele le wara n fɛrɛ fin n ma. N kɔrɔ-keinu denu diminyara n ma ka n ma anuna sɛni-tawɔlilɛ la. N ma n nyɛrɛ fɛ-bira-kunya sɔrɔn.

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Aiseya 5:19

Wo ye a fɔla ko, “Ni Mari ye min mala, a ni a tiriya wo mala, woletɔ ma si a yen. Isirɛlata Alla-sɛnimɛ ni ala miriya lawɔli alako ma ni a miriya lɔn.”

Aiseya 60:15

Lunyɛ do, i sɔgɔ labɔra anu na. Anu ya i rakolonya. Hali ka tenbi i rɔ, mɔgɔ ma a ma. Kɔnɔ a ko ka a bi bi ma, i mankan ma si to yɛlɛla. I si ma sewa tinɛ la tolon!

Aiseya 65:13

Woletɔ Mari Alla ya a fɔ ko Ata wɔli-kɛlɛnu si to anu buyi lafala kɔnɔ kɔnkɛ si to wole karagbɛlɛnu forongbanna. Ata wɔli-kɛlɛnu si to yi minna kɔnɔ wole karagbɛlɛnu sɔn ma si to gbalala yi-ko-sɔgɛ bolo. Ata wɔli-kɛlɛnu si to sewala tolon! Kɔnɔ miliyɛ ti bɔ karagbɛlɛnu kuma.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Yɛrɛmaya 36:16

A ban wo karanna, mɔgɔ-ba wonu miran bɔra anu ma. Anu ya a fɔ Baruki ye ko, “Fɔ ma wa kɛ rakaran mansɛ ye.”

Hoseya 11:10

“N ba nyɛɛ wo yogenu ma iko yarɛ min bi wɔrɔndɔla, wo si bila n fɛ. Wo si wo buri nala ka bɔ tele-yigi wara la.

Matiyu 10:22

Wo si gboya mɔgɛ bɛɛ ye ndela ko la kɔnɔ ni min si a munyu ha a laban, wo tigi si kisi.

Luka 13:17

Yisala yabilɛ kɛ ya a yoge bɛɛ lamiliya. Kɔnɔ a ara kabana-koe minnu bɛɛ ma, nyama bɛɛ sewara wonuna ko la.

Yɔni 16:2

Wo yogenu si wo gben anuna dina-bɔnnu na, ado wo wati si na, wo fagalɛnu si anu miri ko anu bi Allala wɔli le kɛ tinɛ.

Yɔni 9:34

Anu ya a yabi ko, “Ile sɔrɔnta hakɛ rɔ. I makolota hakɛ rɔ. A sɔgɛ ye i la i ni male karan, ba?” Anu ya a gben dina-bɔn la.

2 Tɛsalonaika 1:12

Ma Mari Yisa tɔgɛ si gbiliyɛ sɔrɔn wo bolo worɔ. Wole fanan si a sɔrɔn mata Alla anubɛ Mari Yisa, Allata-Mɔgɔ-Yabɔnɛta hinɛ baraka rɔ.

Taita 2:13

Ma tenbi tele-makawanɛ wo makɔnɔna, ma ni to Alla gbiliyala duninya kɛ rɔ, ado ma yigi sanɛ tele wo kuma ko ma kisilɛ Yisa Kirasiti si na bɔ gbɛ rɔ wulɔn, mata Alla gbiliyanɛ, kɔni.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

1 Yɔni 3:13

Woletɔ n na-kelen-nyɔgɛnu, ni wo gboyara Alla-lɔnbɛlɛnu ye, wo kana kawa.