Aiseya 66:22 - ALLALA KUMƐ

²² Wola dannu anubɛ wole tɔgɛ mankan si to iko san-kolo-kurɛ anubɛ dugu-kolo-kurɛ si to nya min.

Aiseya 66:22 ပူးပေါင်းရင်းမြစ်များ

Aiseya 48:19

Wo mamanɛnu si siyaya nun iko ba-kɛnkɛn. A ti sɔn wo halaki-koe ma nun.

Aiseya 51:16

Ale le ya san-kole rafulen ka dugu-kole kurukɛ. Ale le ya a fɔ Yerusalɛm kɛnu ye ko ata mɔgɛ le anu na. A ko a ara ala karan don anu bolo ka anu kumafunfan a kɔɛn la.

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Aiseya 56:5

a si a ma, a tɔgɛ ti tunu Bato-Bɔn la. Gbiliyɛ wo fisa a ye dan ko. A si tɔgɛ di a ma min ti bɔ mɔgɛnu burɔ muk!

Aiseya 59:21

Mari ko anubɛ ata mɔgɛnu bi nala sarama-kan min kirila anu nyɔgɔn tɛma, wo le kɛ la. A ko ata kumɛ anubɛ ata Sɛnbɛ ti bɔ anu fɛ. A ko a si to anu denu, anubɛ anuna dannu, anubɛ anu kebilɛnu fɛ burubukai!

Aiseya 61:8

Mari ko telenbagayɛ di a ye. A ko kankanyɛ anubɛ bumalɛ gbo a ye. A ko a si ko-telennɛ ladan ka barayi di ala mɔgɛnu ma. Anubɛ ala mɔgɛnu si sarama-kan kiri min ti bɔ a ma mumɛ!

Aiseya 61:9

A ko wola dannu si ma mɔgɔ-malɔnnɛ la duninya bɛɛ rɔ. Wo mamanɛnu fanan ma si lɔn kan tinɛ bɛɛ rɔ. Mɔgɔ-wo-mɔgɔ ya anu yen, wo si a lɔn yati, ko Allata duwɛ ye anu fɛ.

Aiseya 65:17

Mari ko a si san-kolo-kurɛ anubɛ dugu-kolo-kurɛ dan. A ko mɔgɛ ti a miri a kɔrɔmɛnu ma tun. Anu yili ti to anu ko tun.

Aiseya 65:22

Ka a fɔ ko do ni ta a sigi a bɔla bon-nagbalanɛ kɔrɔ, wo ti ma. Do ti ki-fan ki, do ni ta a tɔnɛ dɔn. Mari ko ala mɔgɛnu si mɛ iko tili. Ata mɔgɔ-yabɔnɛnu si to anu diya nyɔ.

Aiseya 65:23

Mɔgɛnuna wɔlɛ ti to anu ma tun fu! Anuna dannu ti to tɛgɛla a ma tun. Marita mɔgɛ bɛɛ si to duwɛ kɔrɔ. Marita mɔgɛnu anubɛ anuta dannu si to duwɛ sɔrɔnna.

Yɛrɛmaya 33:20

ale Mari ya suyi anubɛ tele-bɔɛ dan ko anu dama ni to nala anu wati rɔ. Nba, iko mɔgɔni-fin ti wonu mayɛlɛma nya min, mani

Yɛrɛmaya 33:21

anubɛ ala wɔli-kɛla, Dawuda ya sarama-kan min kiri anu nyɔgɔn tɛma, mansayɛ ti bɔ mansaya-bɔn la mumɛ! Lifayi bɔnsɔnnu si to mala saraka-masɔlɛnu na a ye tolon, ado sarama-kan wonu ti tinya ni!

Sɛfanaya 3:20

A ko wo wati ma fɛ-yan tun. Wola mɔgɛ min bɛɛsi ra ara nyɛnsɛn nun, a ko a si wo damasi kundɛn anu barɛ tun. A ko a si a ma, wo mankan ni ta wuu! A ko a si a ma, wo wara-koe ni ta yarɔ tun! Mari kan le kɛ la de!

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

2 Pita 3:13

Kɔnɔ Alla ara lanyiri kiri san-kolo-kurɛ anubɛ dugu-kolo-kurɛla ko la, telenbagayɛ si sigi kan min, ado male ye wo le makɔnɔna.

Lankɛnimayɛ 21:1

Wo kɔma, n ya san-kolo-kurɛ yen anubɛ dugu-kolo-kurɛ. San-kolo fɔlɔtɛ anubɛ dugu-kolo fɔlɔtɛ, wonu bara tenbi ka tunu yen, ado kɔgɔ-yi fanan sa nyɔ tun.