Aiseya 66:18 - ALLALA KUMƐ

¹⁸ Mari ko a ya anu miriya-yoge anubɛ anu kɛ-nya-yoge lɔn. Woletɔ a ko a ye nala anu tɔrɔla. A si kan-siyamɛ-mɔgɛnu nadɛn kan-tina-kelen ala gbiliyɛ yen-koe la.

Aiseya 66:18 ပူးပေါင်းရင်းမြစ်များ

Yaburi 139:2

N bi ko-wo-ko ladanna, i ye wo kalama. Hali i fɛ-yan n na pon, i ya n miriyɛ bɛɛ lɔn.

Yaburi 67:2

Woletɔ duninya-mɔgɛ bɛɛ si i kɛ-nya lɔn. Anu si a lɔn ko kisi-ko-sɛnbɛ ye i bolo.

Yaburi 72:11

Mansɛ bɛɛ si anu madu a kɔrɔ. Sibole bɛɛ si wɔlɛ kɛ a ye.

Yaburi 72:17

I ni a ma, mansɛ tɔgɛ kana tunu mumɛ! I ni a ma, a mankan ni to warala iko tele. Alamɛ sibole bɛɛ ya Alla madiya ko a ni ata duwɛ layigi anu kuma iko a ya duwɛ di mansɛ wo ma nya min. I ni a ma, anu ni to Alla matarala alako mansɛ wo sewanɛ ni to.

Yaburi 82:8

E, Alla, na duninya kiti tɛgɛ. Ile letan sibole bɛɛ la.

Yaburi 86:9

I ya sibole min bɛɛ labɔ duninya rɔ, wonu dama si na anu madu i kɔrɔ. Anu si i tɔgɔ-makawanɛ gbiliya.

Yaburi 94:11

Ale Mari ya hadama-den-miriya lɔn. A ya a lɔn ko fenfen sa anu miriya rɔ fɔ ko-fuyi.

Yaburi 97:6

San-kole fanan bi ala telenbagaya-koe fɔla. Sibole bɛɛ ye ata gbiliyɛ yenna.

Aiseya 11:9

Kɛnu fenfen ti ko ma anu nyɔgɔn na. Anu ti anu nyɔgɔn kasara Yerusalɛm kɔnkɔ-sɛnimɛ ma. Iko kɔgɔ-yi siya nya min, nyamanita-mɔgɛnu hɛnkili ye siyayala wo nya na le.

Aiseya 2:2

“Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɛ bɛɛsi la mɔgɛ bɛɛ yala. Sibolo-gbɛrɛ bɛɛ si na ke nyɔ.

Aiseya 37:28

“Mari ko a ya Sɛnakaribu wara-koe bɛɛ lɔn, ado a ko a ya a don-woe anubɛ a bɔ-woe lɔn. Mari ko a ya a lɔn Sɛnakaribu ye diminyala a ma nya min.

Aiseya 40:5

Wo bɛɛ wa ka-a-la, Marita gbiliyɛ ni na to bɔla gbɛ rɔ, ado hadama-dan bɛɛ si kɛ rayen. Mari nyɛrɛ-nyɛrɛ le wara kɛ fɔ.”

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 55:8

Mari ko wo miriya anubɛ ale miriya kelen ma anu na. Wo kɛ-nya anubɛ aletɛ, kelen ma anu na.

Aiseya 56:8

Ma Tigi Mari min ya wole Isirɛla mɔgɛnu kunyɛ bɔ birɛ rɔ, wo ko a si ala mɔgɔ-kundɛnnɛnu makofu tun.

Aiseya 57:12

A ko wo miri ko wo ye min kun na, wo kin kɔnɔ a ko a si wo kɛ-nya labɔ gbɛ rɔ, ado wola bɛsɛnu ti ke wo kunyɛ bɔla wo rɔ mumɛ!

Aiseya 59:7

Anu si anu buri tala ko-yogoma-kɛ-tinɛ tiriya! Anu natiri hakɛbɔnɛnu fagala. Anu miri bɛnnɛ ma fenfen ma fɔ wunduyogoyɛ. Anu ya anu kun telen kan-bo-kan na, fenfen ti taran nyɔ fɔ kasarɛ anubɛ halakiyi.

Aiseya 65:2

A ko telen-gbɛn, a kɔɛn rasiginɛ mɔgɔ-murutiyanɛ wonu ye. Minnu bi sɛgila a ma, a rabɛnnɛ wonu tabira-koe la. Kɔnɔ anu kɛ-nya manɛ nya min, wo ma kin. Min ba diya anu ye, anu bi wo le mala.

Aiseya 66:10

Ile Yerusalɛm, i ni sewa. Nyɔ di wole min ye, wo ni nyagalen. Wole min donu yisi-magboyanɛ Yerusalɛm wara-koe la nun, wo ni sewa ala ko la gbɛ!

Yɛrɛmaya 16:17

Wo ye min bɛɛ kun na tɛrr, Mari ko a kolan bɛnnɛ a ma. Wo ti ke ko-wo-ko dogonna a ma. Wo hakɛ sanɛ gbɛ le ma.

Yɛrɛmaya 3:17

Wo wati wa ke tumɛ min, mɔgɛnu si Yerusalɛm kele ko, “Marita mansaya-waganɛ.” Sibole bɛɛ kun si dɛn nyɔ ka a bato. Sibole wonu ti bila anuta tolo-gbɛlɛyɛ anubɛ anuta sɔn-yogoya-kilɛ fɛ tun.

Isikiyɛli 38:10

N Tigi Mari ya min fɔ Mansa Kɔgi ye, wo le kɛ la. A ko wati ye kela, ale Kɔgi si a miri ko-yogomɛnu denu ma ka yanfɛ rabɛn.

Isikiyɛli 39:21

Mari ya a fɔ n ye ko, “N si a ma, sibolenu ni nna gbiliyɛ yen. N si nna telenbagayɛ lata yarɔ nya min nta sɛnbɛ la, n si wo yira anu na.

Yowɛli 3:2

A ko a si sibole bɛɛ kundɛn lɛɛ do rɔ min tɔgɛ Kiti Sa Lɛɛ. A ko a si anu kiti nyɔ rɔ ka a tɛgɛ anu bara min ma wole, ata mɔgɛnu na. A ko anu bara wole, Isirɛla mɔgɛnu tanyɛnsɛn duninya-tonko-nanɛ bɛɛ rɔ ka wola nyamanɛ tala anu nyɔgɔn na.

Emɔsi 5:12

Mari ko a ya a lɔn wola hakɛnu yogo nya min. Wo ara ko-yogomɛ minnu nyɔgɔn ma, a ya wo bɛɛsi lɔn. Mɔgɔ-nyimɛ minnu bi wo tɛma, wo ye wonu bɛnsɛnkɔninyala ka anu tɔrɔ. Wo ye dogonta-fan birala mɔgɛnu bolo. Wo ye a mala, bolo-kolɔnnu ti yo sɔrɔn hali tonyɛ ye anu bolo.

Sakaraya 14:16

Sibolo-gbɛrɛ-toe minnu bi tola anu niyi la, san-bo-san, wonu si ta Yerusalɛm Mari Sɛnbɛ-Bɛɛ-Tigi bato-tinɛ ka a gbiliya iko mansɛ. Anu si Lele-Sɔɛ-Ladɛn kɛ anu nyɔgɔn fɛ.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Matiyu 12:25

Anu bi anu mirila min ma, Yisa ya wo lɔn. Woletɔ a ya a fɔ anu ye ko, “Ni mɔgɛnu bi anu nyɔgɛnu kɛlɛla nyamani-wo-nyamani rɔ ka dan-nafarɛ sa anu nyɔgɔn tɛma, nyamanɛ wo ti mɛ! Ni so-burɔ-mɔgɛnu bi anu nyɔgɛnu kɛlɛla, ni wo ma, denbayɛ ka dan-nafarɛ sa anu nyɔgɔn tɛma, wo si tinya pɔ!

Matiyu 9:4

Yisa ya anuna miriya ragbɛ. A ko, “Wo ye wo mirila ko-yogomɛ ma nfenna?

Luka 5:22

Yisa ya anu miriya ragbɛ. A ya a fɔ anu ye ko, “Wo ye wo mirila ko-sufa kɛnu ma kama?

Yɔni 17:24

“E, n Fa! I wara anu di n ma. N bi kan min, n bi a fɛ, anu ni to n fɛ nyɔ. I ya gbiliyɛ min di nde ma, n bi a fɛ, anu ni wo yen bawo yanni duninya ni dan, i ya n keni.

Yɔni 5:42

Kɔnɔ n ya wo le su lɔn. N ya a lɔn ko Allala ko sa wo yisi rɔ.

Romu 16:26

kɔnɔ kaka, tonyɛ wo ara bɔ gbɛ rɔ nɛbinuna sɛbɛlɛnu tɔ. Sibole bɛɛ nara ke gbundi wo lɔnna Allala kumɛ fɛ, ado Alla ye nyɔ habadan! Woletɔ mɔgɛnu ni dɛnkɛninya a ma ka ala kumɛ bira.

1 Kɔrɛnti 3:20

A sɛbɛnɛ kan tinɛ do rɔ tun Allala kitabu rɔ ko, “Hɛnkilimɛnu miriya Mari yala, ko-fuyi le wo la.”

Tɔn-Fɔɛ-Fila-Nyɔgɛ 31:21

Wo le si a ma, n si gbalo-koe lana anu kuma. Hali wo, anu si to bɛti kɛ bɔla. Wo si ma sereyɛ la anu kan ma. Hali kaka, yanni anu ni ta lanyiri-nyamanɛ rɔ, n ya a lɔn min bi anu kɔntɔ.”

Hiburunu 4:12

Nba, Allata kumɛ ye a niyi la. A sɛnbɛ kolo. A dɛ ye a la ka tenbi faan da filɛ la. A si don mɔgɔ fɛrɛ burɔ pon, ha a sɔndɔmɛ anubɛ niyi ye kan min. A si mɔgɛ tɛgɛ ha fɛrɛ latugun tinɛ anubɛ kolota kɛɛn ye kan min. A ye mɔgɔ-diyana-koenu anubɛ a miriya bɛɛ labɔla gbɛ ma.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 2:13

Setanɛ ye mansayɛ la kan min, n ya a lɔn ko wo siginɛ nyɔ le. Antipasi ye a fɔla gbɛ rɔ nun ko a dɛnkɛninyanɛ n ma bɛrɛkɛ! Anu ya a faga nyɔ ka a tɛgɛ wo le ma kɔnɔ hali wo, wo ma wola dɛnkɛninyɛ boloka. Wo sɔra n ye gben!

Lankɛnimayɛ 2:2

Wole Ɛfɛsa-chɔchi-mɔgɛnu, wo ara min kɛ, n ya wo lɔn. Wo ara wɔlɔ-wɛ min kɛ anubɛ wo ara wo munyu nya min, n ya wo lɔn. N ya a lɔn ko wo ti sɔn mɔgɔ-yogenuna ko ma minnu bi a fɔla ko kilayɛ le anu na kɔnɔ kilaya ma anu na. Wo ara wonu kɔrɔbɔ ka a lɔn ko foninya-fɔlɛ le anu na.

Lankɛnimayɛ 2:9

N ya wole Simirina-chɔchi-mɔgɛnuna tɔrɔyɛ lɔn. Bolo-kolɔn le wole la kɔnɔ nde ya wo lɔn nɔnfulu-tigi-bɛrɛbɛrɛ le la! Donu bi a fɔla ko Yahudiya le anu na wola chɔchi burɔ kɔnɔ anu foni. Wonu bi kuma-yogomɛ min bɛɛ fɔla wo ma, n bi wo bɛɛ kalama. Setanɛta kurɔn le wonu na.