Aiseya 65:9 - ALLALA KUMƐ

⁹ A si a ma, Yakoba kegeyɛ donu ni to a niyi la. Ata kɔnkɔ-nyamanɛ ni ma Yuda bɔnsɔn donuta kɛɛ la. A si mɔgɛ donu yabɔ minnu si sigi nyɔ. Ata wɔli-kɛlɛ wonu si to sigini nyɔ rɔ.

Aiseya 65:9 ပူးပေါင်းရင်းမြစ်များ

Aiseya 27:6

Wati ye nala, Yakoba kebilɛnu, Isirɛla mɔgɛnu, kɔni, anu si anu suli layigi pon iko kɔlɔma. Anu si gbusu ka fere. Anu gbɔɛ min bi sɔrɔnna nyɔ, duninya mumɛ si tɔnɛ sɔrɔn wo rɔ.

Aiseya 30:19

Wole minnu siginɛ Yerusalɛm soe burɔ, wo ti di tun! Hinante le Mari la. Wo wa di a dala, a si wo yabi.

Aiseya 32:18

Hɔnyɛ si bɔ Allata mɔgɛnu kan la, bɛɛ si to yisi-kimɛ anubɛ lafɛrɛ rɔ.

Aiseya 45:19

A ko a sa kumala dogɔn rɔ. A ma ala ko-ladan-nya to pinpi rɔ. A ko a ma a fɔ male Isirɛla mɔgɛnu ye ko ma ni a nyini kan-tina-rakolɔn tɔ. A ko Mari le ale la min si tonyɛ fɔ ma ye. A ye ko-telennɛnu sala gbɛ ma ma ye.

Aiseya 45:25

Ale Mari ko a si Yakoba kebilɛ bɛɛsi kunyɛ bɔ gbaran rɔ, ado anu dama si tantolɛ di a ma.

Aiseya 49:8

Mari ara a fɔ ala mɔgɛnu ye ko anu kisi-wati wa ke tumɛ min, a si ala duwɛ layigi anu kuma. A si anu dɛnbɛ iko anu ya a rakele nya min. A ko a si anu kandan ka anu natanka. Wo si ma sarama-kan misalɛ la Yerusalɛm kɛnu anubɛ mɔgɛ bɛɛ tɛma. A ko a si a ma, anu ni anu sigi nyamani-tinyani-kɔrɛ wo rɔ tun.

Aiseya 57:13

Wo wa di wo dɛnbɛn-koe rɔ, wola foninya-bɛsi-ladɛnnɛnu ni wo dɛnbɛ. Hali fɔn-fɛlɛfɛlɛnɛ, a si ta bɛsɛ wonu na. Kɔnɔ a ko minnu lanɛ ale la, nyamanɛ ye mala wonu denu halalɛ la. Wonu denu si to a batola ata kɔnkɔ-sɛnimɛ kuma.

Aiseya 60:21

Ila mɔgɛnu si to ko-telennɛ mala. Duninya si ma anutɛ la tɛban! Mari ko ata ki-fan le ile la bi ko ma min ki a bolo. A ko a ya ile dan a nyɛrɛ kɔɛn le la ka ata fanka mayira mɔgɛnu na.

Aiseya 65:15

Wole karagbɛlɛnu tɔgɔ-ratɛgɛ mani de ala wɔli-kɛlɛnu bolo iko mɔɛn, ado ale Mari Alla nyɛrɛ le ye wo fagala. Kɔnɔ ale si ata wɔli-kɛlɛnu kele tɔgɔ-gbɛrɛ la.

Aiseya 65:22

Ka a fɔ ko do ni ta a sigi a bɔla bon-nagbalanɛ kɔrɔ, wo ti ma. Do ti ki-fan ki, do ni ta a tɔnɛ dɔn. Mari ko ala mɔgɛnu si mɛ iko tili. Ata mɔgɔ-yabɔnɛnu si to anu diya nyɔ.

Isikiyɛli 36:24

N si anu bɔ sibolo-gbɛrɛnu tɛma kan-tinɛ bɛɛ rɔ ka anu nasɛgi tun anu halala-nyamanɛ rɔ.

Sɛfanaya 3:20

A ko wo wati ma fɛ-yan tun. Wola mɔgɛ min bɛɛsi ra ara nyɛnsɛn nun, a ko a si wo damasi kundɛn anu barɛ tun. A ko a si a ma, wo mankan ni ta wuu! A ko a si a ma, wo wara-koe ni ta yarɔ tun! Mari kan le kɛ la de!

Matiyu 24:22

Kɔnɔ Alla ara ban do bɔla tele wonu na. Ni a ma wo ma nun, mɔgɔ-wo-mɔgɔ ti kisi. Kɔnɔ Alla si do bɔ tele wonu na ala mɔgɔ-yabɔnɛnuna ko la.

Romu 11:28

Yahudiyanu ma sɔn kibara-nyimɛ la min kɛ, anu mara Alla yogo la ka a tɛgɛ wole sibolo-gbɛrɛnuna ko ma. Kɔnɔ ha ka, Yahudiyanu di Alla ye bawo a ya anu yatɔnbɔn ka lanyiri kiri anu ye ka a tɛgɛ anu benba-benbɛnuna ko ma,