Aiseya 65:8 - ALLALA KUMƐ

⁸ Mari ko fananta nɔnbɔ-gbɔ-yi ye a gbɔɛ rɔ, mɔgɛ ti anu tinya bawo anu ya a lɔn ko tɔnɛ ye nɔnbɔ-gbɔɛ wo rɔ. A ko ala wɔli-kɛlɛnu fanan bi wo nya na le. A ti anu nato.

Aiseya 65:8 ပူးပေါင်းရင်းမြစ်များ

Ko-Dabirɛnu 18:26

Mari ya a fɔ a ye ko, “Ni n ya mɔgɔ-telennɛ bi-loli yen Sɔdɔm soe burɔ, n si anu bɛɛsi to nyɔ wonuna ko la.”

Aiseya 1:9

Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, fɔ Yerusalɛm soe wa kasara nun pɔ! A ni ma iko Sɔdɔm anubɛ Kɔmɔra soenu mara nya min nun.

Aiseya 10:21

Isirɛla mɔgɛnu kolo-dande si anu kɔ-sɛgi anuta Alla Sɛnbɛ-Bɛɛ-Tigi ma.

Aiseya 10:22

Isirɛla mɔgɛnu siya iko kɛnkɛn kɔnɔ anu kolo-dande-nɛ le sɛgila dɔrɔn. Kasarɛ lamaranɛ bondɔn la Isirɛla mɔgɛnu ye, ado a bɛnta, anu ni a sɔrɔn de, yɔ!

Aiseya 48:9

A ko a si ala diminyɛ bira-a-rɔ fɔlɔ, alako male, ala mɔgɛnu ni to ale gbiliyala. A ko a ti wo kasara feu! A si ala diminyɛ bira-a-rɔ fɔlɔn.

Aiseya 6:13

Mɔgɔ-kɔnɔntɔ wo mɔgɔ-kɔnɔntɔ, hali a tan nyɔgɛ min tora, n si wo fanan kasara. Nta mɔgɔ-yabɔnɛ minnu tonɛ kɛ, wonu si ma iko kɔlɔma-kuru-wɛ min tɛgɛnɛ dugi rɔ. Kɔnɔ kɔn-kundi min tonɛ wo la, wo si a matii ka ma Allata mɔgɛnu tamasere la.”

Yɛrɛmaya 30:11

A ko a si na wo kisi. Wo ranyɛnsɛnnɛ sibole min bɛɛ tɛma, a ko a si wonu dama kasara pɔ! Kɔnɔ a ti wo lato. A ko a ti wo to wo tɔrɔbɛlɛ la kɔnɔ a ko a si wo tɔrɔ iko a bɛnnɛ wo ma nya min. Mari nyɛrɛ kan le kɛ la.

Yowɛli 2:14

Tumado, wota Mari Alla si a miriya yɛlɛma ka kinikini wo ma alako wola fui-fannu anubɛ wola ki-fannu si sabati nya min. Wo si a ma, wo ni ke dɛgɛ-munku-sarakɛ anubɛ minni-sarakɛnu dila a ma tun.

Matiyu 24:22

Kɔnɔ Alla ara ban do bɔla tele wonu na. Ni a ma wo ma nun, mɔgɔ-wo-mɔgɔ ti kisi. Kɔnɔ Alla si do bɔ tele wonu na ala mɔgɔ-yabɔnɛnuna ko la.

Maraka 13:20

Kɔnɔ Mari ara ban do bɔla tele wonu na. Ni a ma wo ma nun, mɔgɔ-wo-mɔgɔ ti kisi. Kɔnɔ Mari si do bɔ tele wonu na ala mɔgɔ-yabɔnɛnuna ko la.