Aiseya 65:5 - ALLALA KUMƐ

⁵ Kɔnɔ anu bi a fɔla donu ma ko, “Wo ni wo masɛgi ma la. Ma sɛninyanɛ ka tenbi wo le la.” Mari ko mɔgɔ-sufa wonu mani de iko ta-sisi tenbi a lagbesila a sunyɛ rɔ. A ko a diminyɛ min kɛnɛ wonu ma, wo mani de iko ta-dufenbɛlɛ.

Aiseya 65:5 ပူးပေါင်းရင်းမြစ်များ

Hɛnkilimaya-Kumɛnu 10:26

I kana tinya-mansɛ sɔ ila wɔlɛ la. Ni i ya wo ma, a si i tɔrɔ iko i wa kotuli sa i nagan ma. A si ma fanan iko ta-sisi tenbi i yɛ la.

Hɛnkilimaya-Kumɛnu 16:5

Mɔgɔ-wasinɛ wo fenfen ma di Mari ye. Wo ni la a la serr, ko anu bi tɔrɔla le, yɔ!

Hɛnkilimaya-Kumɛnu 30:12

Mɔgɛ donu fanan bi nyɔ, anu ya a lɔn ko anu nyɛrɛ sɛninyani de kɔnɔ yaga, anu kɔsɔnɛ lass!

Matiyu 9:11

Farisi donu ya wo yen min kɛ, anu ya a fɔ Yisala karan-dannu ye ko, “Nfenna wo karan-mɔgɔ ye fen-dɔn-kɛla duti-makelelɛnu anubɛ hakɛ-tiginu fɛ?”

Luka 15:2

Farisinu anubɛ tɔn-karan-mɔgɛnu wulita gbunyala ko, “Kei kɛ ye Alla-batobɛlɛnu tabirala ka fen-dɔn-kɛ anu fɛ!”

Luka 5:30

Farisi anubɛ tɔn-karan-mɔgɛ minnu bi anu tɛma, wonu gbunyara Yisala karan-dannu ma ka anu manyinika ko, “Nfenna wo ye fan dɔnna duti-makelelɛnu anubɛ hakɛ-tiginu fɛ?”

Luka 7:39

Ale Farisi kei min ya Yisa kele, wo ya kɛ yen tumɛ min, a miriya tara ko, “Ni nɛbi-bɛrɛ le kei kɛ la nun, musi kɛ min tugura a la, a si musi kɛ wara-koe lɔn nun. A si musi kɛ su lɔn nun bawo hakɛ-tigi le wo la!”

Tɔn-Fɔɛ-Fila-Nyɔgɛ 29:20

Mari ti mɔgɔ-sufa wo to nyɔ rɔ. Wo si a ma, Mari fonde si bɔ ka sisi lugbu-lugbu! Tɔrɔyɛ min bɛɛsi sɛbɛnɛ kitabu kɛ rɔ, wonu si sigi ale mɔgɛ wo kuma ha Mari si a kasara pɔɔ!

Yemesi 4:6

Alla ye keninteyɛ min yirala ma la, wo sɛnbɛ kolo kati, ado Allala kitabu ko, “Alla kɛlɛ-nyɔgɛ le mɔgɔ-wasinɛnu na kɔnɔ mɔgɛ min famayiginɛ, a si wonu kɔntɔ-diya.”

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”

Yude 1:19

Mɔgɛ wonu denu bi faralɛ kɛla bawo anu fɛrɛ-nata ye kun-tigiyɛ kɛla anu kun na dɔrɔn! Allala Ni-Sɛnimɛ sa anu fɛ.