Aiseya 65:4 - ALLALA KUMƐ

⁴ Anu bi anu sigila kaburu-soenu tɔ. Anu bi kila nyɔ alako anu ni kuman-kan-kɛndɛ sɔrɔn furinu bolo. Anu bi sogo-haramunɛnu dɔnna. Anuna dagɛnu kɔgɔ donnɛ kisimiriya-sogo sufa kɛnu na.

Aiseya 65:4 ပူးပေါင်းရင်းမြစ်များ

Bɔ-Koe-Iyipiti 23:19

“San-bo-san, wo ni ta wola dɔn-fen-kun-fɔlɔ-hakikɛnu na nde, Mari Alla bato tinɛ. “Saga-den wo, baa-den wo, wo kana wonu do-wo-do te anu na kin-yi la.

Bɔ-Koe-Iyipiti 34:26

“Wo ni wola dɔn-fen kun-fɔlɛ, a kiri fɔlɔtɛ di nde, Mari Alla ma. “Wo kana baa-dan te a na kin-yi la.”

Aiseya 66:17

Mɔgɛ wonu bi anu nyɛrɛ mala mɔgɔ-sɛninyanɛ la alako anu si ta anuna bɛsɛnu kɔ nya min anuna kan-tina-hakikɛnu tɔ. Anu kungban-kungban kɛnɛna bilala anu nyɔgɔn fɛ ka ta kan-tina-hakikɛ wonu tɔ. Anu bi kɔsɔ-soge anubɛ tula-soge anubɛ fen-haramunɛ donu dɔnna nyɔ. Kɔnɔ Mari ko anu dama si na halaki anu nyɔgɔn fɛ tiriya!

Aiseya 66:3

Minnu bi turɛ fagala sarakayɛ la, wonu manɛ ale Mari yala iko mɔgɔni-gbu-fagalɛ. Minnu bi sagɛ fagala sarakayɛ la wonu manɛ fanan iko minnu bi wuli-kan kerila. Minnu bi fui-fan mala sarakɛ la wonu mani de iko minnu bi ale Mari kɔla kɔsɔ-yele rɔ. Minnu bi isɛnti mintanna sarakayɛ la wo, minnu bi bɛsɛ kɔla wo, fen kelen de wonu na ale Mari yala. Mɔgɛ kɛnu bi anu nyɛrɛ sɔndɔmɛ le fɛ, aleta ma de! Anu bi kisimiriya-koe min kun na, wonu di anu ye kosɛbɛ!

Isikiyɛli 4:14

Kɔnɔ n ya Mari sɔsɔ, n ko, “N Tigi Mari Alla, i yandi, n kana wo ma. Ha bi, n ma n bole don bɛ ko-kɔsɔni ko rɔ. Ka a bi n dennɛ ma ha kaka, n ma yifɛ dɔn bɛ, ado ha bi, dɔn-fen-sɛninyabɛlɛ ma don bɛ n da rɔ.”

Saraka-Masɔlɛnuta Tɔnnu 11:7

Wo kana kose anubɛ kungbilan dɔn bawo hali anu kin-torenu faranɛ, anu ti dɔntɛ nunku anu dɛ rɔ.

Sakaraya 9:7

Anu ti soge anubɛ a yele dɔn tun iko anu duruta a mala nya min, ado dɔn-fen-haramunɛ ti ke anu dɛ ma tun. A mɔgɛ toe minnu tonɛ, wonu si ma Maritɛ la ka ma Yuda furu-nyɔgɛnu na. Ɛkirɔn so-burɔ-mɔgɛ toenu si kofu Isirɛla mɔgɛnu ma iko Yebusinu mara nya min.

Yilan-Yilan Koe 19:11

“Mɔgɔ-wo-mɔgɛ min bi a bole tugula furi la, wo tigi ma sɛninya tele wɔrɔnfila kɔrɔ iko tɔn ya a fɔ nya min.

Matiyu 8:28

Yisa tara Kadara kɛnuna nyamanɛ rɔ dalɛ tɔnkɔn kelan rɔ. Nyinato fila ya a taran nyɔ minnu siginɛ kaburu-soe burɔ. Nyinɛnu bi mɔgɛ wonu fɛ, ado gbalo-mɔgɛ le wonu na kati! Anu yogoyara ha mɔgɔ-wo-mɔgɔ ti sisi bɔla kilɛ wo fɛ.

Luka 8:27

Yisa sɔra gbele ma tumɛ min, kei do bɔra ka a labɛn. Nyina-yogomɛ ye a fɛ. A ara mɛ, a ma kurɛ don a ma. Sa tinɛ sa a bolo fɔ kaburu-soe burɔ.

Tɔn-Fɔɛ-Fila-Nyɔgɛ 14:21

“Ni soge min fagara a bolo ma, wo kana wonu dɔn. Wonu sɛninyani ma. Kɔnɔ sibole minnu bi wo tɛma, ni wonu ya sogo-sufa kɛnu dɔn, tana ma wo la. Ni a diyara wo ye, wo si a mayira sibolo-gbɛrɛnu ma. Kɔnɔ wole Isirɛla mɔgɛnu kana fen-sufa kɛnu dɔn bawo Marita mɔgɛ le wole la. “Wo kana saga-dan anubɛ baa-dan te a na kin-yi la.

Tɔn-Fɔɛ-Fila-Nyɔgɛ 14:3

“Wo kana fenfen dɔn Mari ara a fɔ min ma ko a sɛninyani ma.

Tɔn-Fɔɛ-Fila-Nyɔgɛ 14:8

Wo kana kɔsɛ anubɛ kungbilan dɔn bawo hali anu tore faranɛ, anu ti dɔntɛ nunku anu da rɔ. Wo kana soge kɛnu dɔn, hali ka i bole tugu anu suyi la.

Tɔn-Fɔɛ-Fila-Nyɔgɛ 18:11

Anu kana anu nyɛrɛ ma yi-kɔrɔ-fɛlɛnnɛnu anubɛ kulubɔlɛnu na fanan.