Aiseya 65:15 - ALLALA KUMƐ

¹⁵ Wole karagbɛlɛnu tɔgɔ-ratɛgɛ mani de ala wɔli-kɛlɛnu bolo iko mɔɛn, ado ale Mari Alla nyɛrɛ le ye wo fagala. Kɔnɔ ale si ata wɔli-kɛlɛnu kele tɔgɔ-gbɛrɛ la.

Aiseya 65:15 ပူးပေါင်းရင်းမြစ်များ

Yaburi 102:8

Telen-gbɛn, n yogenu bi n manyinina. Minnu bi n mɔɛnna, wonu bi n tɔgɛ mala dankali-kɛ-fan la.

Hɛnkilimaya-Kumɛnu 10:7

Mɔgɔ-nyimɛnu tɔgɛ si ta wuu! Kɔnɔ mɔgɔ-karagbɛlɛnu tɔgɔ si tunu yen!

Aiseya 62:2

Ile Yerusalɛm, sibolenu si ita nyimayɛ yen. Mansɛ bɛɛ si ita gbiliyɛ yen. Wo wati rɔ, i si tɔgɔ-kurɛ sɔrɔn. Mari nyɛrɛ le ye i tɔgɔ-kurɛ wo sala.

Aiseya 65:12

Mari ko ko-latɛgɛnɛ wo si ma wo ye faan la. Wo dama si wo kan panparan kan-natɛgɛlɛ ye. Ni i ya a yen, kɛ ye mala wo la bawo Mari ya wo kele min kɛ, wo ma a denkun defan! A kumara wo ye kɔnɔ wo ma wo tole masɔ a la. Koe minnu ma kin, wo ni wo fara wonu na. Wo tora wo gbɛ wonu denu da la, ado wo ma ale Mari hɛnɛ.

Aiseya 65:22

Ka a fɔ ko do ni ta a sigi a bɔla bon-nagbalanɛ kɔrɔ, wo ti ma. Do ti ki-fan ki, do ni ta a tɔnɛ dɔn. Mari ko ala mɔgɛnu si mɛ iko tili. Ata mɔgɔ-yabɔnɛnu si to anu diya nyɔ.

Aiseya 65:9

A si a ma, Yakoba kegeyɛ donu ni to a niyi la. Ata kɔnkɔ-nyamanɛ ni ma Yuda bɔnsɔn donuta kɛɛ la. A si mɔgɛ donu yabɔ minnu si sigi nyɔ. Ata wɔli-kɛlɛ wonu si to sigini nyɔ rɔ.

Aiseya 66:15

I ma Mari yen nala tɛ la a bolo? Marita kɛlɛ-dannu bi nala kirindi la anu bolo iko fɔn-digidigi-wɛ. A si a yogenu tɔrɔ ata fondo-bɔ-belebele la. A si anu tɔrɔ ta-mɛlan la.

Yɛrɛmaya 24:9

A ko a ye kasarɛ min sigila wo ma, wo si a ma, duninya mumɛ bɛɛ ni kilan. Mɔgɛnu si wo mayɛlɛn. Anu si wo ma yɛlɛnma-fan la. Anu si wo tɔgɛ ma dankali-kɛ-fan la.

Yɛrɛmaya 25:18

N ya do di wole, Yerusalɛm kɛnu ma anubɛ Yuda nyamanita-mɔgɛ toenu, a mansa wo, a mɔgɔ-ba wo. N ya wo ma le alako yan kasaranɛ ni to. Mɔgɛnu ba anu tinya-bole mafɛlɛn, anu kuma si tɛgɛ. Wo si a ma, mɔgɛnu ni anu mamɔɛn ka anu tɔgɛ ratɛgɛ dankali-kɛ-tinɛ, ado a ye wo nya na le ha bi.

Yɛrɛmaya 26:6

Ni wo tora murutiyɛ kɛ kun na, a ko a ya ala Fani-Bɔn tinya Sailo soe burɔ nya min nun, a ye a Bato-Bɔn fanan tinyana wo nya na le, ado duninya-mɔgɛ bɛɛ si Yerusalɛm soe tɔgɔ ratɛgɛ dankali-kɛ-tinɛ.

Yɛrɛmaya 29:18

A ko a si kɛlɛ anubɛ kɔnkɛ anubɛ kirayɛ ma anu gben-fan la, ado sibolo-gbɛrɛnu ba anu yen tumɛ min, anu kuma si tɛgɛ wao! Mɔgɛnu si anu manyini ka anu tɔgɛ ma dankali-kɛ-fan la.

Yɛrɛmaya 29:22

Anu bara sɔn-yogoya-siyaman kɛ Isirɛla mɔgɛnu tɛma. Anu yilikinɛ ka a tɛgɛ yɛlɛnyɛ ma anu sigi-nyɔgɔ-musi keni, kɔni. Wo kɔma, anu bi foninyɛ fɔla, ado anu bi a fɔla ko Mari nyɛrɛ kan le. Mari ko a ma fenfen fɔ anu ye. A ko anu bara ko-yogomɛ min bɛɛ kɛ, ale Mari ye wo kalama, ado Mari ko sere le ale la anu kan ma. Ka a tɛgɛ wo ma, wole Yuda kɛ minnu bi biralɛ rɔ, wo si dankali kɛ ko, “Alamɛ Mari ya wo bira iko Babilɔn mansɛ ya Sɛdɛkaya anubɛ Ehabu mintan nya min gburr, anu bi anu kɛndɛ la tumɛ min.” Mari kan le kɛ la.

Yɛrɛmaya 42:18

“Mari Isirɛlata Alla ko iko a fonde bɔra Yerusalɛm kɛnu kuma nya min, ni wo tara Iyipiti nyamanɛ rɔ, a fonde ye bɔla wo kan ma wo nya na le. A ko min ba wo yen, wo kuma si tɛgɛ. Mɔgɛnu si wo bira boloko-yogomɛ-kɛ ka wo tɔgɛ ma dankali-kɛ-fan la. A ko wo ti kan-tinɛ kɛ yen tun!

Yɛrɛmaya 44:12

Wole Yuda mɔgɛ toe minnu bara Iyipiti sigi-koe latɛgɛ, a ko fɔ a wa a yen, wo damasi ara kasara. A kina wo, a denni wo, wo kunyɛ si to kɛlɛ anubɛ kɔnkɛ bolo Iyipiti nyamanɛ rɔ yan. Mɔgɛnu ba wo yen tumɛ min, anu si anu bole sa anu dɛ la ka kawa. Mɔgɛnu si wo mayɛlɛn ka wo tɔgɛ ma dankali-kɛ-fan la.

Isikiyɛli 14:8

N si taran wo tigi kan ma. N si a ma misalɛ la mɔgɛnu yala. N si a wurun nta mɔgɛnu tɛma. Wo ye a lɔnna wo le ma ko nde le Mari la.

Sakaraya 8:13

A ko fɔlɔ nun, sibolo-gbɛrɛnu kɛnɛna anu nyɔgɔn dankala ko, “Alamɛ i kasarata iko Yuda anubɛ Isirɛla nyamanɛ kasaranɛ nya min.” Kɔnɔ a ko ale si wo kisi wo ma. Wo kɔma, ale sibolo-gbɛrɛ kelan wonu si duwa anu nyɔgɔn ye ko, “Alamɛ wo sabatira iko Yuda anubɛ Isirɛla sabatinɛ nya min.” Woletɔ wo ni wo kerinteya. Wo kana kilan.

Matiyu 21:41

Anu ya a yabi ko, “A si mɔgɔ-yogomɛ wonu faga serr, ka mɔgɔ-gbɛrɛnu sinka a la minnu si atɛ di a ma a keri-wati rɔ.”

Matiyu 22:7

Mansɛ diminyara bɛrɛkɛ! A ya ala kɛlɛ-dannu nata mɔgɔ-fagalɛ wonu faga tinɛ ka anuna soe mintan.

Kɛwɔlɛnu 11:26

A ya a yen tumɛ min, a nara a la Antiyaki. San kelen kɔrɔ, anu mɔgɔ filɛ tora ladɛn kɛla Mari Yisata mɔgɛnu fɛ nyɔ ka nyama-ba karan. Antiyaki soe burɔ, Yisata mɔgɛnu tɔgɔ kele fɔlɔtɛ kɛra ko Kirasitita mɔgɛnu.

Romu 9:26

A fɔra anu ma kan min ko nna mɔgɔ ma anu na, anu si anu kele nyɔ rɔ ko, ‘Alla-nimɛta dannu.’ ”

1 Tɛsalonaika 2:16

Anu bi anu tayala nun ka male lakala alako ma kana kisi-ko-kuma-kawandili bɔ sibolo-gbɛrɛnu ye. Anu bi hakɛ min kɛla tumɛ bɛɛ, wo dan-natenbi le, ado Allala fondo-bɔɛ ara a laban anu kuma!

Lankɛnimayɛ 2:17

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si Allata biredi dogonnɛ do di wonu ma. N si kuru-gbɛ fanan di anu kelen-kelennamɛ-bɛɛ ma, tɔgɔ-kurɛ sɛbɛnɛ minnu ma, kɔni, ado mɔgɔ-wo-mɔgɔ ma tɔgɛ wo lɔn fɔ min bi a sɔrɔnna.’