Aiseya 64:7 - ALLALA KUMƐ

⁷ Mɔgɔ-wo-mɔgɔ sa min bi i batola. Hali ka ma dɛnbɛ, mɔgɔ-wo-mɔgɔ sa min si i manyinika. Ni i ya a yen, wo dama ye mala ma la bawo i wara i kan-kɔ sɔ ma la. Ma dama ara kasara ka a tɛgɛ ma hakɛnu ma.

Aiseya 64:7 ပူးပေါင်းရင်းမြစ်များ

Yobu 10:9

I miri de! I ya bɔnkɛ le bi ka nde dan. I ye nala n nunkula le tun iko gbangban?

Yobu 8:4

Tumado, ni ila dannu bara hakɛ kɛ Alla la, a fɛrɛ sa fɔ anu ba anuna hakɛ-sarɛ sɔrɔn.

Yaburi 100:3

Bɛɛ ni a lɔn wo ma ko Mari le Alla la. Ale le kelen pe ya ma dan, ado a halalɛ le male la. Ata mɔgɛ le male la, ado ma ye ata saga-wɔrɛ rɔ.

Yaburi 14:4

Mari ye nyinikalɛ sala, a ko, “Kɛnu ma a lɔn anu bi min kun na, wa? Kun-takolɔn le karagbɛlɛ kɛnu na, wa? Anu bi anu beli-fan sɔrɔnna nna mɔgɛnu denu kuma. Anu ti nde, Mari rakele mumɛ!”

Bɔ-Koe-Iyipiti 32:12

Ni i ya wo ma, Iyipiti kɛnu si a fɔ ko i ya mɔgɛ kɛnu nabɔ nyɔ alako i ni anu ban dugu-kole kuma. I yandi, i fonde yɛlɛma ka kinikini anu ma. I ye nala ko-yogomɛ min mala anu na, i yandi, i kana wo ma anu na.

Aiseya 1:15

Wo tenbi wo bolenu sigila a tɛrɛna madiyali-kɛ-tinɛ tumɛ min, Mari ko a ti wo mafɛlɛn defan! A ti a wɔlɔ matɔlɔ wo la bawo mɔgɔ-yele ye wo bole ma.

Aiseya 27:5

Ni a sɔgɛ ye ala mɔgɛnu yogenu na, a ni minnu kumafunfan, a ko anu ni yisi-kimɛ sa a rɔ. Anu ni na anu tɛmɛ rabɛn.

Aiseya 45:9

Bɔnku-dagɛ si sisi a ladannɛ sɔsɔla, wa? Ado nfan, dagɛ wonubɛ doinu takɛn gbɛn! Bɔnkɛ wo nyɛrɛ si a ladannɛ manyinika ni a ye min kun na? Ale dagɛ si a fɔ a sɔlɛ ma ko a ma a bira-fannu to a ma.

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Aiseya 54:8

A ko ata fondo-bɔɛ le ya a ma, a ya a ban i la wati-kundu-ni kɔrɔ kɔnɔ a si ata habadan-kinikinɛ yira i la gbɛ! I Kunka-Mari kan le kɛ la.

Aiseya 56:4

Mari ya kɛ le fɔ ko ni tɛgan min ya ala Sulen-Tele gbiliya ka ala tɔn bira a kilɛ fɛ ka a hɛnɛ koenu kɛ,

Aiseya 57:17

A ko a kɔrɔtɔnɛ wo ma ka a tɛgɛ wola kin-kɔrɔla-fasɛ ma. A ko a ya a kan-kɔ sɔ wo la ka wo tɔrɔ ala fondo-bɔɛ la. A ko hali wo, wo ma wo bɔ wo gbɛ da la. Wo ye ko-yogomɛ kun na tolon!

Aiseya 59:16

A ma mɔgɔ-den-kelen yen anu tɔ min si hina bolo-kolɔnnu na. Wo ya a tɛrɛna, a ma mɔgɛ yen anu tɔ min si dɛnbɛnɛ kɛ. Wo le ya a ma, Mari ya a fanka lawɔli ka mɔgɛnu dɛnbɛ alako anu si sɛnbɛ sɔrɔn nya min.

Aiseya 59:2

Wola ko-yogomɛ le wara a ma, wobɛ wota Alla ara fara. Wo hakɛ le wara a ma, a ara a kan-kɔ sɔ wo la. Woletɔ a sa wo kan namɔɛnna tun.

Aiseya 59:4

Wo wa ta kiti-bɔn la hali min yo, wo si yiliki sɔrɔn. Tonya-fɔla fenfen sa kiti-bɔn la. Wo ye karamɛ layɛlɛla wo nyɔgɔn ma. Wo ye nanparan ratɛgɛla donu kan ma ka ko-yogomɛ dan-natenbi.

Aiseya 63:16

Ma fa le ile la. Iburayima ma a lɔn ni ala dan le male la. Yakoba fanan ma ma lɔn. Kɔnɔ ma fa le ile Mari nyɛrɛ la. Kebi hun, i tɔgɛ le, “Ma Kunkalɛ.”

Yɛrɛmaya 9:7

Woletɔ Mari Sɛnbɛ-Bɛɛ-Tigi ko a si wole, Yuda kɛnu nakɔrɔsi iko mɔgɛ si nɛgɛ lakɔrɔsi tɛ la nya min. A ko wole, ata mɔgɛnu bara ko-yogomɛ ma min kɛ, a si nfen ma wo la?

Isikiyɛli 22:30

Mɔgɛ min si ke tara-kerinɛ wo sɔla hali ka soe lakanan tara-kerinɛ wo dafɛ, n ya n ya lakalan wo do ma anu tɛma. Ni n ya wo mɔgɛ sɔrɔn nun, n ti soe wo kasara. Kɔnɔ n ma wo mɔgɛ sɔrɔn.

Isikiyɛli 24:11

Wo kɔma, i ni daga-rakolonyanɛ wo sigi ta-wɔlɔn rɔ ha a silɛɛ ni mɔ puipui! Dagɛ wo burɔ-nɔgɛ bɛɛ wa mintan, dagɛ wo sɛninyanɛ si to.

Hoseya 5:15

A ko a si a kɔɛn bɔ wo wara-koe rɔ feufeu, ha wo ni kɔrɔtɔ wo yisi rɔ. Tɔrɔyɛ wo wa wo rabɔ tumɛ min, wo ni na to ale Mari nyinina. A ko tumado ni wo tɔrɔta, wo si a nyini de worɔ.

Hoseya 7:14

Wo ma n matara wo yisi la fɔ ka wo nyɛrɛ gbesi dugi la ka belenna dila iko Alla-lɔnbɛlɛnu bi a mala nya min. Wo tenbi n matarala dɔn-fen-koe la, wo ye belenna wo mafarafarala iko kafirinu. Mɔgɔ-murutiyani-bɛrɛbɛrɛ le wo la.

Hoseya 7:7

“Wole karagbɛlɛnu bara wola kun-tigi faga wola koninteya-dogonnɛ la. Wo ara ban wola mansɛnu fagala kelen-kelenyɛ ma kɔnɔ anu do-wo-do ma nde, Mari manyinika dɛnbɛni-koe la.”

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Malakayi 2:10

Wole Yuda mɔgɛnu, kɛmɔgɔni-kelan-sɔrɛ le ma dama la. Alla kelen de ya ma dama ladan. Ni tonyɛ le wo la, nfenna ma si mala lanyiri tinya ma nyɔgɔn bara la? Nfenna Alla ya sarama-kan min kiri ma benbanu ye, ma si tɛgɛ wo rɔ?