Aiseya 64:5 - ALLALA KUMƐ

⁵ Mɔgɛ min sewanɛ ko-telenni-kɛ la, i ye wonu dɛnbɛna. Minnu bi anu mirila ko anu ni ma iko i miriya ye anu ma nya min, i ye wonu fanan denkunna. Kɔnɔ i yisi kɔrɔtɔra ma ma bawo ma tora hakɛ kɛla nun, ado ita tɔn-tinyɛ ara ma ma kɛ-nya le la. Ma si kisi kama gbɛ?

Aiseya 64:5 ပူးပေါင်းရင်းမြစ်များ

Yaburi 103:17

Kɔnɔ minnu bi Mari gbiliyala, ala keninteyɛ ti ban wonu ye mumɛ! Ata nyimayɛ dan sa wonubɛ anu kegeyɛnu bara la.

Yaburi 112:1

N si Mari tanto! Mɔgɔ-sewanɛ le wo tigi la min bi Mari gbiliyala ka ata tɔnnu bira sewɛ la.

Yaburi 25:10

Minnu bi ata sarama-kan birala, a si ala telenbagayɛ anubɛ keninteyɛ yira wonu na.

Yaburi 37:4

I ni Mari diyana-koe kɛ. Wo kɔma, a si i kɔntɔ-koenu kɛ i ye.

Bɔ-Koe-Iyipiti 20:24

“Ni anu bi saraka-mintan-tinɛ sɔla n ye, anu ni a sɔ bɔnkɛ la. Anu ni anuna sagɛnu anubɛ anuna baanu anubɛ anuna ninkinu ma sarakɛnu na saraka-mintan-tinɛ wo kuma ka saraka-mintantɛnu bɔ nyɔ anubɛ yisi-kima-sarakɛnu. N ba n bato tinɛ yira anu na kan-bo-kan, n si anu taran nyɔ ka duwa anu ye.

Bɔ-Koe-Iyipiti 25:22

Alla ya a fɔ Musa ye tun ko, “Malebɛ ile si ma nyɔgɔn bɛn nyɔ. N bi kumɛ min fɔla i ye ka a latenbi Isirɛla mɔgɛnu ma, n si wo fɔ i ye tɔn-kenkirɛ wo kuma melikala muninyɛ wonu tɛma.”

Bɔ-Koe-Iyipiti 30:6

Wo ni isɛnti mintan tinɛ sigi Kan-Tina-Sɛnimɛ rɔ. Yorolan si taran anubɛ tɔn-kenkirɛ tɛma.

Aiseya 1:30

Wo ye gbalala le iko yi sa kɔlɔma min kɔrɔ. Wo wɔnwɔlinyɔ si to iko nakɔɛ min yi sa kɛla.

Aiseya 12:1

Wati ye nala, mɔgɛnu si to bɛti bɔla ko, “E, Mari, n bi i matɔgɔla. Hali i fununɛ ye ma la nun kɔnɔ mala diminyɛ sa i bolo tun, ado i ye ma ladiyala.

Aiseya 26:13

Mata Mari Alla, ma taranta sibolo-gbɛrɛnu kɔrɔ nun kɔnɔ hali wo, ma Mari kelen pe le ile la.

Aiseya 27:8

Mari ma ala mɔgɛnu tɔrɔ wo nya na fɔ kɛlɛ tara anu na min kɛ. A tara anu na iko fɔn-gbɛlɛmɛ min bi bɔla tele-bɔɛ wara la wo ye tala fen-gbalɛ la nya min.

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Aiseya 63:7

A di n ye, n ni Marita keninteya-dan-natɛgɛbɛlɛ wara-koe fɔ. N si a tanto ka a tɛgɛ a ara min bɛɛ kɛ ma ye. A ara fen-nyima-siyaman di ma ma. A ara Isirɛla mɔgɛnu bira a kin na! Mari ara ata kinikinɛ yira ma la. A nyimayanɛ ma ma dɔgɔma-ma-de!

Daniyɛli 9:5

“Kɔnɔ male ara hakɛ kɛ ka ko-yogomɛ anubɛ karagbɛlɛyɛ ladan. I ya min fɔ ma ye, ma ara ma ban wonu na. I ya ko-telennɛ-kilɛ min yira ma la, ma ara ma kan-kɔ sɔ wo la ka bila ma nyɛrɛta kilɛ fɛ.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Hoseya 6:3

Ma ni ma sɛbɛ don Mari lɔn-koe ma alako a ni to sɛgila ma ma tun iko sun-tele-tiyi ye nala sɔgɔma-wo-sɔgɔma nya min. A si to sɛgila ma ma tun iko samɛ min bi donna san-bo-san.”

Sakaraya 3:3

Yasowa sɔnɛ Mari yakɔrɔ nyɔ kura-nɔgɔnɛnu bilanɛ a kan na.

Malakayi 3:6

Mari ko Mari le ale la. A ti yɛlɛma muk! Ka a tɛgɛ wo ma, a ko wole Yakoba kegeyɛnu, wo la ma ban natola wɛ.

Kɛwɔlɛnu 10:35

Min ba kilan a la ka ko-latelennɛ kɛ, a si mɔgɛ wo rabira, a mara mɔgɔ su-wo-su la.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.