Aiseya 64:2 - ALLALA KUMƐ

² Anu si ma iko yi min bi gbonsanna tɛ kuma. I ni ma iko tɛ wa sigi yerima-gbalɛ la. Ni i ya wo ma, i yogenu si i lɔn. Anu ba i yen, anu si to yɛrɛyɛrɛnna kumakɔɛ bolo.

Aiseya 64:2 ပူးပေါင်းရင်းမြစ်များ

Yaburi 106:8

Kɔnɔ hali wo, a ya anu nakanan iko a ya anu yili-madiya nya min, alako a ni ata sɛnbɛ-wɛ yira anu na.

Yaburi 46:10

Alla ko wo ni wo fara kɛlɛ la. Wo ni a lɔn ko Alla le ale la. A ye sibole bɛɛ anubɛ duninya kun na.

Yaburi 79:10

Nfenna sibole doinu bi ma manyinikala ko mata Alla ye mintɔ? Sibolo-gbɛrɛ minnu bara ita mɔgɛnu faga, a ma, ma ni i yen wonu fagala.

Yaburi 83:13

E, Alla, anu tanyɛnsɛn iko dugu-gbangban. Anu ni ma iko fɔnyɔ ye tala bin-gbalɛ min na.

Yaburi 9:20

A ma, anu ni kilan. Anu ni a lɔn yati, ko hadama-dan le anu na dɔrɔn!

Yaburi 99:1

Mari le mansɛ la. A bɛnta mɔgɛnu ni yɛrɛyɛrɛn a kɔrɔ. A mayiginɛ ala mansaya-waganɛ rɔ melika-muninya filɛ tɛma. A bɛnta duninya ni yɛrɛyɛrɛn a kɔrɔ.

Bɔ-Koe-Iyipiti 14:4

N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.

Aiseya 28:21

Mari ko a si kɛlɛ kɛ iko a ya kɛlɛ kɛ Pɛrasim kɔnkɛ ma Kibiyon lɛɛ rɔ nya min alako ata miriyɛ ni ma, hali hadama-den ma wo nya-yen. Hali ata wɔli-nya makawara nya-wo-nya, a si a ma tun!

Aiseya 37:20

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Aiseya 63:12

Mari min ya ata fanka mayira Musa rɔ ka kɔgɔ-yi fara fila la ha ala mɔgɛnu banta tenbila, wo ye mintɔ? Nba Mari ara a nyɛrɛ tɔgɔ lawanka kabana-koe wo fɛ.

Yɛrɛmaya 33:9

Yerusalɛm si ale Mari lasewa. A si gbiliyɛ sɔrɔn ka a wasi soe wo la. Ale Mari ko a ara min kɛ Yerusalɛm ye, sibolo-gbɛrɛnu ba a lamɔɛn a ara anu nama-a-la nya min, anu si to yɛrɛyɛrɛnna kilan bolo.

Yɛrɛmaya 5:22

Mari le ale la. Nfenna wo sa kilanna a la? Nfenna wo sa yɛrɛyɛrɛnna a kɔrɔ? Ale le ya kɔgɔ-yi-dan ma kɛnkɛn la alako yi ni to a dagɛ rɔ tolon! Hali a ye tugula a rɔ nya-wo-nya, a ti tenbi a dan kun na. Hali a ye kurunna, a ti a dan keri.

Emɔsi 4:12

Woletɔ Mari ko a si wole, Isirɛla mɔgɛnu tɔrɔ. Bawo a ye nala wo tɔrɔla, nba, wo ni wo rabɛn Mari yarɔ min bi wo kitila.

Maika 1:4

Kɔnkɛnu si lee a tontɛ kɔrɔ iko mɔgɔ wa kɛɛn sa tɛ rɔ. Kɔnkɔ-leenɛ wonu si to yigila folo-wɛnu tɔ iko gboron-gboronna-yi.”

Sakaraya 14:4

Wo wati rɔ, a si sɔ Ɔlifi kɔnkɛ kuma Yerusalɛm tele-bɔɛ wara la. Kɔnkɛ wo si bɔ tiila tele-bɔɛ wara la ha tele-yigi. A tɔnkɔn kelan si ta kantɔ-wara la, a tɔnkɔn doi ni ta dugula wara la.

Tɔn-Fɔɛ-Fila-Nyɔgɛ 2:25

Ka a dabira bi ma, Mari si a ma, duninya-mɔgɛ bɛɛ si kilan wo la. Anu ba wo tɔgɛ lamɔɛn tumɛ min, anu si yɛrɛyɛrɛn.’ ”