Aiseya 63:9 - ALLALA KUMƐ

⁹ A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Aiseya 63:9 ပူးပေါင်းရင်းမြစ်များ

Ko-Dabirɛnu 48:16

Alla min nara nde ma iko melika ka n kunka ko-yogomɛ bɛɛ ma, alamɛ wota duwɛ tora ila den-keminɛ kɛnu kuma. Alamɛ tɔgɔ-nyimɛ tora den-kei filɛ kɛnu kuma iko a tora n fa Isiyaka anubɛ n benba Iburayima anubɛ nde kuma nya min. Anu bɔnsɔnnu ni siyaya dugu-kole kɛ kuma.”

Yobu 37:23

Ma ti ke ma gbɛrɛnna Alla Sɛnbɛ-Bɛɛ-Tigi ma ka a tɛgɛ ata kabana-koe wonu ma. A telennɛ mɔgɛnu ye tede!

Yaburi 25:22

E, Alla, i yandi, ila Isirɛla mɔgɛ bɛɛ kisi ka anu bɔ anuta tɔrɔyɛ bɛɛ rɔ.

Yaburi 78:38

Kɔnɔ hali wo, Alla kinikinita ala mɔgɛnu ma. A ya anu hakɛ makoto. A ma anu nato. A mɛra a fonde birala a rɔ. A tora a munyuna anu kɔrɔ.

Bɔ-Koe-Iyipiti 14:19

Allala melika min bi banda-fin-gbɛ wo rɔ Isirɛla mɔgɛnu yarɔ, wo bɔra nyɔ ka sɛgi anu kɔma kilɛ la.

Bɔ-Koe-Iyipiti 15:13

I ya male min kunka, i si ta ma yarɔ ita keninteya-banbɛlɛ la ka sɔ ma yarɔ ita sɛnbɛ la ha ma si ke nyamanɛ wo rɔ i ye i mayigila kan min.

Bɔ-Koe-Iyipiti 19:4

‘N bara min ma Iyipiti kɛnu na, wo ara wo rayen. N bara wo bi ka wo ma ntɛ la ka wo fɛ-bira kilɛ la iko bibi tenbi ala dannu fɛ-birala gban tinɛ.

Bɔ-Koe-Iyipiti 33:14

Mari ko, “Nba, ale le wo la. N bara sɔn. Nde nyɛrɛ si to wo tɛma gbɛ! Wo si a ma, do ni bɔ ila dunɛ la ka i yisi kimɛ.”

Bɔ-Koe-Iyipiti 33:15

Musa ya a fɔ a ye ko, “Ni i nyɛrɛ ti ta ma fɛ, nba, i kana ma labɔ yan de!

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 43:4

A ko a si nyamanɛ donu ma ma kunkɛ la bawo ma wara-koe di a ye. Ma di a ye, ado a ye ma gbiliyala.

Aiseya 48:20

A ko wole, ata mɔgɛnu, wo ni wo tiriya bɔla Babilɔn. Wo ni a lasɔnkɔ sewɛ bolo kan tinɛ bɛɛ rɔ. Wo ni a fɔ mɔgɛ bɛɛ ye duninya rɔ ko Mari ara wole, ata wɔli-kɛla Isirɛla mɔgɛnu kisi.

Aiseya 51:10

Ile le ya kɔgɔ-yi-bolɔn do gbala a worɔn la wulɔn ka kilɛ sa a tɛma gbonkan! Wo ya a ma, ila mɔgɔ-kisinɛnu tɛgɛra nyɔ. Ila mɔgɛnu kunkara nyɔ.

Aiseya 52:9

Ile Yerusalɛm so-makeri-kerinɛ, i ni a lasɔnkɔ sewɛ bolo. Mari si Yerusalɛm kunyɛ bɔ gbaran rɔ, a nyɛrɛta soe, kɔni ka ala mɔgɛnu to lafɛrɛ rɔ.

Daniyɛli 6:22

Nta Alla ara ata melika lana ka yarɛ kɛnu dɛ makiri alako anu kana ko ma n na. A ya kɛ ma le bawo n ma ko tinya, ado n ma ko-yogoma ma i la.”

Hoseya 1:7

Kɔnɔ n si keninteyɛ yira Yuda mɔgɛnu na. Nde min bi anuta Mari Alla la, n si anu kisi. N ti anu nakisi kɛlɛ-kɛ-fannu ma iko faan wo, kalabɛn wo, anubɛ kɛlɛ-kɛ-soee ani anu naburilɛnu.”

Yowɛli 2:18

Wo wa ban tubila, Mari si a miri ala mɔgɛnuta nyamanɛ ma tun ka kinikini ala mɔgɛnu ma.

Sakaraya 2:8

Mɔgɔ-wo-mɔgɔ ya wole gbesi, a ara fan gbesi min di ale Mari ye iko a yɛ.” Mari Sɛnbɛ-Bɛɛ-Tigi ya sarakanɛ kɛ don n bolo sibolo-gbɛrɛnuna ko la minnu ya ala mɔgɛnu bira.

Malakayi 3:1

Mari Sɛnbɛ-Bɛɛ-Tigi ko a ye ala kilayɛ lanala min si kilɛ rabɛn a ye. Wo kɔma, wo ye wo Tigi min nyinina, wo si na a Bato-Bɔn la tiriya! Kilayɛ min yen-sɔgɔ-bɛrɛbɛrɛ ye wo la, wo si na ka a nyɛrɛta sarama-kan wara-koe fɔ.

Matiyu 25:40

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ya wo ma wo mɔgɔ kelen na, wo ya a ma nde le la wo la!’

Matiyu 25:45

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ma wo ma wo la min kɛ, wo ma a ma nde le la wo la!’

Luka 15:5

A wa a yen tumɛ min, a si sewa ka a sigi a kan ma

Kɛwɔlɛnu 12:11

Wo kɔma, min bara ma Pita la, a ya a miri wonu ma. A ko, “N bara a lɔn gbɛ serr, ko tonyɛ le! A sɔgɛ ye Yahudiyanu na ka min sigi n ma nun, Mari ara ala melika sɔ ka n tanka anubɛ Yahudiyanu masibɛ ma.”

Kɛwɔlɛnu 7:38

Isirɛla mɔgɛ minnu nadɛnta wulɛ rɔ, ale Musa taranta wonu fɛ nun. Melika min kumara a ye Sinayi kɔnkɛ kuma wo, ale Musa ya kumɛ wo latenbi ma benbanu ma. Allala kumɛ min si niyi di mɔgɛ ma, ale Musa ya wo sɔrɔn nyɔ ka wonu natenbi ma ma.

Kɛwɔlɛnu 9:4

Sɔli buira dugi ma. A ya kuman-kan lamɔɛn. Wo ye a fɔla a ye ko, “Sɔli! Sɔli! I ye n tɔrɔla nfenna?”

1 Kɔrɛnti 10:9

Ma kana Mari kɔrɔbɔ wona iko wo do ya a ma nya min, ha duguma-fannu ya anu faga.

Tɔn-Fɔɛ-Fila-Nyɔgɛ 1:31

Iko kei si ala dan sigi a kɔnkɔn tɔ nya min, a ya ma sigi a kɔnkɔn tɔ wo nya na le wulɛ rɔ ha ka na ke ma la yan.

Tɔn-Fɔɛ-Fila-Nyɔgɛ 4:37

Bawo wo benba benbɛnu di a ye min kɛ, woletɔ a ya wole yabɔ Iyipiti ka na wo la yan ata sɛnbɛ fɛ.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Hiburunu 2:18

Nba, minnu bi magbɛrɛnkɛ rɔ kaka, a si ke wonu dɛnbɛna bawo a nyɛrɛ magbɛrɛnkɛnta ka tɔrɔ.

Hiburunu 4:15

ado mata saraka-masɔla-kun-tigi-wɛ kɛ, a si ke kinikinina mala sɛnbɛbɔninyɛ ma. Mala saraka-masɔla-kun-tigi-wɛ kɛ magbɛrɛnkɛnta nya bɛɛ ma iko male kɔnɔ ale ma hakɛ si kɛ.

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.

Kɛlɛ-Kurugbɛnu 10:16

Tiriyante wo rɔ, Isirɛla mɔgɛnu bara don bɛsɛ minnu kɔ-koe rɔ nun, anu bara wonu tinya. Anu donta Mari kelen pe batoe rɔ tun. Mari ara a fonde layigi anuna tɔrɔyɛla ko la.