Aiseya 63:8 - ALLALA KUMƐ

⁸ Mari ko ata mɔgɛ le Isirɛla mɔgɛ kɛnu na. A ko anu ti foninyɛ fɔ a ye ka a yanfa. Woletɔ a ya anu kisi.

Aiseya 63:8 ပူးပေါင်းရင်းမြစ်များ

Ko-Dabirɛnu 17:7

N si nta lanyiri latɔnbagaya mabɛ ile anubɛ i bɔnsɔn anubɛ wonu fanan bɔnsɔnnu tɛma. A si ma habadan-lanyiri la alako n ni ma woleta Alla la.

Yaburi 106:21

Alla min ya anu kisi ata sɛnbɛ-makawanɛ la Iyipiti, anu nyinara wo ko salon!

Bɔ-Koe-Iyipiti 14:30

Mari ya Isirɛla mɔgɛnu kisi wo nya na le ka anu bɔ Iyipiti kɛnu bolo. Isirɛla mɔgɛnu ya Iyipiti kɛnu furi yen yi kɔnkɔn la belenna.

Bɔ-Koe-Iyipiti 24:7

A ya tɔn-buku wo bi ka a karan mɔgɛnu ye. Anu ya a yabi ko, “Mari ara min bɛɛsi fɔ, ma si wonu kɛ ka ala kumɛ bira.”

Bɔ-Koe-Iyipiti 3:7

Mari ya a fɔ ko, “Nta mɔgɛ minnu bi Iyipiti, n bara wonuna tɔrɔyɛ yen yati! Anuna wɔli-kunyɛnu bi min mala anu na, n bara wo lɔn ka anu di-kɛ-kannu namɔɛn. N bara anuna yisi-lafinyɛ lɔn.

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 19:20

Fen filɛ wonu si ma Mari Sɛnbɛ-Bɛɛ-Tigita tamasere la Iyipiti nyamanɛ rɔ. Mɔgɛ wonu tenbi tɔrɔyɛ rɔ tumɛ min, anu ba Mari kele anu dɛnbɛn-koe la, a si kinikini anu ma ka anu nakanan.

Aiseya 3:15

Sereya sa wo bolo ka bui nna mɔgɛnu ma ka bolo-kolɔnnuna bolo-fannu bi anu bolo.” Ale wo Tigi Mari Sɛnbɛ-Bɛɛ-Tigi kan le kɛ la.

Aiseya 41:8

Kɔnɔ Marita wɔli-kɛlɛ ye Isirɛla mɔgɛ minnu na, a ara wonu denu yabɔ. A diyana-mɔgɛ Iburayima kebilɛ le wole la.

Aiseya 43:11

A ko a kelen pe le nyɔ Mariyɛ la, ado a kelen pe si ke ma lakisila.

Aiseya 43:3

A ye wo nya na le yɔ, bawo mata Mari Alla le ale la. Wo le, Isirɛlata Mari-sɛnimɛ le ye ma kisila. A ko a ya Iyipiti kɛnu ma ma kunkɛ la. Sudan nyamanɛ anubɛ Seba kɛnu fanan mara ma kunkɛ la.

Aiseya 51:4

Mari ko wole, ala mɔgɛnu, wo ni wo tole masɔ. A ko a si ala karan di sibolo-gbɛrɛnu ma. Ala tɔnnu si a waan lana.

Aiseya 57:11

Mari ko wo ye kilanna bɛsɛ nyamintan na min bi a mala, wo ye foninyɛ fɔla a ye? A ko wo ma wo miri a ma doni bɛrɛn fɔ wo ya wo kan-kɔ-sɔɛ min kɛ a la. A ko a madenɛ ara mɛ min kɛ, woletɔ wo sa kilanna a la tun, ba?

Aiseya 60:16

I makoe taranta fenfen na, sibolo-gbɛrɛnu si wonu di i ma. I si to fen-nyimɛnu nabɔla nyamani-gbɛrɛnu tɔ iko dan si a na kinyɛ susun nya min. Wo wa ma tumɛ min, i ye a lɔnna wati wo le ma ko ale Mari le ye i lakananna. Wo si a lɔn ko i kunkalɛ, Yakobata Alla-Makawanɛ le ya i kisi.

Aiseya 64:8

Kɔnɔ Mari, ma fa le ile la. Male manɛ iko dugu-namɛ. Daga-sɔlɛ le ile la. I kɔɛn-nyɛrɛ-nyɛrɛ le ya ma dan.

Aiseya 64:9

E, Mari, i kana diminya-belebele kɛ ma ma, ado i yili kana to ma hakɛnu ko mumɛ! I yandi, i kolan lasɛgi ma ma bawo i halalɛ le male la.

Yɛrɛmaya 14:8

Alla, Isirɛla mɔgɛnu yigi le ile la. Isirɛla mɔgɛnu ya yakɔrɔ-mamɔɛ sɔrɔn tuma-wo-tuma, i si anu denkun. Kɔnɔ kaka gbɛ, ile ye sundanyɛ le la nyamanɛ kɛ rɔ. I mani de iko mɔgɛ min bi belenna kila ka tenbi.

Hoseya 13:4

Mari ya a fɔ Isirɛla mɔgɛnu ye ko, “Wota Mari Alla le nde la min nara wo la ka bɔ Iyipiti nyamanɛ rɔ. Alla-gbɛrɛkɛ fenfen sa wo bolo nde kɔma, ado wola kisilɛ le nde kelan la.

Sɛfanaya 3:7

Mari ko ni wo ya a yen, a ya a ma wo nya, a ya a lɔn nun ko wole, ata mɔgɛnu si a gbiliya ka kolo a ma lɛp! A ko a miri nun ko wo ara kabana-koe minnu tayen wo yɛ la, wo ti nyina wonu ko nun muk! Kɔnɔ a ko a ma mɛ lefan, wo ya wo ya-lamunun karagbɛlɛyɛ la tun!

Yɔni 1:47

Yisa ya Nataniyɛli yen nala a wara tumɛ min, a ya kɛ fɔ ala ko la. A ko, “Ma benba Isirɛla bɔnsɔn mɔgɔ-bɛrɛ le ye nala kɛ la. A raduni ma hali doni!”

Romu 11:28

Yahudiyanu ma sɔn kibara-nyimɛ la min kɛ, anu mara Alla yogo la ka a tɛgɛ wole sibolo-gbɛrɛnuna ko ma. Kɔnɔ ha ka, Yahudiyanu di Alla ye bawo a ya anu yatɔnbɔn ka lanyiri kiri anu ye ka a tɛgɛ anu benba-benbɛnuna ko ma,

Ɛfɛsa 4:25

Wo kana foninyɛ fɔ tun! Bɛɛ ni tonyɛ fɔ anu nyɔgɔn ye bawo Kirasiti bagbu kelen de ma dama la.

Tɔn-Fɔɛ-Fila-Nyɔgɛ 32:5

Kɔnɔ telenbɛlɛ le wole la. Hali mɔgɔ ma wo kele Allata mɔgɛnu. Wo fanɛ hakɛ anubɛ yanfanteyɛ la.

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”

Kɔlɔsi 3:9

Wo kana foninyɛ fɔ wo nyɔgɔn ye bawo wo ara mɔgɔya-kɔrɛ boloka anubɛ wo kɛ-nyanu.

1 Yɔni 4:14

Ma ara a yen ka a fɔ doinu ye ko ma Fa Alla ara ala dan, Yisa lana alako a ni ma duninya kisilɛ la.

Yude 1:25

Alla kelen pe, ma kisilɛ, kɔni, wotɛ ye mansayɛ anubɛ gbiliyɛ anubɛ sɛnbɛ la Yisa Kirasiti baraka rɔ kebi fɔlɔ ma, ha ka a sigi kaka la, ha habadan! Amina.

1 Samuwɛli 12:22

Mari ara lanyiri kiri wo ye a sɛbɛ la. A ko a ara ban a latɛgɛla ko ata mɔgɛ le wole la, ado a ti wo boloka.