Aiseya 63:4 - ALLALA KUMƐ

⁴ A ko ala mɔgɛnu tayili-sara-wati ara ke. Anu yogenu-tɔrɔ-wati ara ke.

Aiseya 63:4 ပူးပေါင်းရင်းမြစ်များ

Yaburi 107:2

Wole min bɛɛ ara kisi, wo ni to kumɛ kɛnu fɔla Mari matɔgɔ tinɛ tun tun! Ale le ya wo lakanan wo yogenu ma

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Aiseya 1:27

Bawo Mari telennɛ, a si Yerusalɛm kisi anubɛ wole minnu bara wo kan-kɔ sɔ wo hakɛ la.

Aiseya 13:6

Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 13:9

Marita lɔgɔ-latɛgɛnɛ ara gbɛrɛn. Wo wati si a taran, Mari yakɔrɛ sisinɛ dɔgɔma-ma-de! Duninya mumɛ bɛɛ ra si kolonya filili! Hakɛ-tigi bɛɛ si halaki.

Aiseya 34:8

Mari si ata kɔnkɔ-sɛnimɛ lakanan wati kɛ le tɔ ka ala mɔgɛnuna yili sara anu yogenu na.

Aiseya 35:4

Min bɛɛ yisi tinyanɛ, a fɔ wonu ye ko anu ni anu sɛnbɛ don ka anu kerinteya. Alla ye nala anu nakananna. A ye nala anu yogenu tɔrɔla.

Aiseya 35:9

Yara ti taran nyɔ. Sogo-ferema wo sogo-ferema ti a kian sɔ nyɔ. Mari ara anu denu minnu dɔrɔn nakanan, wonu denu si bɔ kilɛ wo fɛ ka ta anu barɛ.

Aiseya 47:3

Mɔgɛnu si i makolɔn yen. I si miliya anu yala.” Mari ko a si a tayili sara i la. A ti kinikini mɔgɔ-wo-mɔgɔ ma ile Babilɔn soe burɔ.

Aiseya 52:3

Ma Tigi Mari ko wole, ata mɔgɛnu donta yɔɔnyɛ rɔ tumɛ min, mɔgɔ-wo-mɔgɔ ma sɔn wo sanna wodi la, ado mɔgɔ ti wo kunka fanan wodi la.

Aiseya 61:2

Mɔgɛnu bi hɔrɔyala san min na, Mari ya n sɔ ka wo le wara-koe fɔ anu ye. Wo wati wa ke, Alla si karagbɛlɛnu tɔrɔ. Min bɛɛsi kɔrɔtɔnɛ, a ya n sɔ ka wonu manugu-nɛgɛ.

Yɛrɛmaya 50:15

Wo ni kɛlɛ-sɔnkɛ layɛlɛ Babilɔnna foolɛ bɛɛ rɔ, ado nyɔ-mɔgɛnu bara dɛgɛ min. Anuna soe tarɛ si keri ka bui fugbu! Nde, Mari si n tayili sara Babilɔn kɛnu na. Woletɔ wo ni anu bira boloko-yogomɛ-kɛ iko anu fanan taranta mɔgɛnu birala nya min.

Yɛrɛmaya 51:6

Anu burumatoe ni bɔ Babilɔn nyamanɛ rɔ. Anu ni anu buri alako anu niyi la ni kisi. Anu kana faga, anu tɔgɛ ni to Babilɔn kɛnuna hakɛ la. Mari ko a si a tayili sara anu na iko a bɛnta, a ni a ma nya min.

Isikiyɛli 25:14

Nta Isirɛla mɔgɛnu si anu tayili sara Idɔm kɛnu na n ye. Anu denu si a ma, Idɔm kɛnu ni nna yisi-bɔɛ dan-natenbi lɔn. Idɔm kɛnu si a lɔn n si n tayili sara mɔgɛnu na nya min. Nde, wo Tigi Mari le ya kɛ fɔ.

Sakaraya 3:8

Ile Yasowa min bi saraka-masɔla-kun-tigi-wayɛ la anubɛ i ta-nyɔgɔ-saraka-masɔlɛnu, wo ni wo tole masɔ. Ko-nyimɛ min bi nala mala yarɔ, wole le wo tamasere la. N si nta Mansa-yabɔnɛ lawuli worɔ, nta wɔli-kɛlɛ, kɔni.

Luka 21:22

Wo bɛɛ si ma tɔrɔya-telenu na, ado Allata kitabu ya min fɔ, wo bɛɛ ni bɔ-a-la.

Lankɛnimayɛ 11:13

Dugu-yɛrɛyɛrɛn-ba kɛra wati wo nyɛrɛ rɔ. Soe wo faranɛ sigi tina tan na, wo sigi tina kelan halakira. Mɔgɔ waga wɔrɔnfila (7,000) fagara dugu-yɛrɛyɛran wo bolo. Mɔgɔ-toenu kilanta kosɛbɛ! Anu ya Alla tanto min bi mansayɛ kɛla Arinyɛni tɔ.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!