Aiseya 63:3 - ALLALA KUMƐ

³ Mari ko ale le kelen pe ya sibole wonu tatɛn iko nɔnbɔ-gbɔɛ. A ko sibolo-wo-sibolo ma a dɛnbɛ anu tatɛntɛnna. Ata fondo-bɔ-belebele le ya a ma, a ya anu nunku a tontɛ la. A ko ala duruki ara wulen mɔgɔ kɛnu yele-kuran la.

Aiseya 63:3 ပူးပေါင်းရင်းမြစ်များ

Ko-Dabirɛnu 49:11

Mansɛ wo ti kilan ala sofɛlɛ kirila nɔnbɔ-kurinu tɛma nɔnbɔ-gbɔɛnu siya kan min! A si ala kurɛnu ku nɔnbɔ-gbɔ-yi wo la siyayɛ bolo.

2 Mansɛnu 9:33

Mansa Yehu ya a fɔ wonu ye ko, “Wo ni a latosokoro dugi ma.” Wonu ya ale musi latosokoro. A yele pusenta dandan anubɛ soeenu ma. Mansa Yehu ya ala soeenu anubɛ ala kirindi bi ka a furi dɛgbɛ.

Yobu 40:12

Ni minnu ya anu nyɛrɛ lɔn fen na, i ni anu nayarabi. Karagbɛlɛnu sɔnɛ kan min, i ni anu gbesi a rɔ nyɔ.

Yaburi 60:12

Ni ile Alla ye ma fɛ, fɔ ma wa nɔ-ko sɔrɔn. Ma si ma yogenu nɔ le worɔ feu!

Aiseya 22:5

Ko-Rayira-Lɛɛ wo rɔ, fenfen sa nyɔ fɔ kumakɔɛ anubɛ nɔ-koe anubɛ yisi-tɛgɛ, ado ma Tigi Mari Alla Sɛnbɛ-Bɛɛ-Tigi ya wonu nana ma kuma. Tarɛ min mininɛ mala soe ma, wo ara bui. Diyi min bɛɛ kɛra, kɔnkɛnu ya wo kuli wonu nabira.

Aiseya 25:10

Mari si ata kɔnkɔ-sɛnimɛ lakanan kɔnɔ Mohabu kɛnu ta si tɛntɛn iko binyɛ anubɛ ninki-nyɛ yabasannɛ ninki kɔrɔ nya min.

Aiseya 28:3

Mɔgɔ-ba-gbɛɛtoe wonuna wasinteyɛ si taran anu yogenu denu kin kɔrɔ.

Aiseya 59:17

Marita ko-nyimɛ le manɛ a nyɛrɛta duruku-ba la. Kisi-koe le manɛ ata fulɛ la. Tayili-sarɛ le manɛ a fɛrɛya-bɔɛ la. Kerinteyɛ le manɛ ala kan-makɛ-fan la.

Aiseya 63:6

A ko a diminya-belebele kera wati min, a ya sibolenu tatɛntɛn. A ya anu yele-kuran-kuran rawuya dugi ma.

Nimisa Koe 1:15

“N Tigi Mari ma nna kɛlɛ-kurugbɛnu lɔn fenfen na. A ya kɛlɛ-dan donu nana nta kemini-mɛsɛnu kan ma. Alla ara nna mɔgɛnu taburun sagbayi!

Yowɛli 3:13

Anu wunduyogo dɔgɔma-ma-de! Wo ni anu kunyɛ tɛgɛ a daga rɔ iko fui-fen-tɛgɛtɛ. Wo ni anu burun sagbayi, iko mɔgɛ wa numunu-siyamɛ burun, a yi-lamara-tinɛ la ni fa, ado ni anu hakɛnu mara yi wo la, a lamara tinɛ bɛɛ la si fa tɛf!”

Maika 7:10

Ma yogenu ba a yen, Mari ara ma dɛnbɛn tun ka ma lasɔ, anu si miliya ka a tɛgɛ anu darɔ-kan ma. Anu denu denu ya ma manyini ko, “Mata Mari Alla wo ye mintɔ?” Kɔnɔ ma si ma yoge wonu tinyanɛ yen. Anu si ma iko bore, mɔgɛnu bi minnu tatɛntɛnna.

Sakaraya 10:5

A ko anu si nɔ-ko sɔrɔn iko kɛlɛ-dan minnu si anu yogenu matɔrɔngba bore rɔ. A ko anu si kɛlɛ kɛ bawo ale Mari ye anu fɛ. Hali kɛlɛ-dan minnu siginɛ soee la, anu si wonu nɔ.

Malakayi 4:3

Wo tele wa ke, ale Alla wa a lawuli, a ko wo si wo yogenu nɔ ka anu tatɛrɛgbɛn wo kian kɔrɔ iko gbangban.