Aiseya 63:2 - ALLALA KUMƐ

² Nfenna, ila kurɛnu wulennɛ? A manɛ iko i ye nɔnbɔ-gbɔ-wulennɛnu tatɛntɛnna alako i ni a yi sɔrɔn.

Aiseya 63:2 ပူးပေါင်းရင်းမြစ်များ

Ko-Dabirɛnu 49:11

Mansɛ wo ti kilan ala sofɛlɛ kirila nɔnbɔ-kurinu tɛma nɔnbɔ-gbɔɛnu siya kan min! A si ala kurɛnu ku nɔnbɔ-gbɔ-yi wo la siyayɛ bolo.

Aiseya 59:17

Marita ko-nyimɛ le manɛ a nyɛrɛta duruku-ba la. Kisi-koe le manɛ ata fulɛ la. Tayili-sarɛ le manɛ a fɛrɛya-bɔɛ la. Kerinteyɛ le manɛ ala kan-makɛ-fan la.

Aiseya 63:1

Yon bi nala kɛ la ka bɔ Idɔm nyamanɛ rɔ? A bɔra Idɔm so-kunyɛ le la min tɔgɛ Bɔsira. A makirinɛ kura-wulen-hakikɛ la. A ye tagamana a sɛbɛ-kuna-wɛ la. A ye a fɔla ko Mari le ale la min bi tonyɛ gbonkanna. A ko wo lakisi-sɛnbɛ ye ale le bolo.

Isikiyɛli 35:6

Woletɔ nde, Mari min bi n niyi la, n bara n keli n nyɛrɛ rɔ ko anuna ban le sayɛ la, ado anu ti ke anu kunyɛ bɔla wo kɔrɔ. Anu ya mɔgɛnu faga min kɛ, fagalɛ ti bɔ anu denu denu fɛ.

Lankɛnimayɛ 14:19

Woletɔ melika wo ya ala wɔrɔtɛ ladon nɔnbɔ-gbɔɛ wonu kɔrɔ. A ban anu tɛgɛla, a ya anu nafili dugu-kole ma anu burun tinɛ, Allala diminyɛ si anu sugun kan min.

Lankɛnimayɛ 19:13

Duruku-yan min bi a kan na, yele kɛra wo bɛɛ ma. Ale duruku-tigi wo tɔgɛ le, “Allata Kumɛ.”

Lankɛnimayɛ 19:15

Faan-da-diyamɛ ye bɔla a da rɔ a si sibolenu nɔ min na. A si mansayɛ kɛ anu kun na ka anu mara nɛgɛ-gbelekɛ la. A si nɔnbɔ-gbɔɛ radɔn a kian la ka a yi labɔ iko baan, ado Alla Sɛnbɛ Bɛɛ Tigita diminya-belebele-wɛ si anu sugun kan min a radɔn tinɛ wo la.