Aiseya 63:18 - ALLALA KUMƐ

¹⁸ Ila Bato-Bɔn taranta ma bolo wati-kundu-ni kɔrɔ. Kɔnɔ ma yogenu bara anu kian sɔ kan-tina-sɛnimɛ wo rɔ.

Aiseya 63:18 ပူးပေါင်းရင်းမြစ်များ

Yaburi 79:1

E, Alla, minnu ma i lɔn, wonu buira ita nyamanita-mɔgɛnu ma ha anu ya ila Bato-Bɔn latinya. Anu bara Yerusalɛm-mayɛlɛnnɛ to iko sundu-kunyɛ.

Aiseya 62:12

Wole, ata mɔgɛnu si kele ko, “Allata Mɔgɔ-Sɛnimɛnu.” Mɔgɛnu si wo kele fanan ko, “Marita Mɔgɔ-Kunkanɛnu.” Anu si ile Yerusalɛm kele ko, “Alla Diyana-Soe.” Anu si i kele fanan ko, “Alla Ma A Ban Soe Min Na.”

Aiseya 63:19

Mɔgɛ donu bi nyɔ, i ma minnu mara wɛ tele-kelen-bɛrɛni! I tɔgɔ ma sa wonu kuma lun-kelen lun-tala, ado male ara ma le gbɛ iko mɔgɛ wonu.

Aiseya 64:10

Ila so-sɛnimɛnu ta ara kolonya iko wula-da-rakolɔn ye nya min. Yerusalɛm ra ara kolonya filili, ka ma tonbɔn la.

Aiseya 64:9

E, Mari, i kana diminya-belebele kɛ ma ma, ado i yili kana to ma hakɛnu ko mumɛ! I yandi, i kolan lasɛgi ma ma bawo i halalɛ le male la.

Yɛrɛmaya 12:10

Sibolo-gbɛrɛ kun-tigi-siyaman si nta ki-fannu tinya. Anu si ki-fan wonu tatɛntɛn ka anu nunku tɔi! Anu si nna sɛnɛ-hakikɛ ma iko wula-da-rakolɔn.

Nimisa Koe 1:10

Alla ara a fɔ Alla-lɔnbɛlɛ minnu ma ko anu kana don Bato-Bɔn la, Yerusalɛm kɛnu ya wonu yen donna nyɔ. Fen-kolomɛ minnu bi Bato-Bɔn la, Yerusalɛm yogenu bara ta wo bɛɛ la.

Nimisa Koe 4:1

Mala sɛnɛ min bi malan-malanna nun, wo ara tinya. Mala Bato-Bon-sɛnima-kurinu ta ara nyɛnsɛn Yerusalɛm lu-kole bɛɛ ma.

Daniyɛli 8:13

Wo kɔma, n ya a yen, melika fila ye kumala anu nyɔgɔn na. Doi ko, “Koe min bi mala ko-rayen kɛ rɔ, wo si to a kun na ha wati nyamintan? Kisimiriya-koe kɛnu si to a kun na ha wati nyamintan sarakɛnu gbɛ rɔ? Anu si to Arinyɛnɛta-kɛlɛ-dannu anubɛ Bato-Bɔn ratɛntɛnna ha wati nyamintan?”

Daniyɛli 8:24

Wo si sɛnbɛ sɔrɔn dɔgɔma-ma-de kɔnɔ a nyɛrɛ sako ma. A si kasara-siyaman kɛ, ado a ya a bole don ko-wo-ko rɔ, wo ra si bɛn a ma. A si sɛnbɛ-tiginu kasara, hali Allata mɔgɛnu.

Saraka-Masɔlɛnuta Tɔnnu 26:31

N si wola soenu bira ka anu kasara. N si wola bɛsi-kɔ-tinɛ bɛɛsi tinya fanan. Hali wo ya sarakɛnu bɔ n ye, n ti sɔn anu na. Anu mintan-sumɛ ti diya n ye muk!

Emɔsi 7:9

Nɛbi Emɔsi ya Mari kuman-kannu natenbi ko, “Isiyaka kegeyɛnu bi ale Mari batola anuta kan-tina-sɛnimɛ minnu tɔ Isirɛla nyamanɛ rɔ, Mari ko a si kan tinɛ wonu kasara ka nyɔnu ma tonbon-kole la. Mari ko a si mansayɛ bɔ Mansa Yɛrabowami kebilɛ bolo.”

Matiyu 24:2

A ko, “Wo ni bɔn kɛ bɛɛ mafɛlɛn bɛrɛkɛ! Wo ni wo hɛnkili to kɛ ko! Kuri kɛnu, hali kelen bɛrɛn ti to a gbɛ rɔ. A bɛɛ si wayan.”

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Tɔn-Fɔɛ-Fila-Nyɔgɛ 26:19

A si sɛnbɛ di wole Isirɛla bɔnsɔn ma. A si a ma, wole Isirɛla bɔnsɔn si tɔgɔ-nyimɛ sɔrɔn duninya ma ka matɔgɔlɛ anubɛ gbiliyɛ di wo ma ka tenbi bɔnsɔn doinu na. A si wo ma mɔgɔ-sɛnimɛnu na ka wo ma a halala-mɔgɛnu na iko a ara lanyiri kiri wo ye nya min.”

Tɔn-Fɔɛ-Fila-Nyɔgɛ 7:6

Wo ye wo damasi mala bawo Mari Allatɛ le wole la. A ya wole ma mɔgɔ-yabɔnɛnu na duninya-mɔgɛnu tɛma ka wole ma a halala-mɔgɛnu na.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

Lankɛnimayɛ 11:2

Kɔnɔ kata-burɛ minnu bi Alla-Bato-Bɔnla minɛ rɔ, i kana nyɔ suman bawo kan tinɛ wonu bara di sibolo-gbɛrɛnu ma. Anu si So-Sɛnimɛ kɛ radɔn karɛ bi-nani ani karɛ fila (42) kɔrɔ.