Aiseya 63:17 - ALLALA KUMƐ

¹⁷ Mari, nfenna i ye a mala, ma ye yilan-yilanna ka bɔ i fɛ? Nfenna i ye a mala, ma tole ye gbɛlɛyala, ma sa i gbiliyala? I yandi, sɛgi ma ma. I halalɛ le male la minnu bi wɔlila i ye buda!

Aiseya 63:17 ပူးပေါင်းရင်းမြစ်များ

Yaburi 119:10

N si ita tɔnnu bira n yisi bɛɛ la. N masɛgi ita tɔn-birabɛlitayɛ la.

Yaburi 119:36

Ita tɔnnu-bira-sɔgɛ ladon n yisi rɔ. Wo fisa n ye nɔnfulu-wa-sɔrɔn ko.

Yaburi 141:4

N miriya bɔ ko-yogomɛ ma. Doinu tenbi ko-yogomɛ mala, n kana kofu anu ma. N kana na anuna bɛsi-kɔ-fannu dɔn.

Yaburi 80:14

E, Alla Sɛnbɛ-Bɛɛ-Tigi, i kolan layigi ka bɔ Arinyɛni tɔ. I ya-lamunun ma la ka ma denkun. Na ita mɔgɛnu kisi.

Yaburi 90:13

E, Mari, kinikini ma ma. I si i ya-lamunun male, ita wɔli-kɛlɛnu na muntuma?

Bɔ-Koe-Iyipiti 11:10

Musa anubɛ Aruna ya kabana-koe kɛ bɛɛ kɛ mansɛ yakɔrɔ. Mari ya ale mansɛ yisi gbɛlɛya. A ma sɔn Isirɛla mɔgɛnu boloka-koe ma muk!

Bɔ-Koe-Iyipiti 4:21

Mari ya a fɔ Musa ye ko, “I wa sɛgi Iyipiti nyamanɛ rɔ tumɛ min, n bara i labila ko-makawanɛ minnu na kɛ la, i ni wonu nadan mansɛ yala. Hali wo, n si ale mansɛ yisi gbɛlɛya. A ti sɔn ka nta mɔgɛnu boloka.

Aiseya 19:25

Mari Sɛnbɛ-Bɛɛ-Tigi si duwa anu ye ka a fɔ ko, “N bara duwa wole nta mɔgɛnu Iyipiti kɛnu ye, anubɛ Asiriya kɛnu n ya minnu nadan anubɛ Isirɛla mɔgɛnu, nta mɔgɔ-yabɔnɛnu, kɔni.”

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Aiseya 29:14

Woletɔ a ko a si to anu mabanna fitina-gbesili la. Minnu hɛnkili kolo, a ko wonu si ma kun-takolɔn la. Anuna kɛwuyɛ bɛɛ si ma fufafuyi la.

Aiseya 30:28

A si fɔn-digidigi-wɛ lana a yarɔ iko yi-fɛ min bi tala fan bɛɛ la. A si nyamanɛnu tafiran ka tɔn sigi anuta miriya-yogomɛnu na.

Aiseya 6:10

Wo kɔma, a ya a fɔ n ye ko n ni a ma, fan do ni sa mɔgɛnu miriya-ya ma alako anu kana ko nya-yen. N ni a ma, anu tole ni gbere alako anu kana na ko lamɔɛn. N ni a ma, fen ni sa anu yɛ ma alako anu kana na ko ragbɛ. A ko n ni kɛnu ma alako anu kana anu ya-lamunun ale Mari la anu nakɛndɛya-koe la.

Nimisa Koe 3:9

N ba ta kan-bo-kan, n si nyɔ-gbosonɛ taran n ya rɔ. Nna kilɛ bɛɛ radunɛ.

Isikiyɛli 20:26

N sɔnta anu ni anuna den-keinu ma saraka-mintantɛ la alako n si anu tɔrɔ nya min, ado wo wa ma, wo si a yira anu na nun ko Mari le nde la.

Sakaraya 1:12

Wo kɔma, Marita melika kumara Mari Sɛnbɛ-Bɛɛ-Tigi ye. A ko, “A ara san bi-wɔrɔnfila bɔ dɛgɛdɛgɛ, i fonde bɔnɛ Yerusalɛm soe anubɛ soe doinu kuma Yuda nyamanɛ rɔ. I fonde bɔnɛ si to kɛnu kuma ha muntuma?”

Yilan-Yilan Koe 10:36

Anu ba ke anu daga-makɛ-tina-kurɛ rɔ tuma-wo-tuma, anu si Marita tɔn-kenkirɛ sigi. Wo kɔma, Musa si a fɔ kan-wɛ la tun ko, “E, Mari, na sigi male Isirɛla mɔgɔ waga siyaman tɛma tun.”

Yɔni 12:40

“Alla ara anu fiyonya alako anu kana fen yen. A ara anu yisi gbɛlɛya alako anu hɛnkili kana ko nya-yen. Wo le si a ma, anu ti na a wara anu nakɛndɛya-koe la.”

Tɔn-Fɔɛ-Fila-Nyɔgɛ 2:30

“Kɔnɔ ma Mari Alla ya a ma, Mansa Saihɔn yisi gbɛlɛyara gbon! Wo le ya a ma, a ma sɔn ma ni tenbi ata nyamanɛ rɔ muk! Ma kɛlɛ-sɔgɛ ya a bira. Woletɔ Mari ya a ma, ma ya a nɔ ka ala nyamanɛ bi. Ha bi, nyamanɛ wo ye ma bolo.

Yasowa 11:20

Mari ya Isirɛla yogenu yisi gbɛlɛya alako anu ni Isirɛla mɔgɛnu kɛlɛ. Wo le ya a ma, Isirɛla mɔgɛnu si anu bira ka anu nato dogbe! Anu ma anu buri anu kɔrɔ. Mari ya a fɔ Musa ye nun ko anu kana kinikini anu fenfen ma.